கூட்டு தேசியவாத அடிப்படையில் அரசாங்கத்துக்கு மு.கா ஆதரவு

முஸ்லிம் காங்கிரஸ் தவிசாளர் பஷீர் சேகுதாவூத் கூறுகிறார்

* எம்.பி.கள் குழு அடுத்த வாரம் ஜனாதிபதியுடன் சந்திப்பு

* 13வது திருத்தத்திற்கும் மேலான அதிகாரம் கிடைக்குமென நம்பிக்கை

 “தனித்தனியான தேசியவாதங்கள் தலைதூக்கியிருக்கின்ற இன்றைய நிலையில் இனங்களுக்கிடையே சமாதானத்தையும் நல்லுறவையும் ஏற்படுத்துவதற்கு கூட்டுத் தேசியவாதக் கோட்பாடு அவசியம் என்ற நிலையிலேயே அரசுக்கு ஆதரவு வழங்க முன்வந்திருக்கிறது.” என மு. கா. தவிசாளரும் மட்டக்களப்பு மாவட்ட பாராளுமன்ற உறுப்பினருமான பஷீர் சேகுதாவூத் தெரிவித்தார். முஸ்லிம் காங்கிரஸ் அரசாங்கத்திற்கு ஆதரவு வழங்குவது தொடர்பாக கருத்துத் தெரிவித்த அவர், “இன்று நாட்டில் சிங்களத் தேசியவாதம், தமிழ்த் தேசியவாதம்,முஸ்லிம் தேசிய வாதம் என தேசியவாதம் முரண்பட்டுக் கிடக்கின்றது. இன்று வன்முறை ஒழிக்கப்பட்டிருக்கிறதேயொழிய, தேசியவாத முரண்பாடுகள் ஒழியவில்லை.

இந்த நிலையில் அனைத்து மக்களையும் சேர்த்து கூட்டுத் தேசியவாத சிந்தனையோடு செயற்பட வேண்டியது காலத்தின் தேவையாகும். இதனைக் கருத்திற் கொண்டே முஸ்லிம் காங்கிரஸ் அரசை ஆதரிக்க முன்வந்திருக்கிறது” என்றார் பiர் சேகுதாவூத்.

முஸ்லிம் காங்கிரஸ் தலைவர் ஹக்கீம் ஜனாதிபதியுடன் நடத்திய பேச்சுவார்த்தை மிகவும் திருப்திகரமாக இருந்தது. சிறுபான்மையினருக்குப் பாதிப்பு ஏற்படாத வகையில் ஜனாதிபதி பிரச்சினைக்குத் தீர்வு காண்பார் என்ற நம்பிக்கை ஏற் பட்டிருக்கிறது. இதனால் அவர் 13வது திருத்தத்திற்கும் மேலாகச் (13+) சென்று சிறுபான்மையினர் நலன் பேண ஜனாதிபதி நடவடிக்கை எடுப்பார் என்பதை முஸ்லிம் காங்கிரஸ் உணர்ந்துள்ளது.

இதனையும் கருத்தில் கொண்டே நாம் அரசுக்கு ஒத்துழைப்பு வழங்க முன் வந்துள்ளோம் எனவும் பiர் சேகுதாவூத் சுட்டிக்காட்டினார்.

ஜனாதிபதியுடன் நடத்திய பேச்சு வார்த்தையின் போது இரு விடயங்கள் ஆராயப்பட்டன.

அரசியலமைப்புக்கு திருத்தம் செய்யும் போது நிறைவேற்று அதிகாரம்கொண்ட ஜனாதிபதி 3வது முறையாகவும் பதவி வகிப்பதற்கான திருத்தம், மற்றும் அரசியலமைப்பு சபைக்கு உறுப் பினர்களை நியமிப்பது தொடர் பான திருத்தம் தொடர்பாகவே மு. கா. தலைவர் பேசி யுள்ளார்.

இந்த விடயங்களுக்கு ஆதரவு வழங்கு வதால் சிறுபான்மையினருக்கு எந்தப் பாதிப்பும் ஏற்படப் போவதில்லை.

குறிப்பாக முஸ்லிம் சமூகமும் இதனால் பாதிக்காது என்றும் அவர் கூறினார்.

அரசாங்கத்தோடு ஒரு சுமுகமான உறவை ஏற்படுத்திக் கொள்வது மற்றொரு முக்கியமான விடயம்.

சிறுபான்மையினருக்கு அநீதி ஏற் படாத வகையில் அரசுக்கு ஒத்துழைப்பு வழங்குவதில் எந்தப்பிழையும் இல்லை.

இது முஸ்லிம் காங்கிரஸின் கோட் பாட்டு ரீதியான முடிவு எனவும் அவர் கூறினார்.

அரசாங்கத்துக்கு ஒத்துழைப்பு வழங் குவதால் தமிழ்த் தேசிய கூட்டமைப் புடனான உறவு பாதிக்கப்படுமென கருதுகிaர்களா? எனக் கேட்டதற்கு;

அப்படி எதுவுமே நடக்காது. தமிழ்த் தேசியக் கூட்டமைப்புடன் எந்த வகையிலும் விரிசல் ஏற்படாது. சிறுபான்மையினர் நலன் தொடர்பாக கூட்டமைப்பு உட்பட சகல கட்சிகளுடனும் உறவைப் பேணுவோம் என்றார்.

இதேவேளை, பாராளுமன்ற கூட்டத் தொடர் அடுத்த வாரம் ஆரம்பமாவதற்கு முன்னதாக ஸ்ரீலங்கா முஸ்லிம் காங்கிரஸின் பாராளுமன்றக் குழு ஜனாதிபதி மஹிந்த ராஜபக்ஷவை சந்தித்து அரசாங்கத்துக்கு ஆதரவு வழங்குவது குறித்த தமது நிலைப்பாட்டை உத்தியோகபூர்வமாக அறிவிக்கவுள்ளதாக எச்.எம்.எம். ஹரீஸ் எம்.பி. தெரிவித்தார்.