(ஸ்ரனிஸ்)

தமிழகத்தில சாதாரண முகாம்கள் 105, சிறப்பு முகாம்கள் 2 உம் உள்ளன. முகாமிலும் வெளியேயுமாக மொத்தம், 1லட்சத்து 37 ஆயிரம் பேர் வரை தங்கியுள்ளனர்.
இவர்களின் முகாமில் உள்ளவர்களுக்கு இந்திய மத்திய,மாநில அரசுகள் உதவிகள் செய்து வருகின்றது.வெளியில் உள்ளவர்கள் தங்களது சொந்தச் செலவிலே வாழ்ந்து வருகிறார்கள்.
தமிழகத்தில் வாழும் இலங்கை மக்களில் சிலர் 1983 களில் இருந்தே வசித்து வருகிறார்கள்.பலர் இடைக்காலங்களில் இலங்கையில் ஏற்பட்ட யுத்தம் காரணமாக இடம்பெயர்ந்து தமிழகத்துக்கு சென்றவர்களாகும்.

ஆக 25 வருடங்களுக்கு மேலாகவும் பலர் வாழந்து வருகிறார்கள். தமிழகத்திற்கு யுத்தம் காரணமாக இடம்பெயர்ந்து வந்த அனைவரும்,இலங்கையில் யுத்தம் ஓயந்து இயல்பான சூழ்நிலை ஏற்பட்டவுடன் திரும்பிடலாம் என்ற எண்ணத்துடனே வந்தவர்களாகும். ஆனால் அவர்கள் உடனடியாகச் இலங்கை திரும்ப முடியாமல் யுத்தம் தொடர்ந்து கொண்டே இருந்தது.
இதன்காரணமாக தமிழகத்தில் அவர்களது பிள்ளைகளின் படிப்பு, தொழில் மற்றும் வாழவாதரங்கள் போன்றவற்றில் ஆழமாக வேரூன்ற வேண்டிய நிலை ஏற்பட்டது.
நீண்ட பல வருடங்களாக இவர்கள் தழிகத்தில் இருந்தாலும் நாளும்,பொழுதும் அவர்களின் கனவுகளும்,சிந்தனைகளும் தாங்கள் பிறந்த மண்ணையும்,தாங்கள் தவழ்ந்து விளையாடிய வீட்டையும்,அவர்கள் வாழந்த இடத்தையுமான சிந்தனைகளாகவே இருந்து.

இலங்கையில் தற்போது ஏற்பட்டுள்ள ஆட்சிமாற்றம் இலங்கை தமிழ் மக்கள் அனைவரையும் உடனடியான சந்தோஷத்தை ஏற்படுத்தியது.இந்த சந்தோஷம் தமிழகத்தில் உள்ள இலங்கை மக்களையும் விட்டுவைக்கவில்லை.தமிழகத்தில் உள்ள இலங்கை மக்கள் நாடுதிரும்புவதற்கான சூழழ்நிலை ஏற்பட்டுவிட்டதாக தங்களுக்குள் பேசிக் கொண்டனர்.
இலங்கையில் ஆட்சி மாற்றத்தின் பின்னர் இயல்பான வாழக்கை நடைபெறுவதை தற்போது உணரக் கூடியதாக உள்ளது.எங்கும் சென்றுவரவும்,எந்த நேரத்திலும் சென்றுவரவும் அச்சமில்லாத சூழ்நிலை எற்பட்டுள்ளது.முன்னைய ஆட்சிகாலங்களில் தொலைபேசியில் கதைப்பதற்கே அச்சப்படவேண்டி இருந்த காலம் போய்விட்டதை அவர்கள் உணரக்கூடிய நிலைமைகள் உள்ளதை அவர்களே சொல்கிறார்கள்.

நாடு திரும்புதல் தொடர்பான சலசலப்பு தமிழகத்தில் உள்ள இலங்கை மக்களிடம் இலங்கையின் ஆட்சி மாற்றத்தின் பின்னர் ஏற்பட்டபோதும், அவை தற்போது ஒய்ந்துள்ளது.இலங்கை வெளியுறவுத்துறை அமைச்சர் மங்கள சமரவீர அவர்கள் இந்தியா சென்றதும் அதன் தொடர்ச்சியாக இந்திய வெளியுறவுத்துறை அமைச்சர் சுஷ்மா சுவராஜ் அவர்கள் இலங்கை சென்றதும் அதனைத் தொடர்ந்து பாரதப்பிரதமர் நரேந்திர மோடி அவர்கள் இலங்கை சென்றது என்பவை மீண்டும் அவர்களிடம் நம்பிக்கையை ஏற்படுத்தியுள்ளது.

இப்படியான அரசியல் ராஜதந்திர நகர்வுகள் ஒருபுறம் நம்பிக்கையை கொடுக்கின்றபோதும், தமிழகத்தில் உள்ள அகதிமக்கள் இன்னும் சில விடயங்களையும் சொல்கிறார்கள் அவர்கள் சொல்லும் இந்த விடயங்கள் நியாயமானதாகவே தென்படுகிறது.
அவர்களது விடயத்தில் மனிதாபிமானம் மட்டுமே இருக்கவேண்டும் என்பதையும் அவர்கள் விரும்புவதாக தெரிகிறது.தங்களை வைத்து அரசியல் செய்கிறார்கள் எனவும் சிலர் கதைக்கிக்கிறார்கள்.தங்களை வைத்து அரசியல் செய்வதால் தங்களது வாழக்கைதான் பாதிக்கப்படும் என்றும் தங்களது இழந்த வாழ்க்கையையும், பிள்ளைகளின் எதிர்காலத்தையும் கருத்தில் கொண்டு அனைத்து நலன்விரும்பிகளும் இதை உணரவேண்டும் எனவும் அகதி மக்கள் நினைக்கிறார்கள்.

ஆனால் இலங்கை மக்கள் தொடர்பாக சிலநேரங்களில் நல்ல அரசியல் முடிவுகள,; அவர்கள் வாழ்க்கையை மாற்றி அவர்களுக்கு நல்ல எதிர்காலத்தை ஏற்படுத்திக் கொடுக்கும் என்பதையும் அவர்கள் அறிதல் வேண்டும்.(உதாரணத்துக்கு ராஜீவ்-ஜெயவர்த்தனே ஒப்பந்தம்) இது விடயமாக நல்ல முடிவுகளை இந்திய அரசாங்கம் எறபடுத்திக் கொடுக்கும் என்ற நம்பிக்கையும் பலரிடம் காணப்படுகிறது.

தமிழகத்தில் நீண்டகாலமாக இருப்பவர்கள் இலங்கை சென்றால் தொழில்.பிள்ளைகளின் கல்வி,இருப்பிடம் போன்றவற்றில் பெரிதும் கவனம் செலுத்துவதும,; இது தொடர்பான உத்தரவாத்தை யார் கொடுப்பார்கள என்ற ஏக்கத்திலும் அவர்கள் இருக்கிறார்கள்.
தமிழகத்தில் படித்த பிள்ளைகளின் படிப்பை இலங்கையில் தொடரவும்,கற்ற கல்விக்குரிய வேலை இலங்கையில் கிடைக்குமா? என்றும்,பட்டயபடிப்புக்கு உரிய அங்கீகாரம் இலங்கையில் கிடைக்குமா? என பிள்ளைகள் தொடர்பாகவும்,தங்களது வாழ்வாதாரத்தை சிரமமின்றி தொடர வேலைவாய்ப்புகள் கிடைக்குமா? தாங்கள் வாழ்வதற்கு அழிந்துபோன தங்களது வீடு புணரமைக்கப்படுமா? ஏல்லாவற்றுக்கும் மேலாக உயிர்அச்சுறுத்தல் இருக்குமா? என்றெல்லாம் யோசிக்கிறார்கள்.

மேற்சொன்னவற்றை இலங்கை இந்திய அரசாங்கங்கள் களையவேண்டும் என்ற எண்ணம் அவர்களிடம் உள்ளது.அப்படி களையும் பட்சத்தில் தமிழகத்தில் உள்ள இலங்கை அகதிகள் தாய்நாட்டிற்கு திரும்பும் முடிவை அவர்கள் எடுக்க இலகுவாக இருக்கும். இலங்கைக்கு அண்மையில் பாரதப்பிரதமர் மோடி அவர்கள் சென்றதும் நான்கு ஒப்பந்தங்கள் கைச்சாத்திட்டதும் அதனைத் தொடர்ந்து பல திட்டங்களை செயல்படுத்தியது,அறிவித்தது என்பன புலம்பெயர்ந்து குறிப்பாக தமிழகத்தில் வாழும் இலங்கை மக்கள் நாடு தரும்பும் போது அவர்களுக்கு பல சௌகரியங்களை ஏற்படுத்திக் கொடுக்கும்.

குறிப்பாக சுங்கம் தொடர்பான பரஸ்பர புரிந்துணர்வு என்ற ஒப்பந்தம், புலம்பெயர்ந்தவர்கள் தங்கள் நாட்டுக்குச் செல்லும் பட்சத்தில் நீண்டகாலமாக அவர்கள் புலம்பெயர்ந்து இருந்தகாரணத்தால,; பலவகைப் பொருட்கள் மற்றும் அவர்களின்; தொழில்ரீதியான பொருட்கள் என்பவற்றை இலகுவாக கொண்டு செல்லவும், சுங்க வரிச்சலுகைகள் இதற்கு பயன்படவாய்ப்புகள் உள்ளன. தலைமன்னாருக்கான ரயில் சேவை என்பதும் தமிழகத்தில் இருந்து கப்பலில் இலங்கை செல்பவர்களை இலகுவாக நாட்டின் மற்றய இடங்குளுக்குக் கொண்டு செல்வதற்கு இலகுவாக இருக்கும் என்பதிலும் ஐயம் இல்லை.
உள்நாட்டில் இடம்பெயர்ந்தவர்களை அண்மையில் இலங்கையின் வலிவடக்கு, வலிகிழக்கு பகுதியில் குடியேற்றியதென்பதும் புலம்பெயர்ந்து வாழும் குறிப்பாக தமிழகத்தில் உள்ள இலங்கை மக்களுக்கு நம்பிக்கையளிக்கக் கூடியதாகவே உள்ளது.

அமைதி சமாதானம் ஜனநாயகம்

www.sooddram.com