அரச அலுவலகத்துக்கு வருகை தரும் மக்களுக்கு நியாயம் கிடைப்பது உறுதிப்படுத்தப்பட வேண்டும்

வரவு செலவுத்திட்ட குழுநிலை விவாதத்தில் தேசிய மொழிகள், சமூக ஒருமைப்பாட்டு அமைச்சர் வாசுதேவ நாணயக்கார

தேசிய மொழிகள் மற்றும் சமூக ஒருமைப்பாட்டு அமைச்சு 2010 ஏப்ரல் மாதம் தாபிக்கப்பட்டதுடன் கெளரவ எஸ். பி. நாவின்ன அவர்களின் தலைமையில் அரச கரும மொழிக் கொள்கையை நடைமுறைப்படுத்தல் மற்றும் சமூக ஒருமைப்பாட்டு கொள்கையைத் தயாரித்தலின் பொருட்டு இதுவரையில் நிறை வேற்றியுள்ள வேலைகள் தொடர்பில் முதலில் எனது நன்றியை அவருக்குத் தெரிவிக்க விரும்புகிறேன். சமூக ஒருமைப்பாடு எனும் விடயமானது மிக எளிதான அல்லது இலகுவான பணி ஒன்றல்ல என்பதுடன் அது தனியாக ஒரு அமைச்சினால் நிறைவேற்றக்கூடிய பணியுமல்ல என்பதனைக் கவனத்தில் கொள்ளுதல் வேண்டும். சமூக ஒருமைப்பாட்டை உருவாக்கும் முகமாக மொத்த அரச பொறிமுறையும் செயலாற்ற வேண்டும் என்பதுடன், அதற்கு எனது அமைச்சு வழிகாட் டுதலையும் முன்னணி வகித்தலையும் வழங்க முடியும் என்பது எனது நம்பிக்கையாகும்.

தேசிய மொழிகள் அதாவது சிங்களம் மற்றும் தமிழ் மொழிகள் சமூக ஒருமைப்பாட்டை உருவாக்கும் பாலமாக அமைப்பதற்கு நான் விரும்புகின்றேன். அந்தப் பாலத்தை உறுதியாக கட்டியெழுப்புவதற்கும் அத்துடன் அதனைப் பயன்படுத்துவதன் மூலம் சிங்கள, தமிழ்ச் சமூகங்களை ஒன்றிணைக்கும் பணியை வெற்றி கரமாக நிறைவேற்றுவதற்கும் எனது அமைச்சின் பத்தாண்டு திட்டம் தயாரிக்கப்பட்டுள்ளது என்பதனை மிக மகிழ்ச்சியுடன் தெரிவிக்கிறேன். அத்தகைய பொறுப்புமிக்க பணியை என்னிடம் ஒப்படைத்துள்ளமை தொடர்பில் ஜனாதிபதி அவர்களுக்கு எனது நன்றியைத் தெரிவிப்பதுடன் அமைச்சுப் பொறுப்புக்களும் கடமைகளும் எனக்கு புதிய அனு பவமான போதிலும் முடியுமான வரையில் அவற்றைச் செவ்வனே நிறைவேற்ற நான் எதிர்பார்க்கிறேன்.

அமைச்சின் இரு பிரதான விடயங்களில் ஒன்றான “தேசிய மொழிகள்” விடயத்தை நடை முறைப்படுத்தும் முகமாக அமைச் சினுள் சில நிறுவனங்கள் தாபிக் கப்பட்டுள்ளன.

அமைச்சினுள் தேசிய மொழிப் பிரிவு தாபிக்கப்பட்டிருப்பதுடன் அதன் மூலம் சகல அரச நிறுவனங்களிலுமுள்ள அரச கரும மொழிக் கொள்கையை நடைமுறைப்படுத்தல் தொடர்பிலான தரவு சேகரித்தல், களஞ்சியப்படுத்தல் மற்றும் தகவல்களை வழங்குதல் போன்ற நடவடிக்கைகள் மேற் கொள்ளப்படுகின்றன. இதற்கு மேலதிகமாக, அரசகரும மொழிக் கொள்கையை நடைமுறைப்படுத்தல் தொடர்பிலான மேற்பார்வை, புலனாய்வு செய்தல் மற்றும் அதற்கு ஏற்புடைய தீர்மானங்களை எடுத்தலும் மேற்கொள்ளப்படுகின்றன. மொழிக் கொள்கைக்கு ஏற்புடைய சுற்ற றிக்கைகளை வெளியிடுதல் தொடர்பில் அரசாங்க நிர்வாக அமைச்சுடன் இணைந்து மொழிப்பிரிவு செய லாற்றுகிறது.

அரசகரும மொழிக் கொள்கையை நடைமுறைப்படுத்துவதற்கு ஏற்புடையதாக வெளியிடப்பட்ட அரசாங்க நிருவாகச் சுற்றறிக்கை இல. 03/07 இன் மூலம் அரசாங்க அலுவலர்களுக்கு இரு மொழித் தேர்ச்சியைப் பெற்றுக் கொள்ளுதலின் பொருட்டு ஊக்குவிப்புக் கொடுப்பனவு வழங்குவதற்கும் அரசாங்க நிருவாக சுற்றறிக்கை இல. 07/2007 இன் மூலம் 2007.07.01 ஆம் திகதியின் பின் அரச சேவைக்குச் சேரும் அலுவலர்கள் சேவையில் இணைந்து 05 வருடங் களுக்குள் இரு மொழித் தேர்ச்சியைப் பெற்றுக் கொள்ளுதல் கட்டாயமாக்கப்பட்டுள்ளது.

அந்தச் சுற்றறிக்கைகளை வெளியிடும் பொருட்டு அறிவுரை வழங்குவதன் மூலம் அமைச்சரவை விஞ்ஞாபனத்தைச் சமர்ப்பித்து பெரும் சேவையாற்றிய அரசியலமைப்பு அலுவல்கள் மற்றும் தேசிய ஒருமைப்பாட்டு முன்னாள் அமைச்சர் டியு குணசேகர அவர்களுக்கும் எனது நன்றியைத் தெரிவிக்க விரும்புகிறேன். அவர், சகல அரசாங்க நிறுவனங்களிலும் அரசகரும மொழிகள் அமுலாக்கும் பிரதான அலுவலர் மற்றும் அரசகரும மொழிகளை அமுலாக்கும் அலுவலர் ஆகியோரை நியமிக்கும் முகமாக 2009.02.02 ஆம் திகதி சமர்ப்பிக்கப்பட்ட அமைச்சரவை விஞ்ஞாபனத்திற்கு அங்கீகாரம் பெற்றுக் கொண்டதன் பின்னர் 2009.09.25 ஆம் திகதிய 1620/27 இலக்கமுடைய வர்த்தமானி அறிவித்தல் மூலம் மற்றும் 2009.11.25 ஆம் திகதி 18 2009 இலக்க அரசாங்க நிருவாக சுற்றறிக்கை மூலம் சகல அரச நிறுவனங்கள் பொருட்டு மேற் குறிப்பிட்ட அலுவலர்கள் நியமிக் கப்பட்டுள்ளனர்.

அரசகரும மொழிகளை அமுலாக்கும் பிரதான அலுவலர்கள் மற்றும் அரசகரும மொழிகளை அமுலாக்கும் அலுவலர்கள் மூலம் அரச நிறுவனங்களில் உரியவாறு அரசகரும மொழிக் கொள்கை நடைமுறைப் படுத்தப்படுகின்றதா என்பது பற்றி தேடிப்பார்த்தல் அமைச்சின் கீழுள்ள அரசகரும மொழிகள் ஆணைக் குழுவிற்கு ஒப்படைக்கப்பட்டுள்ளது. அது தொடர்பிலான முறைப்பாடுகளை ஏற்றுக்கொள்ளல், புலனாய்வு செய்தல் மற்றும் முறைப்பாடுகளை விசாரணை செய்தல் என்பன அரசகரும மொழிகள் ஆணைக் குழுவினால் நிறைவேற் றப்படுவதுடன் தேவையானவிடத்து வழக்கு தாக்கல் செய்வதற்கும் ஆணைக்குழுவிற்கு அதிகாரம் வழங்கப்பட்டது.

அத்துடன், அரசகரும மொழிக் கொள்கையை நடைமுறைப்படுத்தல் தொடர்பாகப் பல பரிந்துரைகள் அரசகரும மொழிகள் ஆணைக் குழுவினால் ஜனாதிபதி அவர்களுக்குச் சமர்ப்பிக்கப்பட்டுள்ளன.

அந்தப் பரிந்துரைகளை கருத்திற் கொண்டு தேவையான நடவடிக் கைகளை எடுத்தல் எனது அமைச்சுக்கு ஒப்படைக்கப்பட்டுள்ள மற்றுமொரு பணியாகும்.

அமைச்சின் கீழ் இயங்கும் அரசகரும மொழிகள் திணைக்களமும் அரசகரும மொழிக் கொள்கையை நடை முறைப்படுத்தும் முகமாக தாபிக் கப்பட்டுள்ள நிறுவனமொன்றாகும்.

2004 ஆம் ஆண்டிலிருந்து அமைச்சின் கீழ் இயங்கும் அரசகரும மொழிகள் திணைக்களம், அரச அலுவலர்களுக்கு மொழி வகுப்புக்களை நடத்துதல், மொழித்தேர்ச்சி பரீட்சைகளை நடத்துதல், மொழி பெயர்ப்பாளர்களை பயிற்றுவித்தல், மொழி ஆசிரியர்களை பயிற்றுவித்தல், அகராதிகளை தொகுத்தலும் அகரமுதலிகளை தொகுத்தலும் போன்ற பல நிகழ்ச்சித்திட்டங்களை செயற்படுத்தியுள்ளது.

2007 ஆம் ஆண்டின் 26 ஆம் இல சட்டத்தின் மூலம் இவ்வமைச்சின் கீழ் 2007 ஆம் ஆண்டில் தேசிய மொழிக் கல்வி மற்றும் பயிற்சி நிறுவகம் தாபிக்கப்பட்டதன் பிற்பாடு அரச அலுவலர்களின் பொருட்டு மொழிப் பயிற்சி வகுப்புக்களை நடத்துதல், மொழிபெயர்ப்பாளர்களை பயிற்றுவித்தல் மற்றும் மொழி ஆசிரியர்களை பயிற்றுவித்தல் போன்ற பணிகள் தேசிய மொழிக் கல்வி மற்றும் பயிற்சி நிறுவகத்திடம் ஒப்படைக்கப்பட்டுள்ளன.

அதற்கமைய தற்போது அரசகரும மொழிகள் திணைக்களம், அகராதிகளை தொகுத்தல், அகரமுதலிகளை தொகுத்தல் மற்றும் மொழித்தேர்ச்சிப் பரீட்சைகளை நடத்துதல் போன்ற நடவடிக்கைகளை மாத்திரம் நிறைவேற்றுகின்றது.

இருப்பினும், இந்நிறுவனத்தின் மூலம் மிகவும் பயனுறு சேவையைப் பெற்றுக்கொள்ளும் முகமாக முதலில் ஒவ்வொரு நிறுவனத்தினால் நிறைவேற்றப்பட வேண்டிய பொறுப்புக்களை அடையாளங் காணுதலும், அந்தக் குறித்த பணிகளை நிறைவேற்றும் முகமாக நிர்ண யிக்கப்பட்ட காலவரையறையை பெற்றுக்கொடுக்க வேண்டும் என்பதும் அவதானிக்கப்பட்டன.

(தொடரும்)