சன் சீ’ அகதிகள் கப்பல் விவகாரம்

தடுப்பதில் அயல்நாடுகளும் அதிகாரிகளும் அசட்டை

சன் சீ கப்பல் கனடாவுக்குள் நுழைவதை கனேடிய அதிகாரிகளும், கனடாவின் அயல்நாடுகளும் தடுப்பதற்குத் தவறியிருப்பதாக கனேடிய நஷனல் போஸ்டின் விசாரணை அறிக்கையில் குறிப்பிடப்பட்டுள்ளது. 2009ம் ஆண்டு மே 9ம் திகதியே சன் சீ கப்பல் வருகை பற்றி தாய்லாந்து புலனாய்வு அதிகாரிகள் எச்சரித்திரு ந்தனர். அதன் பின்னர் இக்கப்பல் கம்போடியக் கடற்பரப்பில் பயணித்துக் கொண்டிருந்த போது அதனைத் தடுப்பதற்கு நடவடிக்கை எடுக்குமாறு கனடா, கம்போடியாவிடம் கோரியிருந்த போதும் அந்நாடு அக்கறை காட்டியிருக்கவில்லை என்றும் நஷனல் போஸ்ட் தெரிவித்துள்ளது.

சன் சீ கப்பலிலிருந்தவர்கள் கனடா நோக்கித் தாம் பயணிப்பதாக ஐக்கிய நாடுகள் சபையின் அகதிகளுக்கான உயர் ஸ்தானிகராலயத்திற்கு தொலைநகல் அனுப்பியிருந்தமையையும் நஷனல் போஸ்ட் சுட்டிக்காட்டியுள்ளது. சன் சீ கப்பல் பிரித்தானிய கொலம்பியா கடற் பரப்புக்குள் நுழைந்ததும் கனேடிய அர சாங்கத்தில் அங்கம் வகிக்கும் சிலர் கப் பலைத் தடுக்கும் விடயத்தில் அக்கறை காட்டியிருக்கவில்லையென்றும் தெரிவிக் கப்பட்டுள்ளது.

சன் சீ கப்பல் விடயத்தில் கனேடிய அரசாங்கம் நடந்து கொண்ட விதத்தை ஆட்கடத்தல்காரர்கள் உன்னிப்பாக அவ தானித்திருந்தால் அது அவர்களுக்கு உத் வேகமாக அமைந்திருக்கும் எனவும் அதில் குறிப்பிடப்பட்டுள்ளது.

சன் சீ கப்பலைத் தடுப்பதற்கு தென் கிழக்கு ஆசிய நாடுகளுக்கு இயலுமாக விருந்த போதும் நூற்றுக் கணக்கான புகலிடம் கோரிக்கையாளர்களையும் பொறுப்பெடுக்க வேண்டுமென்பதால் அந்நாடுகள் அக்கறை காட்டவில்லை யென்றும் நஷனல் போஸ்ட் மேலும் குறிப்பிட்டுள்ளது.

இலங்கையைச் சேர்ந்த புகலிடக் கோரிக்கையாளர்கள் 492 பேர் உள்ளடங்கலாக 500க்கும் அதிகமான சட்ட விரோதக் குடியேற்றவாசிகளை ஏற்றிக் கொண்டு சன் சீ கப்பல் 2009ம் ஆண்டு கனேடிய கடற்பரப்புக்குள் நுழைந்தது. இக்கப்பலில் சென்ற அனைவரும் முகாம்களில் தடுத்து வைக்கப்பட்டுள்ளனர்.

அத்துடன் சட்டவிரோதக் குடியேற்ற வாசிகளின் வரவைத் தடுப்பதற்கு கனடா தனது குடியேற்றச் சட்டத்தை இறுக்கி யுள்ளமை இங்கு குறிப்பிடத்தக்கது.