கருணாநிதி, ஜெயலலிதா சமமான பலப்பரீட்சை

தமிழக சட்டசபைத் தேர்தலுக்கு இன் னும் 9 நாட்கள் மட்டும் உள்ள நிலையில், எந்தக் கட்சிக்கும் ஆதரவு அலை வீச வில்லை. தேர்தல் நாள் நெருங்குவதால் அனைத்து கட்சிகளும் ஆர்ப்பரிக்க முடியாத சூழ்நிலையில் சிக்கியுள்ளன. தங்களது அணிக்குப் பெரும்பான்மை கிடைத்து, ஆட்சி அமைக்க முடியுமா? என்ற கலக்கத்தில் கட்சித் தலைவர்கள் உள்ளனர். எதிர்வரும் 13ம் திகதி தமிழகம் மற் றும் புதுச்சேரி மாநிலங்களுக்கு சட்டசபைத் தேர்தல் நடக்கிறது. 11ம் திகதி மாலை, தேர்தல் பிரசாரம் நிறைவு பெறுகிறது. தி.மு.க., தலைமையில் காங்கிரஸ், பா.ம.க., விடுதலைச் சிறுத் தைகள் மற்றும் இதர கட்சிகள் ஒரு அணியிலும், அ.தி.மு.க., தலைமையில் தே.மு.தி.க இரு கம்யூனிஸ்ட் மற்றும் இதர கட்சிகள் மற்றொரு அணியிலும் போட்டியிடுகின்றன.

முதல்வர் கருணாநிதி, முதல்கட்டமாக கோவை, ஈரோடு, சேலம், வேலூர் ஆகிய மாவட்டங்களில் வேட்பாளர்களை ஆத ரித்து பொதுக்கூட்டங்கள் மூலம் பிரசாரம் செய்து முடித்துள்ளார். தி.மு.க.,வுக்கு ஆதரவாக கூட்டணிக் கட்சித் தலைவர்கள் மற்றும் நடிகர், நடிகைகள் சூறாவளிப் பிரசாரத்தில் ஈடுபட்டுள்ளனர்.

அ.தி.மு.க., பொதுச்செயலர் ஜெயலலிதா, கடந்த 26ம் திகதி முதல் கட்டத் தேர்தல் பிரசாரத்தை திருச்சியில் தொடக்கினார். கடந்த 1ம் திகதி சென்னையில் அதிவிரைவுப் பிரசாரத்தில் ஈடுபட்டார்.

இரு அணியிலும் தலைவர்கள் பிரசாரம் சூடுபிடித்திருந்தாலும் எந்த அணிக்கும் வாக்காளர்களின் ஆதரவு அலை வீசவில்லை. இலவசத் திட்டங்களை தி.மு.க.வை போல அ.தி.மு.க.,வும் அறிவித்திருப்பதால் இரு கட்சிகளின் தேர்தல் அறிக்கையையும் பொதுமக்கள் சரிசமமாக கருதுகின்றனர்.

தேர்தல் பணியில் இரு அணிகளின் தொண்டர்களும் களத்தில் காணப்படு கின்றனர். வாக்காளர் களுக்கு பணம் கொடுப்பதை தடுப்பதில் தேர்தல் ஆணைக் குழு தீவிரமாக இருப்பதால், கட்சியினர் மத்தியில் அதிருப்தி நிலை நீடிக்கிறது.

தேர்தல் நாள் நெருங்கும் நிலையில், இலவச தொலைக்காட்சி, வாயு அடுப்பு, ஊரக வேலைவாய்ப்பு திட்டம் போன்றவை ஆளுங்கட்சிக்கு ஆதரவை பெற்றிருந்தாலும், 2 ஜி அலைக்கற்றை ஊழல், மின்வெட்டு, விலைவாசி உயர்வு போன்றவை அதிருப்தியை ஏற்படுத்தியுள்ளன. அதே நேரத்தில், இந்தப் பிரச்சினைகள் எல்லாம் அ.தி.மு.க., அணிக்கு ஆதரவாக மாறுமா? என்பதிலும் தெளிவு இல்லை. மேலும், தொகுதி சீரமைப்பு, அந்தந்த பகுதியின் வளர்ச்சி நிலைமை, வேட்பாளரது பின்புலம் போன்றவற்றை வைத்து வாக்குப் போடும் நிலை இருப்பதாக, பலரும் கருதுகின்றனர்.

மேலும், தேர்தல் ஆணைக்குழு கெடுபிடி செய்வதாக ஆளும் தி.மு.க., கூட்டணி வெளிப்படையாக குறை கூறுவது, இத் தேர்தலில் வித்தியாசமான அம்சமாகும். தமிழகத்தில் வெயில் அதிகரித்த நிலையில், அடுத்த ஒருவார காலத்தில் முக்கியமான கட்சிகள் எடுக்கும் உத்திகள் தான் வாக்காளர் மனதில் அதிகமாக ஈர்ப்பை ஏற்படுத்தும். அதுவரை ஆதரவு அலை என்பது எக்கட்சியும் இருப்பதாக கூற இயலாத சூழ்நிலை தான், இத் தேர்தலில் தற்போது ஏற்பட்டிருக்கும் புதுமையான நிலவரம் ஆகும்.