எகிப்து எழுச்சி வென்றது

ஓட்டம் பிடித்தார் முபாரக்   ஜனநாயகம் மலரும், மக்கள் உறுதி

அமெரிக்க ஏகாதிபத்தியத்தின் கைக்கூலியாக 30 ஆண்டு காலம் எதேச்சதிகார ஆட்சி நடத்தி வந்த ஜனாதிபதி ஹோஸ்னி முபாரக்கை அதிகாரத்திலிருந்து அகற்றி, வர லாறு படைத்தனர் எகிப்து மக்கள். 18 நாட்களாக நீடித்த எகிப்து மக் களின் மகத்தான எழுச்சியின் விளைவாக, பதவியை ராஜினாமா செய்துவிட்டு, தலைநகர் கெய்ரோ வை விட்டு குடும்பத்து டன் ஓட்டம் பிடித்தார் முபாரக். ஜனாதிபதி முபாரக்கின் ஆட்சிக்கு எதிராக கடந்த ஜனவரி 25ம்தேதி துவங்கிய எகிப்து மக்களின் மகத் தான எழுச்சியில், அடக்குமுறை களை மீறி, ராணுவத்தின் அச்சுறுத் தலை மீறி தலைநகர் கெய்ரோவின் சுதந்திர சதுக்கத்திலும், அலெக் சாண்ட்ரியா, சூயஸ் உள்பட நாடு முழுவதும் உள்ள நகரங்களிலும், லட்சோப லட்சம் மக்கள் அணி திரண்டனர். 18 நாட்களாக நீடித்த இந்தப் போராட்டத்திற்கு, வேறு வழி யின்றி ராணுவ வீரர்களும் ஆத ரவு அளிப்பதாக கூறினர்.

இதனிடையே, துணை ஜனாதி பதியாக உமர் சுலைமானை நியமித்த ஜனாதிபதி முபாரக், பதவி விலக முடியாது என்று பிடி வாதமாக மறுத்துவந்தார். நாளுக்கு நாள் போராட்டம் தீவிரமடைந்த நிலையி லும் பிடிவாதத்தை கைவிடாத அவர், பிப்ரவரி 10 வியாழனன்று தொலைக்காட்சியில் உரையாற்றி னார். அப்போது செப்டம்பர் மாதம் தனது பதவிக் காலம் முடியும் வரை வெளியேற மாட்டேன் என்று கூறி னார். இதனால் மக்களின் கொந்த ளிப்பு உச்சத்தை எட்டியது. இந்நி லையில் மக்களுக்கு ஆதரவு அளித்த ராணுவமும், முபாரக்குடன் சமரசம் செய்து கொண்டு, செப்டம்பர் மாதம் தாங்களே முன்னின்று நியாயமான தேர்தலை நடத்தி புதிய ஆட்சியை உருவாக்க துணை செய்வோம் என் றும், எனவே போராட்டத்தை கை விட்டு வேலை களுக்கு திரும்புங் கள் என்றும் மக்களுக்கு திடீர் அறி வுரை கூறியது.

இதனால் மக்கள் மேலும் கொந் தளித்தனர். வெள்ளிக்கிழமை (பிப்ர வரி 11) அன்று முபாரக்கிற்கு விடை கொடுக்கும் இறுதி நாள் என்று அறிவித்தார்கள். முபாரக்கின் அரண் மனையை நோக்கி அணிவகுப் போம் என்று அறிவித்து போராட்டத் தை தொடர்ந்தனர். நிலைமை மோச மாவதை உணர்ந்த ஜனாதிபதி முபாரக், மக்கள் எழுச்சிக்கு முன்பு தாக்குப்பிடிக்க முடியா மல் பணிந் தார். பதவியை ராஜினாமா செய்தார்.

வெள்ளியன்று இரவு தொலைக் காட்சியில் தோன்றிய துணை ஜனாதிபதி உமர் சுலைமான், ஜனாதி பதி பதவியிலிருந்து ஹோஸ்னி முபாரக் ராஜினாமா செய்துவிட்டார் என்றும், ராணுவ அதிகாரிகள் கொண்ட உயர்மட்ட கவுன்சிலிடம் அரசாட்சியை ஒப்படைத்துவிட்டார் என்றும் அதிகாரப் பூர்வமாக அறி வித்தார்.

பதவியை ராஜினாமா செய்த முபாரக், அச்செய்தி அதிகாரப்பூர்வ மாக அறிவிக்கப்படுவதற்கு முன்பே, தலைநகர் கெய்ரோவைவிட்டு குடும்பத்துடன் ஓட்டம் பிடித்தார். அவர் தற்போது கெய்ரோவிலிருந்து 400 கி.மீ. தொலைவில் செங்கட லில் அமைந்துள்ள ஷரம்-எல்-ஷேக் நகரில் இருக்கும் தனது பிரம் மாண்ட அரண் மனையில் தங்கியுள்ளார்.

ராணுவம் ஆலோசனை

இந்நிலையில், அடுத்த என்ன செய்வது என்பது குறித்து எகிப்து ராணுவம் ஆலோசனையில் ஈடுபட் டுள்ளது.

எப்படி இருப்பினும் முழுமை யான ஜனநாயகம் மலர்வதை எங்கள் போராட்டம் உறுதி செய்யும் என்று மக்கள் கூறியுள்ளனர்.

போராட்டத்தின் வெற்றியை வெள்ளியன்று இரவு முதல் கெய்ரோ வின் தஹ்ரீர் சதுக்கத்தில் கூடி கொண்டாடிய மக்களில் பெரும்பா லானோர், சனிக்கிழமையும் அங் கேயே இருந்தனர். அவர்களில் பலர், அந்த மைதானத்தை சுத்தப்படுத் தும் பணியிலும் ஈடுபட்டனர்.

மக்களின் உணர்வுகளை முழு மையாக பிரதிபலிக்கும் விதத்தில் ராணுவ கவுன்சில் முடிவெடுக்க வேண்டும் என்று அவர்கள் வலி யுறுத்தினர்.

உலக நாடுகள் வரவேற்பு

எகிப்து மக்களின் எழுச்சி அடைந்த வெற்றியை அரபு உலகம் உற்சாகத்துடன் கொண்டாடி வரு கிறது.

அதே நேரத்தில் கடைசி நிமிடம் வரை முபாரக்கிற்கு ஆதரவளித்து வந்த அமெரிக்கா உள்ளிட்ட மேற் கத்திய நாடுகள் வேறு வழியின்றி, எகிப்து மக்களுக்கு வாழ்த்து தெரி வித்துள்ளன. அமெரிக்க ஜனாதிபதி பாரக் ஒபாமா, மக்களின் சக்தி எத்தகையது என்பதை எகிப்து நிரூ பித்துவிட்டது என்றும் இது ஒரு மாபெரும் வரலாறு என்றும் கூறியுள் ளார். மேலும், முழுமையான ஜனநாய கம் ஒன்று திரும்ப வேண்டும் என்றும் கூறியுள்ளார்.

ஐ.நா.சபை பொதுச்செயலாளர் பான் கி மூன், மக்களின் விருப்பத் திற்கு தலைவணங்கியதாக முபாரக் கை பாராட்டியுள்ளார்.

பிரான்ஸ், ஜெர்மனி, பிரிட்டன், ரஷ்யா, ஸ்பெயின், கனடா, தென்னாப் பிரிக்கா, ஆஸ்திரேலியா உள்ளிட்ட உலக நாடுகள் அனைத்தும் எகிப்து மக்களுக்கு வாழ்த்து தெரிவித்துள் ளதுடன், அங்கு நம்பகமான முறை யில் ஆட்சி மாற்றம் நடைபெறு வதை உறுதி செய்ய வேண்டும் என்று வலியுறுத்தியுள்ளன.

எகிப்தின் அண்டை நாடும், அதை அமெரிக்க ஆதரவு நாடாக மாற்றிய ஏவலாளியுமான இஸ்ரேல் அதிர்ச்சியடைந்துள்ளது.

எகிப்து மக்களுக்கு சிபிஎம் வாழ்த்து



புதுதில்லி, பிப். 12-

வரலாறு படைத்துள்ள எகிப்து மக்களுக்கு மார்க் சிஸ்ட் கம்யூனிஸ்ட் கட்சி வாழ்த்து தெரிவித்துள்ளது.

கட்சியின் அரசியல் தலைமைக்குழு சனிக்கிழமை யன்று வெளியிட்டுள்ள அறிக்கை வருமாறு:-

எகிப்து மக்களுக்கு மார்க்சிஸ்ட் கம்யூனிஸ்ட் கட்சியின்அரசியல் தலைமைக்குழு தனது எழுச்சிகரமான வாழ்த்துக்களையும், பாராட்டுக்களையும் தெரிவித்துக் கொள்கிறது. குறிப்பாக, எதேச்சதிகார ஆட்சியாளர் ஹோஸ்னி முபாரக்கிற்கு எதிராக 18 நாட்கள் வரலாற்றுச்சிறப்புமிக்க போராட்டத்தை நடத்தி, முடிவில் அவரை அதிகாரத்திலிருந்து வெளியேற்றி மகத்தான வெற்றிபெற்றுள்ள எகிப்திய இளைய தலைமுறைக்கு பாராட்டும் வாழ்த்தும் தெரிவித்துக்கொள்கிறது.

ஒரு நியாயமான, ஜனநாயகப்பூர்வமான கட்டமைப் பிற்காக, அரசியலமைப்புச்சட்ட மாற்றங்களுக்காக, அவசர நிலைக்கு முடிவு கட்டுவதற்காக, சுதந்திரமான மற்றும் நியாயமான தேர்தல் மூலம் ஒரு அரசாங்கத்தை நிறுவுவதற்காக போராடிய மக்களின் உணர்வுகள் எவ்விதத் தாமதமுமின்றி உடனடியாக நிறைவேற்றப்படும் என்று மார்க்சிஸ்ட் கம்யூனிஸ்ட் கட்சி நம்புகிறது.

(ஐஎன்என்)

இந்திய அரசு வரவேற்பு

புதுதில்லி, பிப். 12-

வெளியுறவுத்துறை அமைச் சர் எஸ்.எம்.கிருஷ்ணா வெள்ளியன்று இரவு வெளி யிட்ட அறிக்கை: எகிப்து மக்களின் விருப்பத்திற்கு ஏற்ப பதவி விலகுவது என்ற ஜனாதிபதி ஹோஸ்னி முபா ரக்கின் முடிவை நாங்கள் வரவேற்கிறோம். அங்கு குறிப்பிட்ட காலத்திற்குள் அதிகார மாற்றத்தை அமை தியான முறையில் ஏற்படுத்த உறுதி செய்வோம் என்று ராணுவக்கவுன்சில் கூறியி ருப்பதையும் வரவேற்கி றோம்.