சாவேஸ் அரசை சீர்குலைக்க ஐந்தம்சத் திட்டம்   சதிவேலையில் ஈடுபட்ட அமெரிக்க தூதரகம் -   விக்கிலீக்ஸ் இணையதளம்

வெனிசுலாவில் சாவேஸ் தலைமையிலான ஆட்சி நடைபெற்ற போது வெனிசுலாவிற்கான அமெரிக்க தூதரகம் ஐந்தம்ச திட்டங்களை உருவாக்கி சாவேஸ் தலைமையிலான அரசை சீர்குலைக்க செய்த சதி திட்டங்களை தற்போது விக்கிலீக்ஸ் இணையதளம் அம்பலப்படுத்தியுள்ளது. விக்கிலீக்ஸ் இணையதளம் உலக அளவில் அமெரிக்க தூதரகங்கள் மூலம் செயல்படுத்தப்பட்டு வந்த சதி திட்டங்களை அம்பலப்படுத்தி வருகிறது. குறிப்பாக உலக நாடுகளில் உள்ள அமெரிக்க தூதரகத்தில் அமெரிக்க தலைமையகம் பென்டகன் மற்றும் வெள்ளை மாளிகைக்கு அனுப்பிய ரகசிய தகவல்களை தொடர்ந்து வெளியிட்டு வருகிறது. அந்த வரிசையில் தற்போது வெனிசுலாவில் இருந்த அமெரிக்க தூதரகம் சாவேஸ் தலைமையிலான அரசை சீர்குலைக்க எவ்வாறு திட்டமிட்டது என்பது குறித்து வெனிசுலாவிற்கான அமெரிக்க தூதர் ப்ரோவின் பைல்ட் பென்டகனுக்கு அனுப்பிய ரகசிய கேபிள் வெளியிட்டுள்ளது.

அதில் கூறியிருப்பதாவது : 2004ம் ஆண்டு முதல் சாவேஸ் தலைமையிலான அரசை சீர்குலைப் பதற்கு ஐந்தம்ச திட்டம் தீட்டப்பட்டது. அதனை அமெரிக்காவின் சர்வதேச வளர்ச்சி மையம்( யுஎஸ்ஏஐடி ), மாற்றத்திற்கான தொடக்க அலுவலகம் ( ஒடிஐ ) மற்றும் வெளிநாடுகளில் உள்ள புகழ் பெற்ற தனியார் மையங்கள் கொண்டு அமெரிக்காவிற்காக செயல்பட வைப்பது என்று முடிவு செய்யப்பட்டது. அதன் படி முதலில் சாவேஸின் அரசியல் அடித்தளத்தில் ஊடுருவுவது, சாவிஸ்மோ என்று அழைக்கப்படுகிற சாவிஸ்சம் அதாவது, இடதுசாரி தத்துவத்தில் பிளவை உருவாக்குவது, அதன் மூலம் அமெரிக்காவின் முக்கிய வர்த்தகங்களுக்கு பாதிப்பு வராமல் தடுப்பது, சர்வசேத அளவில் சாவேஸை தனிமைப்படுத்துவது, அதன் மூலம் சாவேஸின் தலைமையிலான வெனிசுலா அரசை சீர்குலைப்பது என்பனவற்றை நோக்கமாக கொண்டு செயல்படுவது என்ற ஐந்தம்சத் திட்டம் செயல்படுத்தப்பட்டது.

இந்த செயல் திட்டத்தில் அமெரிக்காவின் தென்பகுதி கமாண்டோ, யுஎஸ்ஏ ஐடி மற்றும் ஓடிஐ மூலம் இந்த செயல் திட்டங்கள் அமலாக்கப்பட்டன. இந்த லட்சியத்தை அடைய முதலில் சாவே

ஸின் அரசியல் கட்சிக்குள் ஊடுருவி கட்சிக்குள் கருத்து வேறுபாட்டை அதிகரிப்பதும், ஐனநாயகத்தின் முக்கிய தூணாக விளங்கும் குடியுரிமை சமூகத்தினரை அணி திரட்டுவதும் நடைமுறைப்படுத்தப்பட்டது. இது வெற்றி பெறும் பட்சத்தில் சாவேஸ் ஒருவரால் முழுவதுமாக நிலையை கட்டுக்குள் கொண்டு வர முடியாது. அப்போது நமது லட்சியம் வெற்றி பெறும் என குறிப்பிடப்பட்டிருக்கிறது. இந்த தகவல் இணைய கேபிள் மூலம் 2006ம் ஆண்டு நவம்பர் மாதம் அமெரிக்கா மாகாண துணை செயலாளருக்கு அனுப்பப்பட்டது. அதுவும் இந்த ஐந்தம்ச திட்டத்தின் முக்கிய கூறுகளை சுட்டிகாட்டுவதற்காக இது அனுப்பப்பட்டுள் ளது என்பது குறிப்பிடத்தக்கது.

சாவேஸ்க்கு ஏற்பட்ட புற்று நோய் அமெரிக்காவால் திட்டமிட்டு பரப்பட்டது என்ற குற்றச்சாட்டு ஏற்கனவே வலுவாக இருந்து வருகிறது. அதே போல் சாவேஸ் இறப்பதற்கு முந்தைய நாள் வெனிசுலாவில் உள்ள அமெரிக்க தூதரக அதிகாரிகள் வெனிசுலாவின் விமானப்படை அதிகாரிகளில் சிலரை சந்தித்து சதிதிட்டத்தில் ஈடுபட்டது கண்டுபிடிக்கப்பட்டது. அடுத்த 24 மணி நேரத்திற்குள் அமெரிக்க தூதரை வெனிசுலா வெளியேற்றியது என்பதும், இந்த சதி திட்டத்தின் தொடர்ச்சியான செயலாக்கம் என அரசியல் விமர்சகர்கள் கருத்து தெரிவித்துள்ளனர்.