புத்தளத்தில் பதற்றம் தணிவு; பலத்த பாதுகாப்பு

பொலிஸ் மா அதிபர் நேரில் விஜயம்; சம்பவங்கள் தொடர்பில் விசாரணை

புத்தளத்தில் நேற்று முன்தினம் இரவு இடம்பெற்ற பதற்ற நிலைமைகளையடுத்து பொலிஸ்மா அதிபர் என். கே. இலங்கக்கோன் தலைமையிலான உயரதிகாரிகள் அடங்கிய குழுவினர், நேற்று நேரில் சென்று நிலைமைகளை ஆராய்ந்தனர். புத்தளத்துக்கு நேரடியாகச் சென்ற பொலிஸ்மா அதிபர், சம்பவம் நடைபெற்ற இடங்களைப் பார்வையிட்டதுடன், புத்தளம் பொலிஸ் அத்தியட்சகர் அலுவலகத்தில் பாதுகாப்பு ஏற்பாடுகள் தொடர்பாக விசேட கூட்டமொன்றை நடத்தியிருந்தார். இதன்போது அந்தப் பிரதேசத்தின் பாதுகாப்புத் தொடர்பில் பல்வேறு ஆலோசனைகளையும், அறிவுறுத்தல்களையும் வழங்கினார். அதேநேரம், புத்தளத்தில் இடம்பெற்ற இருவேறு சம்பவங்கள் தொடர்பில் ஆராய்ந்து அறிக்கையொன்றை சமர்ப்பிக்கும் நோக்கில் கொழும்பிலிருந்து விசேட புல னாய்வுப் பிரிவுக் குழுவொன்று அனுப்பி வைக்கப்பட்டிருப்பதுடன், பிரதேச பொலிஸ் அத்தியேட்சர்கள் தலைமையில் மேலும் இரு குழுக்கள் நியமிக்கப் பட்டுள்ளன.

புத்தளம் மணல்குன்று பிரதேசத்தில் இடம்பெற்ற சம்பவத்தில் ஐந்து பொது மக்கள் துப்பாக்கிச் சூட்டுக் காயங்களுக்கு இலக்கானதுடன் மற்றும் போக்குவரத்து பிரிவைச் சேர்ந்த பொலிஸ் கான்ஸ்டபிள் ஒருவர் கொல்லப்பட்டுள்ளார். இந்த இரு வெவ்வேறு சம்பவங்கள் தொடர்பில் தனித்தனியாக விசாரணைகள் ஆரம்பிக் கப்பட்டுள்ளன.

இதேவேளை, இச்சம்பவம் தொடர்பில் புத்தளம் கச்சேரியில் அரசாங்க அதிபர் என். கிங்ஸ்லி தலைமையில் விசேட உயர்மட்டக் கூட்டமொன்றும் நடைபெற்றது. பிரதேச இராணுவ கட்டளைத் தளபதி, புத்தள நகரபிதா கே.ஏ.பாயிஸ் உட்பட சமயத் தலைவர்கள் பலரும் இதில் கலந்துகொண்டிருந்தனர்.

இவ்வாறான சம்பவங்கள் எதிர்காலத்தில் இடம்பெறாது பாதுகாப்பது தொடர்பில் இங்கு விரிவாக ஆராயப்பட்டதுடன், மக்கள் பதற்றமடையாமல் அமைதியைப் பேணவேண்டுமென்றும் இக்கூட்டத்தில் கோரிக்கை விடுக்கப்பட்டது.

இந்தச் சம்பவத்தையடுத்து மன்னார், வவுனியா, புத்தளம் ஆகிய பிரதேசங்களில் பாதுகாப்பு பலப்படுத்தப்பட்டுள்ளதாக இராணுவப் பேச்சாளர் பிரிகேடியர் நிஹால் ஹப்பு ஆராச்சி தினகரனுக்குத் தெரிவித்தார்.

பொலிஸாருக்கு உதவியாக இராணு வத்தினர் பாதுகாப்பு கடமையில் ஈடு படுத்தப்பட்டுள்ளதாகத் தெரிவித்த அவர், அந்தப் பிரதேசத்தில் முழுமையான அமைதியை நிலைநாட்டுவதற்குத் தேவையான சகல நடவடிக்கைகளையும் பாதுகாப்பு படையினர் மேற்கொண்டுள்ள தாகவும் அவர் தெரிவித்தார்.

புத்தளம் மணல்குன்று என்னும் பகுதியில் நேற்று முன்தினம் (21.08.2011) இரவு 8.30 மணியளவில் கிaஸ் மனிதனை துரத்திச் சென்ற ஒரு சிறுவன், ஒரு பெண் உள்ளிட்ட நான்கு பேர் துப்பாக்கிச் சூட்டுக்கு இலக்காகியதையடுத்து அப் பகுதியில் பதற்றம் ஏற்பட்டது.

துப்பாக்கி வேட்டை தீர்த்ததாக சந்தே கப்படும் பொலிஸ் ஊழியர் மக்களால் தாக்கப்பட்டார். அவரது மோட்டார் சைக் கிளும் சேதமாக்கப்பட்டது. இதனையடுத்து பொலிஸார் தாக்குதலை மேற்கொண்டனர்.

இது நகர்ப் பகுதிக்கும் பரவியதையடுத்து நகர் அல்லோலகல்லோலப்பட்டது. ஆயிரக் கணக்கில் மக்கள் திரண்டு கோஷங்களை எழுப்பினார்கள். பெரிய பள்ளிவாசலில் மக்கள் வெள்ளம் அலை மோதியது.

இவ்வேளையில் நகர் மத்தியில் வைத்து பொலிஸ் மோட்டார் போக்குவரத்து பொலி ஸாருக்கும் மக்களுக்கும் இடையே ஏற்பட்ட போராட்டத்தில் பொலிஸ் ஊழியருக்கு கடுமையான காயங்கள் ஏற்பட்டன.

பின்னர் இவர்புத்தளம் தள வைத்தியசாலையில் வைத்து மரணமானதாக பின்னர் கிடைத்த செய்திகள் தெரிவிக்கின்றன. இவரது மோட்டார் சைக்கிள் தீவைத்து கொளுத்தப்பட்டது. பதற்றம் அதிகரிக்கவே பெரிய பள்ளிவாசலுக்கு மக்களை செல்லுமாறு கோரப் பட்டனர். நகரில் ரம்ழான் பெருநாளுக்காக வியாபாரத்தில் ஈடுபட்டுக் கொண்டிருந்த வர்த்தக நிலையங்கள் யாவும் இழுத்து மூடப்பட்டன.

புத்தளம் நகர பிதாவும், சுதந்திரக் கட்சி அமைப்பாளருமான கே.ஏ. பாயிஸ் தலைமையில் அவசர கூட்டம் இடம் பெற்றது. இதில் புத்தளம் மாவட்ட ஜம்இய்யத்துல் உலமாவின் தலைவர் அப்துல்லாஹ் மஹ்மூது ஆலிம் பள்ளிவாசல் தலைவர் எஸ்.ஆர்.எம். முஸம்மில் முன்னாள் வடமேல் மாகாண அமைச்சர் நவவி ஆகியோர் கலந்து கொண்டனர்.

பாதுகாப்பு செயலாளர் கோட்டபாய ராஜபக்ஷ, அமைச்சர் பெஷில் ராஜபக்ஷ ஆகியோருக்கு விடயங்கள் தெரிவிக்கப் பட்டது. இதனையடுத்து நகரிலிருந்து பொலிஸார் உடனடியாக வாபஸ் செய்யப்பட்டதுடன் இராணுவம் காவல் கடமைகளில் ஈடுபடுத்தப்பட்டது.

இராணுவ பிரிகேடியர் பள்ளிவாசலுக்கு விஜயம் செய்து மக்களை அமைதி காக்குமாறு கேட்டுக்கொண்டார்.