தனித்து போட்டியிடுவது குறித்து ராகுல் ஆய்வு, தமிழக காங்கிரஸ் கட்சியினர் உற்சாகம்

தமிழகத்தில் தனித்துப் போட்டியிட்டால் காங்கிரஸ¤க்கு செல்வாக்கு எப்படியிருக்கும் என்ற நிலையை அறிவதற்கு ராகுல் தமிழகம் மற்றும் மும்பையை சேர்ந்த தனியார் நிறுவனங்கள் மூலம் இரகசிய ஆய்வு செய்துள்ளார். இந்த ஆய்வால் காங்கிரஸார் உற்சாகமடைந்துள்ளனர். ஆய்வில் காங்கிரஸ¤க்கு ஆதரவாக கருத்து வெளியாகியுள்ளது என தெரியவந்துள்ளது. ‘தனிப் பெரும்பான்மையுடன் காங்கிரஸ் கட்சி மத்தியில் ஆட்சி அமைக்க வேண்டும் என்பது ராகுலின் கனவாக உள்ளது. அந்த கனவை நிறைவேற்றுவதற்கு மாநில அளவில் காங்கிரஸ் கட்சியை பலப்படுத்தவும், மக்கள் ஆதரவை திரட்டும் வியூகத்தையும் ராகுல் அமைத்து வருகிறார்.

தமிழகத்தில் நடந்த இளைஞர் காங்கிரஸ் தேர்தலில் 13 இலட்சம் உறுப்பினர்கள் சேர்க்கப்பட்டனர். இளைஞர் காங்கிரஸார் முதலில் ஊராட்சி அளவில் கட்சியை பலப்படுதுதல் வேண்டும். அதன் பின் சட்டசபை, லோக்சபா தொகுதிகளில் கவனம் செலுத்த வேண்டும் என்பது ராகுலின் அறிவுரை.

கட்சியை தேசிய அளவில் வளர்ப்பதற்குரிய திட்டங்களை அவர் வகுத்து, அதை செயல்படுத்தும்போது சில மாநிலங்களில் நடக்கும் சட்டசபை தேர்தலும் அவருக்கு சவாலாக அமைந்து விடுகிறது. கடந்த 2007ம் ஆண்டு உ.பி. மாநில சட்ட சபை தேர்தலில் 22 எம். எல். ஏ.க்களையும் 2009ம் ஆண்டு லோக்சபா தேர்தலில் 22 எம்.பிக்களையும் காங்கிரஸ் வெற்றி பெற்றது. இந்த மாநிலத்தில் ராகுலின் சூத்திரம் வெற்றி பெற்றது.

அதே சமயம் பீகார் சட்டசபை தேர்தலில் தனித்து போட்டியிட்ட காங்கிரஸ் மாநில அளவில் இரண்டாவது கட்சியாக இடம் பெற்றாலும், ஒன்பது சீட்டிலிருந்து நான்கு எம். எல். ஏ. ஆசனமாகக் குறைந்ததால் அங்கு ராகுலின் சூத்திரம் தோல்வி அடைந்தது. இரண்டு மாநில தேர்தல் சக்கரம் தமிழக சட்டசபை தேர்தலுக்கு நடைமுறைப்படுத்த ராகுல் விரும்பவில்லை.

அந்த ஆய்வின் முடிவில் தமிழகத்தில் காங்கிரஸ் தனித்து போட்டியிட்டால் காங்கிரஸின் செல்வாக்கு உயரும் என தெரிய வந்துள்ளது. தி. மு. க. கூட்டணியில் காங்கிரஸ் நீடிக்கட்டும் என பச்சைக் கொடி காட்டியுள்ளார். ஆனால் இந்த முறை 100 தொகுதி வரை போட்டியிட வேண்டும் என விரும்புகிறார். அவரது விருப்பத்திற்கு ஏற்ப தி. மு. க. கூட்டணியில், காங்கிரஸ் குழு பேச்சுவார்த்தை நடத்தும்.

இதற்கிடையில் தமிழகத்தில் காங்கிரஸ் வெற்றி பெறக்கூடிய தொகுதிகள் எவை? எந்த தொகுதியில் வெற்றி வாய்ப்பு குறைவு? கூட்டணி பலத்துடன் எந்த தொகுதிகளில் வாய்ப்பு உள்ளது என்பதை அறிய ஒரு சட்டசபை தொகுதிக்கு பத்து பேர் வீதம் களம் இறக்கி ஆய்வு பணியில் ஈடுபடுத்தியுள்ளார்.