சங்கானை இந்து மதக் குருக்கள் சுடப்பட்ட விவகாரம்

பாதுகாப்பு செயலரின் அறிவிப்பு தமிழருக்கு நம்பிக்கை தரக்கூடியது

யுத்தம் முடிவடைந்து முழுநாடும் அமைதியாக உள்ள தருணத்தில் சங்கானையில் இந்து மத குருக்கள் சுடப்பட்டு கொல் லப்பட்டமை சமாதானத்துக்கு விடும் பெரும் சவாலும் அச்சு றுத்தலும் ஆகும் என கிராண்ட்பாஸ் ஸ்ரீ ஞான வைரவர் தேவஸ்தான பிரதம குருவும், ஜனாதிபதி இந்து மத இணைப்பாளருமான சிவஸ்ரீ பால ரவிசங்கர சிவாச்சாரியார் தெரிவித்தார்.

இவ்வாறான சம்பவங்களைத் தொடரவிட இயலாது. இச்சம்பவத்தில் ஈடுபட்டுள்ளவர்களுக்கு கூடியபட்ச தண்டனை வழங்கப்படும். இச் சம்பவத்தில் ஈடுபட்டவர்கள் எவராகிலும் அவர்களுக்கு எவ்வித தயவும் தாட்சிணையும் வழங்கப் படமாட்டாது என பாதுகாப்பு அமைச்சின் செயலாளர் கோத்தாபய ராஜபக்ஷ தெரிவித்திருப்பது தமிழர்களுக்கு நம்பிக்கையைத் தரக்கூடியதாகவும் உள்ளது எனவும் சிவஸ்ரீ பால. ரவிசங்கர சிவாச்சாரியார் தொடர்ந்தும் தெரிவித்தார்.

யாழ்ப்பாணம் சங்கானையில் இடம்பெற்ற துப்பாக்கிச் சூடு மற்றும் சம்பவத்தில் கொலை செய்யப்பட்ட முருகமூர்த்தி ஆலய பிரதம குரு சிவஸ்ரீ நித்தியானந்த சர்மா மரணம் விடயமாகவும் கொழும்பு கொச்சிக்கடை தம்பையா சத்திரத்தில் சர்வமத இந்துமத குரு பீடத்தின் ஏற்பாட்டில் இடம்பெற்ற கண்டன கூட்டமும், பத்திரிகையாளர் மாநா டும் நடைபெற்ற போதே சிவஸ்ரீ பால.

ரவிசங்கர சிவாச் சாரியார் மேற்கண்டவாறு தெரிவித்தார். தொடர்ந்து அவர் தெரிவிக் கையில், இது போன்ற சம்பவங்கள் வடக்கு – கிழக்கு பகுதி மக்களுக்கும் இந்து மத குரு மார்களுக்கும் மத்தியில் இன்று அச்சம் நிலவி வருகின்றது. அரசாங்கத்துக்கும், ஜனாதிபதி மஹிந்த ராஜபக்ஷவுக்கும் இவ்வாறான செயல்களை புரிபவர்களினால் சேறு பூசும் நடவடிக்கைகளாக கருதப்படவும் வேண்டியுள்ளது. இன்று வடக்கு – கிழக்கு தமிழ் மக்கள் இன்றைய அரசின் மீது பாரிய நம்பிக்கையை வைத்துள்ளனர்.

கடந்த யுத்த காலத்தின் போது தமிழ் மக்களும் இந்து மதகுருமார்களும் பல் வேறு துன்பங்களுக்கு முகம்கொடுத்து வந்துள்ளனர். இவ்வாறான நிலைமையில் இன்று அமைதி சூழல் நிலவி வரும் சூழலில் இந்துமத குரு துப்பாக்கிகளால் சுட்டுக்கொல்லப்பட்டமை எமக்குள் ஒரு அச்சத்தை ஏற்படுத்தியுள்ளது.

இந்த துப்பாக்கிகள் இரண்டும் படையினர் பாவிக்கும் துப்பாக்கிகள் என தற்போது பொலிஸாரால் இனங்காணப்பட்டுள்ளது. பொலிஸாரும், படையினரும் மேற்கொண்ட உயர் விசாரணையின் காரணமாக இர ண்டு படையினரும், ஆயுதக் குழுவைச் சேர்ந்த இருவரையும் பொலிஸார் கைது செய்து விசாரணைகளை மேற்கொண்டு வருகின்றனர். இத்துயரச் சம்பவத்துக்கு ஏ.கே. 47, டி 56 ரக துப்பாக்கிகளே பாவிக்கப்பட்டுள்ளன.

இத்துயரமான சம்பவம் பற்றி கூடிய விசாரணைகளை முன்னெடுத்துச் செல்லு மாறு இராணுவ, பொலிஸ் உயர் அதிகாரி களுக்கு பாதுகாப்பு அமைச்சின் செயலாளர் கோத்தாபய ராஜபக்ஷ பணிப்புரை விடுத்துள்ளார்.

அதேவேளை இச்சம்பவம் பற்றி கூடிய கவனமும் அவர் செலுத்தி வருகின்றார் என்பதையும் தெரிவிக்க வேண் டும். இச்சம்பவம் யுத்தத்தின் வெற்றிக்கு சவாலாகிவிடும். அதை அனுமதிக்க இயலாது எனவும் தெரிவித்துள்ளார்.

யாழ். மாவட்ட கட்டளைத் தளபதி அத்துருசிங்க முழு விசாரணைகளையும் இச் சம்பவத்தில் கவனித்து வருகிறார். யாழ். மாவட்ட உயர் அதிகாரிகளின் உதவி யோடும் இச்சம்பவம் இடம்பெற்றுள்ளதாக தகவல்கள் தெரிவிக்கின்றன.

இன்று தமிழர்களை பாதுகாப்பது ஜனாதிபதி மஹிந்த ராஜபக்ஷவும், இன்றைய அரசுமேயாகும். இவ்வாறான சம்பவங்களை தொடரவிடக்கூடாது. மக்கள் அச்சத்தை அடைவர். அதேவேளை பாதுகாப்புத் தரப்பும் மக்கள் மனதை பாதிக்காத வகையில் செயல்பட வேண் டியது இன்றைய காலத்தின் கடமையாகும்.

வடக்கு – கிழக்கு பிரதேசத்தில் உள்ள ஆயுதக் குழுக்களின் ஆயுதங்களை அர சாங்கம் களைய வேண்டும். அரசாங்கத்துக்கு ஆதரவு வழங்குபவர்களிடமிருந்தும் ஆயு தங்களை களைய வேண்டும். அவ்வாறு அரசாங்கம் செயற்பட வேண்டும் என்பது அப் பகுதி மக்களின் வேண்டுகோளாக உள்ளது.

அம் மக்கள் சுதந்திரமான சிவில் வாழ்க்கையை அடைய வேண்டும். படை யினரின் நடவடிக்கைகள் மட்டுப்படுத் தப்பட்டு பொதுமக்கள் முழுமையாக பொது வாழ்வில் ஈடுபட வைக்க வேண்டும்.

மற்றும் இந்து மாமன்றத்தைச் சேர்ந்த டி. தனபாலா, கதிர்காமநாதன் ஆகியோருடன் யாழ். சங்கானையிலிருந்து சர்வதேச இந்து மத குரு பீடாதிபதி ஸ்ரீ ஐயப்பதாஸ சாம்பசிவ சிவாச்சாரியார் தொலைபேசி மூலமாக தனது கண்டன உரையை தெரிவித்தார்.