தமிழ்க் கூட்டமைப்பு ஜனாதிபதிக்கு ஒத்துழைப்பு வழங்க வேண்டும் -  ‘ஹிந்து’ முன்னாள் ஆசிரியர் ராம்

இலங்கை அரசாங்க படைகளுக்கும் எல்.ரி.ரி.ஈ. பயங்கரவாதிகளுக்கும் இடையிலான யுத்தம் நடந்து கொண்டிருந்த போது இந்திய அரசாங்கம் எந்தவொரு சந்தர்ப்பத்திலும் யுத்த நிறுத்தம் நடைமுறைப்படுத்த வேண்டுமென்று கேட்கவில்லை என்று இந்தியாவின் முன்னணி ஆங்கில தினசரியான ஹிந்து பத்திரிகையின் முன் னாள் ஆசிரியரும், இந்த பத்திரிகை நிறு வனத்தை கட்டுப்படுத் தும் கஸ்தூரி அன் சன்ஸ் நிறுவனத்தின் பணிப்பாளருமான என். ராம் தெரிவித்தார். தமிழ்நாட்டிலும் இந்தியாவிலும் எல்.ரி.ரி.ஈ.க்கு இருந்து வந்த ஆதரவு அவ்வியக்கம் எடுத்த இரண்டு தவறான முடிவுகளினால் சீர்குலைந்து போனது. 1987ல் இந்திய அமைதி காக்கும் படைக்கு எதிராக எல்.ரி.ரி.ஈ.யினர் யுத்தத்தை ஆரம்பித்தது முதலாவது தவறாகும். அதையடுத்து, 1991ம் ஆண்டு இந்தியாவின் முன்னாள் பிரதமர் ராஜீவ் காந்தியை படுகொலை செய்தது அவர்கள் இழைத்த இரண்டாவது குற்றமாகும்.

இவ்விரண்டு காரணங்களினால் இந்திய மக்கள் குறிப்பாக தமிழ் நாட்டு மக்கள் எல்.ரி.ரி.ஈயை வெறுக்க ஆரம்பித்து அவ்வியக்கத்திற்கு எவ்வித ஆதரவையும் கொடுக்க மறுக்கிறார்கள் என்று ராம் மேலும் தெரிவித்தார்.

சென்னையில் ஊடகவியலாளர் ஆசிய கல்லூரிக்கு இலங்கையில் இருந்து சென்ற ஊடகவியலாளர் மத்தியில் உரை யாற்றிய ராம், ஜனாதிபதி மஹிந்தராஜ பக்ஷவின் அரசாங்கத்தைப் போன்று இலங்கையில் கடந்த காலத்திலும் எதிர் காலத்திலும் மக்கள் ஆதரவுமிக்க ஓர் அரசாங்கம் உருவாகப் போவதில்லை. எனவே, இந்த அரிய சந்தர்ப்பத்தைப் பயன்படுத்தி நாட்டின் இனப்பிரச்சினைக்கு ஜனாதிபதி அவர்கள் ஒரு சிறந்த அரசியல் தீர்வை ஏற்படுத்த வேண்டும் என்று கேட்டுக் கொண்டார்.

தமிழ் நாட்டு மக்கள் இலங்கையின் இனப்பிரச்சினைக்கு அரசியல் தீர்வொன்று ஏற்படுவது அவசியமென்று கருதுகிறார்கள் என்று தெரிவித்த ராம், பொல்பொட் போன்ற சர்வாதிகாரியின் போக்கில் எல்.ரி.ரி.ஈ. மனிதர்களை ஈவிரக்கமற்ற முறையில் படுகொலை செய்தது.

அன்று எல்.ரி.ரி.ஈக்கு ஆத்திரத்தை ஏற்படுத்தக்கூடாதென்று அடங்கிப் போன தமிழ் தேசிய கூட்டமைப்பு தலைவர்களுக்கு இப்போது பூரண சுதந்திரம் இருப்பதனால் அவர்கள் போலி சாக்கு போக்குகளைக் காட்டி பிரச்சினையை தீர்த்து வைப்பதற்கு முட்டுக்கட்டைகளை விதிக்காமல் ஜனாதிபதி மஹிந்த ராஜபக்ஷவிற்கு தங்களது பூரண ஒத்துழைப்பை வழங்குவது அவசியம் என்று கூறினார்.

தமிழ் நாட்டில் டெசோ மாநாட்டுக்கு தலைமை தாங்கிய கலைஞர் அவர்கள் தமிழர் பிரச்சினைக்கு தீர்வொன்றை ஏற்படுத்துவதற்கு மக்களின் அபிப்பிராய வாக்கெடுப்பை நடத்த வேண்டுமென்று வேண்டுகோள் விடுத்திருப்பது செயல் படுத்தப்பட மாட்டாதென்றும் வெறுமனே மேடைப் பேச்சுகளை செய்து மக்களை கவர்வதற்காகவே இத்தகைய கருத்தை திராவிட முன்னேற்றக் கழகத்தினர் வெளியிட்டுள்ளார்கள் என்று தெரிவித்தார்.

சமீபத்தில் எடுக்கப்பட்ட கணக்கெடுப்பின் படி, தமிழர்களுக்கான சுதந்திரத்தை வென்றெடுக்கும் நோக்கத்துடன் ஆயுதப் போராட்டத்தில் இறங்கிய எல்.ரி.ரி.ஈயினர் சிங்களவர்களை கொன்ற எண்ணிக்கையை விட அவர்கள் கையில் ஈவிரக்கமின்றி சுட்டுக் கொல்லப்பட்ட தமிழர்களின் எண்ணிக்கை பன்மடங்கு என்றும் அவர் தெரிவித்தார்.

ஒரு தடவை இலங்கையில் நிலை கொண்டிருந்த இந்திய அமைதி காக்கும் படைக்கு தலைமை தாங்கிய லெப்டினட் ஜெனரல் திபேந்திர சிங், எல்.ரி.ரி.ஈ. பயங் கரவாத யுத்தம் மேலும் 30 வருடங்களுக்கு நீடிக்கும் என்றும் இராணுவத்தைச் சேர் ந்த தாங்கள் தங்களுக்கு பிறப்பிக்கப்படும் கட்டளைகளுக்கு அடிபணிய வேண்டுமென் றும் இந்து பத்திரிகைக்கு அன்று கூறி யிருந்ததை ராம் ஞாபகப்படுத்தினார்.

இலங்கை தமிழ் மக்களின் நிம்மதியான வாழ்க்கைக்கு முட்டுக்கட்டை போடும் மிகப் பெரிய சாபக்கேடாக புலம்பெயர்ந்த தமிழர் அமைப்புகள் இருந்து வருகின்றன என்று தெரிவித்த ராம், சர்வதேச ஊட கங்கள் ஒரு தலைப்பட்சமாக செயற்படுவ தாகவும் அவற்றில் பல எல்.ரி.ரி.ஈயை நேரடியாக ஆதரிக்கின்றன என்றும் கூறினார்.

அர்ஜூன ரணதுங்க ஒவ்வொன்றுக்கும் மாறுபட்ட கருத்துக்களை தெரிவித்து வருகிறார்ரென்று தெரிவித்த ராம், அர்ஜூன ஒரு சிறந்த கிரிக்கெட் ஆட்டக்காரர் என்பதை தாம் ஏற்றுக் கொள்வதாகவும் ஆனால், அவர் ஒரு நல்ல அரசியல்வாதி யல்ல என்பதையும் சுட்டிக்காட்டினார்.

ஊடகவியலாளர்களுக்கான ஆசிய கல்லூரியில் இலங்கையைச் சேர்ந்த ஊடகத்துறையில் ஆர்வமுடையவர்களுக்கு தாங்கள் வாய்ப்புகளை பெற்றுக் கொடுக்க விரும்புவதாகவும் இதற்கென வருடத்திற்கு விரல்விட்டு எண்ணக்கூடிய சிலருக்கு புலமைப்பரிசில்களை பெற்றுக் கொடுப் பதற்கு நடவடிக்கை எடுக்கப்படும் என்றும் ராம் மேலும் அறிவித்தார்.

இந்நிகழ்வில், ஊடகவியலாளருக்கான ஆசியக் கல்லூரியின் தலைவரும், பிரபல சர்வதேச ஊடகவியலாளருமான சசிக்குமார், மற்றும் இலங்கையின் பிரதி உயர்ஸ்தானிகர் ஆர். கே. எம். ஏ. ராஜகருண ஆகியோரும் கலந்து கொண்டனர்.