சட்டவிரோதமாக அவுஸ்திரேலியா செல்ல முயன்ற ஆறு பேர் கொழும்பில் கைது

படகு மூலம் சட்ட விரோதமாக அவுஸ்திரேலியாவுக்கு செல்ல தயாராக இருந்த ஆறு பேர் கொழும்பு மோசடி தடுப்பு பிரிவு பொலிஸாரினால் மடக்கிப் பிடிக்கப்பட்டுள்ளனர். கொழும்பு - கொட்டாஞ்சேனை பிரதேசத்தில் கைது செய்யப்பட்ட ஆறு பேரில் இருவர் சட்ட விரோத ஆட்கடத்தல் நடவடிக்கைகளில் ஈடுபட்டு வந்த முகவர்கள் என தெரிய வந்துள்ளதாக கொழும்பு மோசடி தடுப்பு பிரிவின் பொறுப்பதிகாரி தெரிவித்தார். இதேவேளை, சட்ட விரோத ஆட்கடத்தல் நடவடிக்கைகளை மேற்கொண்டுவரும் கும்பலின் பிரதான சூத்திரதாரிகள் இருவரை தேடிக் கண்டுபிடித்து கைது செய்யும் நடவடிக்கைகளில் தமது குழு ஈடுபட்டுள்ளதாகவும் அவர் மேலும் தெரிவித்தார். களுவாஞ்சிகுடி பிரதேசத்தைச் சேர்ந்த 48 வயதுடைய பரமசிவன் சந்திரகுமார், கல்முனை பகுதியைச் சேர்ந்த ரூபன் என்ற ழைக்கப்படும் 28 வயதுடைய இந்திரன் ருபசந்திரன் என்ற இரண்டு பிரதான சந்தேக நபர்களே தேடப்பட்டு வருவதுடன் இவர் கள் தொடர்பில் தகவல்களை வழங்கு பவர்களுக்கு சன்மானம் வழங்கவும் பொலிஸ் திணைக்களம் நடவடிக்கை எடுத்துள்ளதாக அவர் மேலும் தெரிவித்தார்.

சட்ட விரோதமாக அவுஸ்திரேலியாவுக்கு செல்ல குழுவொன்று தயாராகி இருப்பதாக கிடைக்கப்பெற்ற தகவல்களை அடுத்தே சுற்றிவளைப்பு நடவடிக்கைகளை மேற் கொண்டு ஆறு பேரையும் கைது செய் துள்ளனர். கைது செய்யப்பட்டவர்கள் கிளிநொச்சி, மட்டக்களப்பு, திருகோணமலை, சாவகச் சேரி, கொட்டாஞ்சேனை மற்றும் காங் கேசன்துறையை சேர்ந்தவர்கள் என இனங்காணப்பட்டுள்ளனர். கைது செய்யப்பட்டவர்கள் அளுத்கடை முதலாவது நீதவான் நீதிமன்றில் ஆஜர் படுத்தப்பட்டனர். அவர்களை எதிர்வரும் 10ம் திகதி வரை விளக்கமறியலில் வைக்குமாறு நீதவான் உத்தரவு பிறப்பித் துள்ளார்.

இதேவேளை, ஆட்கடத்தல் சம்பவத்துடன் தொடர்புடைய இரு பிரதான சந்தேக நபர்கள் தொடர்பாக நீதிமன்றத்திற்கு விளக்க மளித்த பொலிஸார் ரூபன் என்பவரை கைது செய்வதற்கான பிடியானையை பெற்றுக் கொண்டுள்ளதாக மோசடி தடுப்பு பிரிவின் சப் இன்ஸ்பெக்டர் கங்கானாத் தெரிவித்தார். பொலிஸாரால் தேடப்படும் பிரதான சந்தேக நபர்கள் இருவர் சட்ட விரோதமாக படகு மூலம் வெளிநாட்டுக்கு அனுப்புவதற் காக ஒருவரிடம் இருந்து தலா 15 இலட்சம் ரூபாவை அறவிட்டுள்ளதுடன் கடந்த ஜனவரி மாதம் 71 பேரை இது போன்று சட்ட விரோதமாக வெளிநாட்டுக்கு அனுப்பியுள்ளமையும் ஆரம்பகட்ட விசாரணைகள் மூலம் தெரிய வந்துள்ளதாகவும் அவர் குறிப்பிட்டார்.

இதேவேளை, ரூபன் என்பவர் அப்பாவித் தமிழ் மக்கள் பலரை ஏமாற்றி அவர்களிடமிருந்து பல இலட்சக்கணக்கான பண மோசடிகளை மேற்கொண்டுள்ளமை அம்பலமாகியுள்ளது. அத்துடன் இவர் பல்வேறு குற்றச்சாட்டின் பேரில் விளக்கமறியலில் வைக்கப்பட்டுள்ளதாகவும் அவர் மேலும் தெரிவித்தார்.

வெளிநாடுகளுக்கு படகு மூலம் சட்டவிரோதமாக அனுப்பப்பட்டவர்களில் பலர் புலிகள் இயக்கத்துடன் தொடர்புடையவர்கள் என்று தெரிய வந்துள்ளதாக தெரிவித்த அவர், விமான நிலையத்தின் ஊடாக அனுப்ப முடியாமையினாலேயே சட்ட விரோதமாக கடல் வழியை பயன்படுத்தி அனுப்பி யுள்ளதாகவும் சுட்டிக் காட்டினார்.

இது போன்று ஏமாற்றி, பண மோசடி நடவடிக்கைகளில் ஈடுபடுபவர்களிடம் சிக்கிவிடாமல் மிகவும் அவதானத்துடன் செயற்படுமாறு பொது மக்களிடம் கேட்டுக் கொள்வதுடன் இது போன்று சமூக துரோக நடவடிக்கைகளில் ஈடுபடு பவர்களை கைது செய்யும் பொருட்டு தேவையான தகவல்களையும் ஒத்து ழைப்புக்களையும் வழங்குமாறு பொது மக்களையும் கேட்டுக் கொள்வதாகவும் பொலிஸார் தெரிவித்தனர்.