18 நாள் எழுச்சி

எகிப்து மக்கள் வென்றனர் முபாரக் விலகினார் 

காலம் எதேச்சதி கார ஆட்சி நடத்தி வந்த ஜனாதிபதி ஹோஸ்னி முபாரக்கை அதிகாரத்தி லிருந்து அகற்றி, வரலாற்றுச் சாதனை படைத்தனர் எகிப்து மக்கள்.18 நாட்களாக நீடித்து வந்த எகிப்து மக்களின் மகத்தான எழுச்சியின் விளை வாக, பதவியை ராஜினாமா செய்துவிட்டு தலைநகர் கெய்ரோவைவிட்டு குடும்பத்து டன் ஓட்டம் பிடித்தார் முபாரக். ஜனாதிபதி முபாரக்கின் ஆட்சிக்கு எதி ராக கடந்த ஜனவரி 25ம்தேதி துவங்கிய எகிப்து மக்களின் மகத்தான எழுச்சி, அரபு உலகம் மட்டுமின்றி ஒட்டுமொத்த உலக மக்களின் கவனத்தையும் ஈர்த்தது. முபாரக் அரசு ஏவிய அடக்குமுறைகளை மீறி, ராணுவத்தின் அச்சுறுத்தலை மீறி தலை நகர் கெய்ரோவின் சுதந்திர சதுக்கத்திலும், அலெக்சான்ட்ரியா, சூயஸ் உள்பட நாடு முழுவதும் உள்ள நகரங்களிலும், லட்சோப லட்சம் மக்கள் அணிதிரண்டனர். 18 நாட் களாக நீடித்த இந்தப் போராட்டத்திற்கு, வேறு வழியின்றி ராணுவ வீரர்களும் ஆத ரவு அளிப்பதாக கூறினர்.

இதனிடையே, துணை ஜனாதிபதியாக உமர் சுலைமானை நியமித்த ஜனாதிபதி முபாரக், பதவி விலக முடியாது என்று பிடி வாதமாக மறுத்துவந்தார். நாளுக்கு நாள் போராட்டம் தீவிரமடைந்த நிலையிலும் பிடிவாதத்தை கைவிடாத அவர், பிப்ரவரி 10 வியாழனன்று தொலைக்காட்சியில் உரையாற்றினார். அப்போது செப்டம்பர் மாதம் தனது பதவிக் காலம் முடியும் வரை வெளியேற மாட்டேன் என்று கூறினார். இதனால் மக்களின் கொந்தளிப்பு உச் சத்தை எட்டியது. இந்நிலையில் மக்க ளுக்கு ஆதரவு அளித்த ராணுவமும், முபா ரக்குடன் சமரசம் செய்து கொண்டு, செப் டம்பர் மாதம் தாங்களே முன்னின்று நியா யமான தேர்தலை நடத்தி புதிய ஆட்சியை உருவாக்க துணை செய்வோம் என்றும், எனவே போராட்டத்தை கைவிட்டு வேலை களுக்கு திரும்புங்கள் என்றும் மக்களுக்கு திடீர் அறிவுரை கூறியது.

இதனால் மக்கள் மேலும் கொந்தளித்த னர். வெள்ளிக்கிழமை (பிப்ரவரி 11) அன்று முபாரக்கிற்கு விடைக்கொடுக்கும் இறுதி நாள் என்று அறிவித்தார்கள். முபாரக்கின் அரண்மனையை நோக்கி அணிவகுப் போம் என்று அறிவித்து போராட்டத்தை தொடர்ந்தனர். நிலைமை மோசமாவதை உணர்ந்த ஜனாதிபதி முபாரக், மக்கள் எழுச்சிக்கு முன்பு தாக்குப்பிடிக்க முடியா மல் பணிந்தார். பதவியை ராஜினாமா செய்தார்.

வெள்ளியன்று இரவு தொலைக் காட் சியில் தோன்றிய துணை ஜனாதிபதி உமர் சுலைமான், ஜனாதிபதி பதவியிலிருந்து ஹோஸ்னி முபாரக் ராஜினாமா செய்துவிட் டார் என்றும், ராணுவ அதிகாரிகள் கொண்ட உயர்மட்ட கவுன்சிலிடம் அரசாட்சியை ஒப்படைத்துவிட்டார் என்றும் அதிகாரப் பூர்வமாக அறிவித்தார். பதவியை விட்டு வெளியேறும் நிலையில், “நாட்டு மக்களை கடவுள் காப்பாற்றட்டும்” என்று முபாரக் கூறியதாகவும் சுலைமான் தெரிவித்தார்.

முபாரக் மட்டுமல்ல; அவர் நியமித்த சுலைமானும் வெளியேற வேண்டும் என்ற முழக்கத்துடன், தங்களது மகத்தான எழுச்சி வெற்றியடைந்ததை உற்சாகப் பெருக்குடன் மக்கள் கொண்டாடி வருகின் றனர். இந்த நாள் எங்களது வாழ்வின் பொன்நாள் என்று, எதிர்க்கட்சியினரின் ஒருமித்த குரலாக போராட்டத்திற்கு பொறுப் பேற்ற முகமது எல் பராடி கூறியுள்ளார்.

பதவியை ராஜினாமா செய்த முபாரக், அச்செய்தி அதிகாரப்பூர்வமாக அறிவிக்கப் படுவதற்கு முன்பே, தலைநகர் கெய்ரோ வைவிட்டு குடும்பத்துடன் ஓட்டம் பிடித் தார். அவர் தற்போது கெய்ரோவிலிருந்து 400 கி.மீ. தொலைவில் செங்கடலில் அமைந்துள்ள ஷரம்-எல்-ஷேக் நகரில் இருக்கும் தனது பிரம்மாண்ட அரண் மனையில் தங்கியுள்ளார் என செய்திகள் தெரிவிக்கின்றன.

(பிடிஐ, பிபிசி, அல் ஜசீரா)