அரச அலுவலகத்துக்கு வருகை தரும் மக்களுக்கு நியாயம் கிடைப்பது உறுதிப்படுத்தப்பட வேண்டும்

அதற்கமைய 2011 ஆம் ஆண்டில் இந்த நிறுவனத்தினால் நிறைவேற்றப்பட வேண்டிய பொறுப்புக்களை தெளிவாகவும் நிச்சயமாகவும் ஒப்படைக்கும் முகமாக மீள் கட்டமைப்பதற்கு எண்ணியுள்ளேன் என்பதுடன் எதிர்காலத்தில் குறித்த யோசனைகளை அமைச்சரவைக்கு சமர்ப்பிப்பதற்கும் எதிர்பார்க்கிறேன்.

ஜனாதிபதி அவர்களின் 2011 ஆம் ஆண்டு வரவு செலவுத் திட்ட உரையில் விசேடமாக குறிப்பிட்டவாறு பத்தாண்டு செயல்திட்டமொன்றின் கீழ் “மும்மொழி இலங்கை” எனும் நிகழ்ச்சித்திட்டத்தைச் செயற்படுத்தும் பொறுப்பும் எனது அமைச்சுக்கு ஒப்படைக்கப்பட்டுள்ளது. அதற்கமைய கல்வி அமைச்சு, உயர்கல்வி அமைச்சு மற்றும் அரசாங்க நிர்வாக அமைச்சு உள்ளிட்ட மாகாண சபைகளின் ஒத்துழைப்பை பெற்றுக் கொள்வதன் மூலம் அந்நிறுவனங்களுடன் ஒன்றிணைந்து குறித்த நிகழ்ச்சித் திட்டத்தைச் செயற்படுத்துவதற்கு விசேட வேலைத்திட்டமொன்று நடைமுறைப்படுத்தப்பட்டுள்ளது என்பதையும் தெரிவிக்கிறேன்.

அதற்கு 200 மில்லியன் ரூபா தொகை இம்முறை வரவு செலவுத் திட்டத்திலிருந்து ஒதுக்கப்பட்டிருப்பது தொடர்பாக நான் மகிழ்ச்சி அடைகிறேன். இந்நிகழ்ச்சித்திட்டம் மூலம் சிங்கள, தமிழ் மொழிகளுக்கு மேலதிகமாக அரச அலுவலர்களின் ஆங்கில மொழி அறிவு மேம்பாட்டையும் பாவனையையும் விருத்தி செய்யும் முகமாக அமைவதுடன் பொதுமக்கள் அவர்கள் விரும்பிய மொழியில் சேவைகளைப் பெற்றுக்கொள்ளும் வசதியை வழங்கவும் முடியும்.

சமூக ஒருமைப்பாடு என்பது “சமூகத்தில் நிலவும் இன, மத, மொழி, குலம் மற்றும் பல்வேறுபட்ட அந்தஸ்து முதலிய சகல வரையறைகளின் மூலமும் ஒதுக்கப்பட்ட மக்கள் பகுதியினரின் பொருட்டு அவர்களது தனித்துவத்தைப் பாதிக்காது சமமான வாய்ப்புகள் மற்றும் சம உரிமைகளை வழங்குதல் மூலம் ஒருவருக்குகொருவர் மதிப்பளிக்கும் வரையறையற்ற சமூகம்” ஒன்றை உருவாக்குவதாகும்.

அது மிகவும் கஷ்டமான பணியாகும். பெளதிக, உட்கட்டமைப்பு வசதிகளை அபிவிருத்தி செய்வதைக் காட்டிலும் கஷ்டமான பணியாகும். அதற்கமைய சமூக உட்கட்டமைப்பு வசதிகளை அபிவிருத்தி செய்யும் பணி இவ்வமைச்சிடம் ஒப்படைக்கப்பட்டிருப்பது பெரும் சவாலாக பொறுப்பேற்பதற்கு விரும்புகிறேன்.

பெளதிக உட்கட்டமைப்பு வசதிகளை அபிவிருத்தி செய்வதற்கு இணையாக சமூக உட்கட்டமைப்பு வசதிகளை அபிவிருத்தி செய்யும் பணியையும் நிறைவேற்றாதிருப்பின் பல்வேறுபட்ட சமூக வர்க்கத்தினரிடையே நிலவும் இடைவெளியையும் அவநம்பிக்கையையும் இல்லாதொழித்தல் கனவு ஆகும்.

அதாவது வண்டி சுமுகமாக ஓடுவதற்கு இரு சக்கரங்களும் ஒன்றாக உறுதியுடன் இருத்தல் முக்கியமாவது போலவே அதற்கு சமமாக சமூக ஒருமைப்பாட்டினை உருவாக்கும் முகமாக மனிதர்களின் பெளதிக, சமூக தேவைப்பாடுகளை பூர்த்தி செய்வதும் முக்கியமானதாகும்.

இந்த இரு தேவைப்பாடுகளையும் பூர்த்தி செய்வதன் மூலம் ஜனாதிபதி அவர்களின் மஹிந்த சிந்தனை யதார்த்தமாகும் என்பது எனது நம்பிக்கையாகும். அவ்வாறெனில், நான் முன்பு குறிப்பிட்டவாறு ஏனைய அமைச்சுக்களின் ஒத்துழைப்பும் இதற்குத் தேவையாகும்.

எனது அமைச்சினுள் சமூக ஒருமைப்பாட்டுப் பிரிவு ஒன்று தாபிக்கப்பட்டிருப்பதுடன் அதன் மூலம் சமூக ஒருமைப்பாடு பற்றி பொதுமக்கள், அரச அலுவலர்கள், பாடசாலை மாணவர்கள், இளைஞர் ஆகியோரை விழிப்பூட்டும் நிகழ்ச்சித்திட்டங்களை நடத்துதல், அமைச்சு அலுவலர்களின் கடமைகளை வினைத்திறனாக்கும் முகமாக அவர்களின் அறிவையும் ஆற்றலையும் மேம்படுத்தும் பயிற்சித்திட்டங்களை நடத்துதல், பல்வேறுபட்ட மக்கள் பகுதியினரிடையே கலாசார, மதசார் நிகழ்ச்சித்திட்டங்களை நடத்துதல் அத்துடன் பொதுமக்களுக்குத் தேவையான ஆவணங்களான அடையாள அட்டை, பிறப்புச் சான்றிதழ், விவாகச் சான்றிதழ் முதலியவற்றை பெற்றுக் கொடுக்கும் நாடளாவிய நடமாடும் சேவைகளை நடத்துதல் போன்ற நடவடிக்கைகள் நிறைவேற்றப்படும்.

மேலும் இப்பிரிவு சமூக ஒருமைப்பாட்டுக் கொள்கையைத் தயாரிக்கும் பொருட்டான ஆரம்ப நடவடிக்கைகளை முடித்திருப்பதுடன் எதிர்காலத்தில் அது தொடர்பில் மக்களது கருத்துக்களையும் யோசனைகளையும் பெற்றுக்கொள்வதற்கு நடவடிக்கையும் எடுக்கப்படும்.

ஐக்கிய நாடுகள் அபிவிருத்தி நிகழ்ச்சித்திட்டத்தின் நன்கொடையின் கீழ் பேணப்படுகின்ற நீதி நியாயத்தைச் சமமாக அணுகுதல் செயற்றிட்டத்தின் மூலம் சமூக ஒருமைப்பாட்டை உருவாக்கும் பணியை வெற்றிகரமாக்கிக் கொள்ளும் முகமாக பெரும் பங்களிப்பு அளிக்கப்படுகின்றது.

நீதி இல்லாத இடத்தில் சமாதானம் நிலவுவதில்லை என்பதுடன் சமாதானம் இல்லாத இடத்தில் சமூக ஒருமைப்பாடும் நிலவுவதில்லை. மக்களுக்கு நியாயத்தை பெற்றுக்கொடுக்கும் ஒரேயொரு இடம் நீதிமன்றம் இல்லை என்பதுடன் ஏதேனும் நபரொருவர் மற்றுமொரு நபர் சார்பாக நீதியை நிறைவேற்றும் ஆற்றலுண்டு.

அரச அலுவலகத்திற்கு வருகைதரும் நபரொருவருக்கு உரிய இடத்தில் நீதி கிடைக்காவிடின் பொலிஸ், நீதிமன்றம் போன்ற நிறுவனங்களிடம் நீதியை தேடிச் செல்ல நேரிடும். இது தொடர்பில் மக்களை விழிப்பூட்டுதல், ஊக்கு வித்தல், வலுவூட்டுதல் என்பன நீதி, நியாயத்தை சமமாக அணுகுதல் செயற்றிட்டம் மூலம் நிறைவேற்றப் படுகின்றன.

சட்டம் பற்றி பொதுமக்களை விழிப்பூட்டுதல், சட்டத்தரணிகளின் உதவியைப் பெற்றுக்கொடுத்தல், சட்ட ரீதியான ஆவணங்களை தயாரித்தல் போன்ற பொதுமக்களுக்கு நியாயத்தை நிறைவேற்றுதல் தொடர்பில் அரச அலுவலர்களை விழிப்பூட்டுதலும் நீதி நியாயத்தைச் சமமாக அணுகுதல் செயற்திட்டம் மூலம் நிறைவேற்றப்படுகின்றது.

விசேடமாக யுத்தத்தினால் இடம்பெயர்ந்த மக்கள், பெண்கள், பிள்ளைகள், தோட்டப்பகுதி மக்கள், சிறப்புரிமையற்ற குழுக்கள் போன்றவர்களுக்கு இச்சேவைகளை வழங்குவதில் முன்னுரிமை வழங்கப்படுகிறது.

அடுத்த ஆண்டு முதல் இச்சேவையை மென்மேலும் விஸ்தரிப்பதற்கு தேவையான சகல நடவடிக்கைகளையும் எடுப்பதற்கு எதிர்பார்க்கின்றேன்.

2004 ஆம் ஆண்டிலிருந்து இவ்வமைச்சுக்குப் பெற்றுக்கொடுத் துள்ள மட்டுப்படுத்தப்பட்ட நிதியேற்பாட்டு அளவின்படி பல சிரமங்களுக்கு மத்தியில் இந்நிகழ்ச்சித் திட்டங்களை நடத்துவதற்கு நேரிட்டது. இருப்பினும், இம்முறை வரவு செலவுத் திட்டத்திலிருந்து இவ்வமைச்சுக்கு ஒதுக்கப்பட்டுள்ள நிதியேற்பாட்டு அளவை அதிகரிப்பதன் மூலம் எனது அமைச்சின் பொறுப்பு தொடர்பில் ஜனாதிபதி அவர்கள் கூடிய கவனம் செலுத்தியுள்ளார் என்பது தெளிவு.

அதற்கமைய 2011 ஆம் ஆண்டிலிருந்து அமைச்சின் பொறுப்பினை மிகவும் பரந்தவாறு வினைத்திறனாக முன் கொண்டு செல்வதற்கும் சகல அமைச்சுக்களின் ஒத்துழைப்பை பெற்றுக்கொள்வதற்கும் எமது ஒத்துழைப்பைப் பெற்றுக் கொடுப் பதற்கும், அதன் மூலம் மஹிந்த சிந்தனையின் எதிர்கால இலக்கை அடைவதற்கும் திடசங்கற்பத்துடன் தொழிற்படுவேன் என கூறிக்கொண்டு உரையை முடித்துக் கொள்கிறேன்.