இலங்கையை மன்னிப்பு கேட்க சொன்னது தவறு - சுப்பிரமணியசாமி

இணைய தளத்தில் வெளியான கட்டுரைக்காக இலங்கையை மன்னிப்பு கேட்கச் சொன்னது தவறு என்று மதுரையில் சுப்பிரமணியசாமி கூறியுள்ளார். பாரதிய கிசான் சங்கம் சார்பில் மதுரையில் தேசிய நீர் வழிச்சாலை கருத்தரங்கு சனிக்கிழமை நடந்தது.இதில் பங்கேற்பதற்காக மதுரை வந்த முன்னாள் மத்திய அமைச்சர் சுப்பிரமணியசாமி நிருபர்களிடம் கூறியதாவது:- இலங்கை இராணுவ இணையதளத்தில் தமிழக முதல்வரைப் பற்றி அவதூறு கட்டுரை வெளிவந்துள்ளதே? இலங்கை அரச இணையதளத்தில் யார் வேண்டுமானாலும் கட்டுரை எழுத வாய்ப்பு உண்டு.அப்படி யாரோ ஒரு பத்திரிகையாளர் கட்டுரையை இணையதளத்தில் வெளியிட்டதற்கு அரசாங்கம் மன்னிப்பு கேட்கவேண்டும் என்பது தவறு.

தி.மு.க ஆட்சியின் போது ஜெயலலிதாவை இதைவிட முரசொலியில் பல கட்டுரைகள் வந்துள்ளன. அதற்கெல்லாம் மன்னிப்பு கேட்டார்களா? இந்தியாவிற்கும் இலங்கைக்கும் உறவு நன்றாக இருக்க வேண்டும். இல்லையென்றால் பாகிஸ்தானும் சீனாவும் அங்கே வந்துவிடுவார்கள். ஏற்கனவே, தமிழ்நாட்டில் பயங்கரவாத இயக்கத்தை உருவாக்க பாகிஸ்தான் முயற்சி எடுத்து வருவதாக எங்களுக்கு தகவல் வந்துள்ளது. தீவிரவாத செயல்களை செய்வதற்காக இலங்கையில் இருந்து சிலரை இங்கு அனுப்ப ஏற்பாடு நடந்தது. நரேந்திரமோடி பிரதமரானதால் இது தடுக்கப்பட்டுள்ளது.

இணையதள கட்டுரை பிரச்சினையில் இலங்கைக்கு பா.ஜ.க தலைவர்கள் கண்டனம் தெரிவிக்கவில்லையே ஏன்? அதுதான் இலங்கை மன்னிப்பு கேட்டுவிட்டதே பிறகு ஏன் கண்டனம் தெரிவிக்க வேண்டும். மோடி பிரதமரான பிறகும் தமிழக மீனவர்களை இலங்கை அரசு சிறைப்பிடிப்பது தொடர்கிறதே? நான் கடந்த ஆண்டு இலங்கை சென்று ராஜபக்சேவை சந்தித்த பிறகுதான் பிடிபட்ட மீனவர்களை உடனுக்குடன் நீதிமன்றத்தில் ஆஜர்படுத்தி விடுதலை செய்கிறார்கள்.படகுகளை மட்டும் அவர்களே வைத்துக்கொள்ள வேண்டும் எனறு முடிவு எடுக்கப்பட்டது. இங்குள்;ள முதலாளிகள் பேராசையால் இந்திய கடல்பகுதியில் மீன்வளத்தை அழித்து விட்டார்கள் தற்போது இலங்கை கடலில் மீன்வளம் உள்ளதால்,நம் மீனவர்களை அனுப்புகிறார்கள்.அங்குள்ள யாழ்ப்பாணம் தமிழர்களே,தமிழக மீனவர்கள். இங்கே வரக்கூடாது என்று சொல்கிறார்கள் இதற்கு ஒரே தீர்வு இந்திய கடலபகுதியில் மீண்டும் மீன்வளத்தை ஏற்படுத்துவதுதான்.

ஈழத்தமிழர் பிரச்சினையில் நீங்களும் மத்திய அமைச்சர் சுஷ்மா சுவாராஜீம் இலங்கைக்கு ஆதரவாக இருப்பதாக தமிழக கட்சிகள் கூறுகின்றனவே? கருநிதியும் வைகோவுமா? தமிழர்கள் நான்தான் மதுரை தமிழன் அப்படி நான் செயல்படுவதாக அங்குள்ள முதலவரையோ தமிழ் அமைப்புகளையோ அறிக்கை தர சொல்லங்கள் பார்க்கலாம்.தமிழகத்தில் இருப்பவர்களை வாயை மூடிக்கொண்டு இருக்கச் சொல்லுங்கள் என்று அவர்கள் சொல்கிறார்கள். இலங்கையில் நடைபெறும் இராணு கருத்தரங்குகளில் நீங்கள் பங்கேற்றக கூடாது என்கிறர்களே? பிரதமரின் பதவியேற்பு விழாவில் ராஜபக்சே பங்கேற்றது போல நானும் அவர்கள் நடத்துகிற சர்வதேச கருத்தரங்கில் பங்கேற்கிறேன் கட்டாயம் இலங்கை செல்வேன் என்றார்.