சர்வதேச தமிழ் எழுத்தாளர் மாநாடு ஜனவரி மாதம் கொழும்பில்

மோதல்களால் இனங்களுக்கிடையில் ஏற்பட்டிருக்கும் முரண்பாடுகளை கலை ஞர்கள் மற்றும் இலக்கியவாதிகளால் தீர்க்க முடியும் என்பதற்கிணங்க எதிர்வரும் ஜனவரி 6ஆம். 7ஆம், 8ஆம், 9ஆம் திகதி களில் சர்வதேச தமிழ் எழுத்தாளர் மாநாட்டை கொழும்பில் நடத்தவிருப்பதாக சர்வதேச தமிழ் எழுத்தாளர் ஒன்றியம் தெரிவித்துள்ளது. மோதல்களால் இனங்களுக்கிடையில் தோன்றியிருக்கும் இன முரண்பாடுகளைத் தீர்க்கும் வகையில் தமிழ் எழுத்தாளர்க ளையும், சிங்களக் கலை இலக்கியவாதிகளை இணைத்தும், பல்வேறு பகுதிகளைச் சேர்ந்த தமிழ் எழுத்தாளர்கள், தமிழக எழுத்தாளர்கள் மற்றும் புலம்பெயர்ந்துவாழும் தமிழ் எழுத் தாளர்களுக்கிடையில் ஒரு உறவுப்பாலத்தை ஏற்படுத்தும் நோக்கிலும் 2011 ஆம் ஆண்டு சர்வதேச எழுத்தாளர் மாநாடு நடத்தப்படவிருப்பதாக இம்மாநாட்டின் பிரதம அமைப்பாளரும் சர்வதேச இணைப் பாளருமான முருகபூபதி தெரிவித்தார்.

ஜனவரி 6ஆம் திகதி கொழும்பு தமிழ்ச் சங்கத்தில் நடைபெறவிருக்கும் சர்வதேச தமிழ் எழுத்தாளர் மாநாடு தொடர்பாக ஊடகவியலாளர்களுக்கு விளக்கமளி க்கும் ஊடகவியலாளர் சந்திப்பு நேற்று தமிழ்ச்சங்கத்தில் நடைபெற்றது.

இம்மாநாட்டில் கருத்துத் தெரி வித்த முருகபூபதி கடந்த 5 வருடங் களுக்கு முன்னர் நடத்தத் திட்ட மிடப்பட்டிருந்த இந்த மாநாடு நாட்டின் குழப்பமான சூழ்நிலை காரணமாக 2011 ஆம் ஆண்டிலேயே நடத்துவதற்கு சாத்தியமாகியுள்ளது. உலகெங்கும் வாழும் தமிழ் எழுத் தாளர்கள் மற்றும் இலங்கையின் பல பகுதிகளிலுமுள்ள எழுத்தாளர் களை ஒன்றிணைத்து அவர்களுக்கி டையில் ஒரு உறவுப் பாலத்தை ஏற்படுத்தும் நோக்கில் ‘அறிந்ததைப் பகிர்தலும் அறியாததை அறிந்து கொள்ள முயல்தல்” என்ற தொனிப் பொருளில் இம்மகாநாட்டை நடத்த வுள்ளோம்.

தனிப்பட்ட விருப்பு வெறுப்பு க்களை மறந்து அனைத்துத் தமிழ் எழுத்தாளர்களும் அனுபவங்களைப் பகிர்ந்துகொள்ள வேண்டும் என்ற நல்லெண்ணத்தில் இம்மாநாட்டை நாம் நடத்துகிறோம். தமிழகத்திலி ருந்து 50 தமிழ் எழுத்தாளர்களும், அமெரிக்கா, கனடா, அவுஸ்தி ரேலியா உட்பட உலக நாடுகளிலி ருந்து மேலும் பல தமிழ் எழுத் தாளர்கள், இம்மாநாட்டில் கலந்து கொள்ளவுள்ளனர்.

இரண்டு வருடங்களின் பின்னர் அடுத்த மாநாட்டை இலங்கையில் நடத்துவதா அல்லது வெளிநாட்டில் நடத்துவதா என்பது பற்றிய கருத் தறியும் கூட்டங்களை இலங்கையின் பல பகுதிகளிலும் நாம் நடத்தியுள் ளோம். முதலாவது சர்வதேச தமிழ் எழுத்தாளர் மாநாட்டின் பின்னர் அடுத்த மாநாடு நடைபெறும் இடம் பற்றித் தீர்மானிப்போம்.

மாநாடு நடத்துவது மாத்தி ரமின்றி, பாடசாலை நூலகங்க ளுக்குப் புத்தகங்கள் வழங்கப்படு வதை உறுதி செய்தல், கலைஞர் களை ஊக்குவித்தல், எழுத்தாளர் களின் புத்தகங்களுக்கான சந்தை வாய்ப்பை ஏற்படுத்துதல் போன்ற விடயங்கள் குறித்தும் சர்வதேச எழுத்தாளர் ஒன்றியம் தொடர்ச்சி யாகக் கவனம் செலுத்தவுள்ளது.

முக்கிய அம்சமாக மோதல்கள், மற்றும் சுனாமி போன்ற இயற்கை அனர்த்தங்களால் இலங்கையில் பாதிக்கப்பட்ட தமிழ் எழுத்தா ளர்கள் மற்றும் அவர்களின் குடும்ப த்தினருக்கு உதவும் நோக்கில் ஒரு நம்பிக்கை நிதியத்தையும் ஏற்படுத் தவுள்ளோம். நாம் ஏற்கனவே அவுஸ்திரேலியாவில் இலங்கை மாணவக் கல்வி நிதியம் என்ற அமைப்பின் ஊடாகப் பாதிக்கப் பட்ட மாணவர்களுக்கான பல்வேறு உதவிகளைச் செய்துவருகின்றோம்.

இதனூடாகப் பெற்றுக்கொண்ட அனுபவத்தின் கீழ் எழுத்தாளர்கள் மற்றும் நலன் விரும்பிகளின் உதவி யுடன் பாதிக்கப்பட்ட தமிழ் எழுத் தாளர்களுக்கான நம்பிக்கை நிதிய த்தை உருவாக்கவுள்ளோம். இது விடயத்தில் கலை, கலாசார அமை ச்சுடன் கலந்துரையாடல்களை நடத்த வும், உதவுவதற்கும் நாம் தயாராகவு ள்ளோம்.

அத்துடன், தமிழ் எழுத்தா ளர்களுக்கு ஊடகங்களிடமிருந்து போதி யளவு கெளரவம் கிடைக்காமை யானது கவலையளிக்கிறது. எனவே, சர்வதேச தமிழ் எழுத்தாளர் மாநாடு பற்றியும், அதனைத் தொடர்ந்து தமிழ் எழுத்தாளர்களை ஊக்குவிப் பது தொடர்பாகவும் ஊடக நிறு வனங்களின் ஆசிரியர்கள் மற்றும் நிர்வாகங்களுடனும் நாம் பேச்சு வார்த்தைகள் நடத்த எதிர்பார்த்து ள்ளோம்.

தமிழக அரசாங்கம் சிற்றி தழ்களுக்கு மானியங்களை வழங்கி ஊக்குவிப்பது போன்று இலங்கை அரசாங்கமும் சிற்றிதழ்களையும், எழுத்தாளர்களையும் ஊக்குவிப்பதற்கு நடவடிக்கை எடுக்க வேண்டும் என முருகபூபதி கோரிக்கை விடு த்தார்.

ஜனவரி 6ஆம் திகதி ஆரம்பமாக விருக்கும் சர்வதேச தமிழ் எழுத் தாளர் மாநாட்டின் நிகழ்ச்சிகள் தொடர்பாக நேற்றைய ஊடக வியலாளர் மாநாட்டில் விளக்கம ளித்த சர்வதேச தமிழ் எழுத்தாளர் ஒன்றியத்தின் தலைவரும், மாநாட்டு க்கான இலங்கை இணைப்பாளர் டாக்டர் தி. ஞானசேகரன், 6ஆம் திகதி கொழும்பு உருத்திரா மாவத் தையின் காலி வீதியிலிருந்து தமிழ்ச் சங்கம் வரை மாநாட்டில் கலந்து கொள்ளும் எழுத்தாளர்கள் ஊர்வல மாக அழைத்துச் செல்லப்படு வார்கள்.

அதன் பின்னர் காலை 10 மணிக்கு அங்குரார்ப்பணம் நடை பெறும். ஆரம்ப உரையை பேராசி ரியர் சிவத்தம்பி ஆற்றவிருப்பதுடன், அதனைத் தொடர்ந்து மாநாட்டில் கலந்துகொள்ளும் பேராளர்கள் கருத்துரைகளை வழங்குவார்கள்.

தமிழகம் மற்றும் உலகத்தின் பல்வேறு பகுதிகளிலிருந்து கலந்து கொள்ளவிருக்கும் பேராளர்கள் தங்குவதற்கான அனைத்து ஏற்பாடுகளும் செய்யப்பட்டுள்ளன.

மாநாடு நடைபெறும் அனைத்து நாட்களும் ஆய்வரங்கங்கள், கலந்துரையாடல்கள், கலை நிகழ்ச்சிகள், கணனி மற்றும் வலைப்பதிவுகள் பற்றிய கலந்துரையாடல்கள் எனப் பல்வேறு நிகழ்வுகள் நடைபெறவுள்ளதாக அவர் குறிப்பிட்டார்.