வன்னி மக்கள் பட்டினிச்சாவு

போருக்கு சேர்த்த பணம் எங்கே? ரி.ஆர்.ரியில் அரசியல் விவாத அரங்கு!

போரினால் பாதிக்கப்பட்ட மக்கள் வன்னியில் பட்டினிச்சாவு- போருக்கென சேர்த்த பணத்தில் உல்லாச வாழ்க்கை வாழும் மேற்குலக நாடுகளில் வாழும் விடுதலைப்புலி செயற்பாட்டாளர்கள் என்ற தலைப்பில் வியாழக்கிழமை இரவு 10மணிக்கு ஒலிப்பரப்பாகும் ரி.ஆர்.ரி.தமிழ்ஒலியின் அரசியல் சமூக மேடையில் அரசியல் கலந்துரையாடல் இடம்பெற உள்ளது. விடுதலைப்போராட்டம் நடைபெற்ற காலத்தில் ஐரோப்பா கனடா ஒஸ்ரேலியா உட்பட தமிழர்கள் வாழும் அனைத்து மேற்குலக நாடுகளிலும் விடுதலைப்புலிகளுக்கென பெருந்தொகையான பணம் சேர்க்கப்பட்டது. இந்த பணத்தின் ஒருபகுதி மேற்குலக நாடுகளில் வர்த்தக ஸ்தாபனங்களிலும் தனிநபர்களிடமும் முதலீடு செய்யப்பட்டது. அந்த முதலீடுகள்  அதிலிருந்து வரும் இலாபங்கள் யார் கைகளுக்கு செல்கிறது? பெருந்தொகையான இந்நிதியை வைத்திருப்பவர்கள் இது பற்றி மக்களுக்கு தெளிவு படுத்துவார்களா? பொதுச்சொத்து ஒன்றை தனிநபர்கள் அனுபவிப்பதை அனுமதிக்க முடியுமா? இந்த பெருந்தொகையான முதலீடுகளுக்கு என்ன நடந்தது என இப்போது விடுதலைப்புலிகள் அமைப்புக்கு பொறுப்பானவர்கள் என தங்களை கூறிக்கொள்பவர்கள் பதிலளிப்பார்களா?

போருக்கென போர் நடந்த இறுதிக்கட்ட காலத்தில் இலட்சகணக்கான பணங்களை பெருந்தொகையான மக்கள் வங்கிகளில் கடன் பெற்றுக்கொடுத்திருந்தனர். இந்த நிதிகளுக்கு என்ன நடந்தது? போரினால் வன்னியில் மக்கள் பெரும் அவலவாழ்வையும் பட்டினிச்சாவையும் எதிர்கொண்டிருக்கும் போது அவர்களுக்கு இந்நிதியை வழங்காது அனுபவித்துக்கொண்டிருப்பவர்கள் யார்? இது தொடர்பான கருத்துக்களை நாளை வியாழக்கிழமை நடைபெற இருக்கும் அரசியல் சமூகமேடையில் நேயர்கள் தெரிவிக்கலாம் என ரி.ஆர்.ரி. தமிழ் ஒலி நிர்வாகம் தெரிவித்துள்ளது. இந்நிகழ்ச்சியில் கலந்து கொள்ள விரும்பும் நேயர்கள் வியாழன் இரவு 10மணிக்குப்பின்  0033148321540 begin_of_the_skype_highlighting, 0033148321540      end_of_the_skype_highlighting தொலைபேசி இலக்கத்துடன் தொடர்பு கொள்ளலாம் என ரி.ஆர்.ரி.தமிழ்ஒலி நிர்வாகம் அறிவித்துள்ளது.

ரி.ஆர்.ரி. தமிழ்ஒலி   www.tamilolli.com  இணையத்திலும் கேட்கலாம்