ஆன்மாவைத் தேடுகிறாராம் ஒபாமா 

“இதுபோன்ற பயங்கரமான, துயரமான நிகழ்வு கள் நடப்பது அதிகரித்துள்ளது. இப்படி நடக்காமல் இருக்க நம் ஆன்மாவைத் தேடும் வேலையைச் செய்ய வேண்டியிருக்கிறது. வன் முறையைக் குறைக்க இன்னும் கூடுதலாக ஏதேனும் வழிகளை ஆய்வு செய்ய வேண்டி யிருக்கிறது” என்று ‘ஆன்மா’ வைத் தேடும் பணியில் இறங்கியிருக்கிறார் அமெரிக்க ஜனாதி பதி ஒபாமா. அமெரிக்காவின் விஸ்கோன்சின் மாகா ணத்தில் கிரீக் பகுதியிலுள்ள சீக்கிய மத வழி பாட்டுத் தலமான குருத்துவாராவில் கடந்த ஞாயிற்றுக்கிழமை கண்மூடித்தனமாக மிக்கேல் பேஜ் என்ற நபர் துப்பாக்கிச்சூடு நடத்தியதில் 6 பேர் கொல்லப்பட்ட கொடூரச் சம்பவம் நடந்தது. இதில் 4 பேர் இந்தியாவைச் சேர்ந்த சீக்கியர்கள். இந்தச் சம்பவம் குறித்து வருத்தம் தெரிவித்து செவ்வாய்க்கிழமை வெள்ளை மாளிகையில் செய்தியாளர்களிடம் பேசியபோதுதான் மேற் கண்டவாறு ஒபாமா குறிப்பிட்டிருக்கிறார்.

அமெரிக்காவின் கொலராடோ மாகாணம் அரோரா பகுதியில் திரையரங்கு ஒன்றில் திடீ ரென உள்ளே புகுந்து வெறிப்பிடித்த ஒரு நபர் சர மாரியாக துப்பாக்கிச்சூடு நடத்தியதில் 12 பேர் ரத்த வெள்ளத்தில் துடிதுடித்து பலியாகினர். 58 பேர் காயமடைந்தனர். இந்தச் சம்பவம் நடந்து 2 வாரங்களில், சீக்கிய குருத்துவாராவில் படு கொலைச் சம்பவம் நடந்துள்ளது.

2 படுகொலைகளையும் வலதுசாரி பிற் போக்குச் சிந்தனைகொண்ட வெள்ளை இன வெறியர்களே நடத்தியிருக்கக்கூடும் என்றும், இந்தச் சம்பவங்கள் தனிப்பட்ட முறையிலா னவை என்றும் வேறு எந்த நிகழ்வுகளுடனும் தொடர்பில்லாதவை என்றும் அமெரிக்க அரசும், உள்நாட்டுப் புலனாய்வு அமைப்பான எப்பிஐயும் கூறியுள்ளன.

ஆனால் உண்மை வேறு விதமாக இருக் கிறது. சீக்கியர்கள் மீது நடந்த கொடூரத்தாக்கு தலை இதுதான் முதல் சம்பவம் என்று கூற முடி யாது. 2001 செப்டம்பர் 11ம் தேதி அமெரிக்காவின் உலக வர்த்தக மைய இரட்டைக் கோபுரத்தை தாக்கித் தகர்த்தது உட்பட பயங்கரவாதிகள் நடத் திய தாக்குதலுக்குப் பின்னர் பாதுகாப்பு ஏற்பாடு கள் என்ற பெயரிலும், பயங்கரவாதத் திற்கு எதி ரான போர் என்ற பெயரிலும் அமெரிக்க அரசு உலகெங்கிலும் உள்ள இஸ்லாமியர்களை பயங் கரவாதிகள் என்று ஒட்டுமொத்தமாக முத்திரை குத்தியது. இஸ்லாமியர்கள் மட்டு மல்ல, இஸ் லாமியர்களைப் போலவே நீண்ட தாடி வளர்க் கிற, அவர்கள் அணிவதைப் போலவே வெவ் வேறு விதமான தலைமறைப்பு ஆடையை அணி கிற சீக்கியர்களையும் பயங்கர வாதிகளாக இரு க்கக்கூடும் என்ற சந்தேக முத்திரை குத்தியது.

செப்டம்பர் 11 சம்பவத்திற்குப் பிறகு, அமெரிக் காவில் சீக்கியர்கள் வாழக்கூடிய பகுதிகளில் அவர்களது வழிபாட்டுத் தலங்கள், அவர்களது தொழில் நிறுவனங்கள், வீடுகள் என கடந்த 10 ஆண்டுகளில் 700க்கும்மேற்பட்டதாக்குதல்கள் நடந்துள்ளன.

அப்போதெல்லாம் முந்தைய ஜனாதிபதி ஜார்ஜ் புஷ்ஷோ, தற்போதைய ஜனாதிபதி ஒபா மாவோ ஆன்மா எங்கே இருக்கிறது என்று தேடி ஓடவில்லை. ஆனால் இப்போது ஜனாதிபதி தேர்தல் நெருங்குகிறது. அதனால்தான் அமெ ரிக்காவில் வசிக்கும் 7 லட்சத்திற்கும் அதிக மான சீக்கியர்களின் ஆன்மாவைத்தொட்டு பேச முயன்றிருக்கிறார் ஒபாமா.