சகல பல்கலைக்கழகங்களும் காலவரையறையின்றி மூடப்பட்டன

நாட்டிலுள்ள அனைத் துப் பல்கலைக் கழகங்க ளின் மருத்துவ பீடங்கள் தவிர்ந்த ஏனைய சகல பீடங்களும் காலவரை யறையின்றி மூடப்படுவதாக உயர்கல்வி அமைச்சு அறிவித்துள்ளது. பல்கலைக்கழகங்களில் பல்வேறு மட்டங்களில் இடம் பெற்றுவரும் தொழிற்சங்க நடவடிக்கைகளைக் கருத்தில் கொண்டு, பல்கலைக்கழகங்களின் விரிவுரையா ளர்கள், உபவேந்தர்கள், மற்றும் நிறுவனங்களின் பணிப்பாளர்களுடன் கடந்த 20 ஆம் திகதி நடத்திய பேச்சுவார்த்தை க்கு இணங்க இத்தீர்மானம் எடுக்கப்பட்டதாக உயர் கல்வி அமைச்சர் எஸ். பி. திஸாநாயக்க அறிவித்துள்ளார்.

இப்பேச்சுவார்த்தையில் எடுக்கப்பட்ட தீர்மானத்துக்கு அமைய நாட்டிலுள்ள 21 பல்கலைக்கழங்களின் கல்விச் செயற் பாடுகள் மறு அறிவித்தல்வரை மூடப்படும். கொழும்பு, பேராதெனிய, ஸ்ரீஜயவர்த்தனபுர, களனி, யாழ்ப்பாணம், றுகுணு, மொரட்டு, கிழக்குப் பல்கலைக்கழகம், ரஜரட்டை ஆகிய பல்கலைக்கழகங்களின் மருத்துவ பீடங்கள் வழமைபோல, கல்வி நடவடிக்கை களில் ஈடுபடும். இந்தப் பல்கலைக்கழகங் களின் ஏனைய பீடங்களும் மற்றைய பல்கலைக்கழகங்களின் அனைத்துப் பீடங்களும் மறு அறிவித்தல் வரை மூடப்பட்டிருக்கும் என உயர்கல்வி அமைச்சு அறிவித்துள்ளது.

பல்கலைக்கழகங்களில் முன்னெடுக்கப் பட்டிருக்கும் தொழிற்சங்க நடவடிக்கைகளால் பல்கலைக்கழகங்களின் கல்வி நடவடிக்கைகள் பற்றிய உண்மை நிலைகளை அறிந்து கொள்ள முடியாதுள்ளது. பல்கலைக்கழக மாணவர்கள் அமைதியான முறையில் தமது கல்வி நடவடிக்கைகளை முன்னெ டுத்துச் செல்வதில் தடைகள் இருப்பதை அரசாங்கம் உணர்ந்துள்ளது.

இதனைக் கருத்தில் கொண்டு தொழிற் சங்க நடவடிக்கைகளால் தற்போது பல் கலைக்கழகங்களில் நிலவும் நிலைமையை உடனடியாக சுமுக நிலைக்குக் கொண்டு வரும் நோக்கிலும், தற்போதைய நிலை மைகள் தொடராமல் இருப்பதற்கும் பல்கலைக்கழகங்களை மூடுவதற்குத் தீர்மானிக்கப்பட்டதாகவும் உயர் கல்வி அமைச்சு வெளியிட்டிருக்கும் அறிக்கையில் சுட்டிக்காட்டப்பட்டுள்ளது.

அதேநேரம், தொழிற்சங்க நடவடிக்கை களால் பெளத்த மற்றும் பாலி பல்கலைக் கழகம், புத்தஸ்ராவக பல்கலைக்கழகம், ஊவாவெல்லஸ பல்கலைக்கழகம், தென்கிழக்கு பல்கலைக்கழகம், யக்கல ஆயுர்வேத பீடம், றுகுனு பல்கலைக்கழகம் ஆகியவற்றின் செயற்பாடுகள் பாதிக் கப்படவில்லை. இங்கு பல்கலைக்கழகங் களின் விரிவுரைகள் பரீட்சைகள், கருத்தரங்குகள், தொடர்ந்தும் இடம்பெற்று வருகின்றன.

எனினும், ஏனைய பல்கலைக்கழகங்களின் கல்விச் செயற்பாடுகளுக்கு இடையூறுகள் ஏற்பட்டுள்ளன. மூடப்பட்டுள்ள சகல பல்கலைக்கழகங்களையும் மீளக்கல்வி நடவடிக்கைகளை ஆரம்பிப்பதற்கான திகதியை அரசாங்கம் விரைவில் அறிவிக்கும் என்றும் உயர் கல்வி அமைச்சு அறிவித் துள்ளது.

அதேநேரம், பல்கலைக்கழக ஊழியர் சங்கங்களின் பிரச்சினைகளுக்கு நிரந்தரத் தீர்வுகாணும் வகையில் விசேட ஜனாதிபதி ஆணைக்குழுவொன்று நியமிக்கவும், முழுமையான பட்டப்பின் படிப்பு பல்கலைக்கழகம் ஒன்றை இலங்கையில் நிறுவுவதற்கும் உத்தேசிக்கப்பட்டுள்ளது என உயர் கல்வி அமைச்சு மேலும் தெரிவித்துள்ளது.