இரட்டை பிரஜாவுரிமை சர்ச்சை புலம்பெயந்தோரை பாதிக்காது
 

இரட்டை பிரஜாவுரிமை வழங்கும் நடவடிக்கைகள் நவீனமயப்படுத்தப்பட வுள்ளதுடன் அரசுக்கும், பிரஜாவுரிமை பெறுபவர்களுக்கும் அதிகளவு நன்மைகள் கிடைக்கும் விதத்தில் இந் நடை முறையை மேம்படுத்தும் வேலைகளை குடிவரவு - குடியகல்வு திணைக்களம் மேற்கொண்டு வருகிறது என திணைக்களத்தின் பிரதான கட்டுப்பாட்டாளர் டபிள்யூ. ஏ. சூலானந்தபெரேரா தெரிவித்தார். இப் புதிய நடவடிக்கை மூலம் புலம் பெயர்ந்துள்ள தமிழர்கள் உட்பட புலம் பெயர்ந்துள்ள இலங்கை யர்கள் மேலும் நன்மையடைவார்களே தவிர எவ்விதத்திலும் பாதிக்கப் படமாட்டார் கள் என்றும் அவர் குறிப்பிட்டார்.

இரட்டை பிரஜாவுரிமை வழங்கும் செயற்பாட்டை குடிவரவு - குடியகல்வு திணைக்களம் இடை நிறுத்தி வைத்துள் ளதாகவும், அங்கீகாரம் வழங்கப்பட்ட விண்ணப்பங்கள் மற்றும் அங்கீகாரத் துக்காக சமர்ப்பிக்கப்பட்ட விண்ணப் பங்கள் நிராகரிக்கப்பட்டதாக வெளி வந்துள்ள செய்தியை அவர் முற்றாக நிராகரித்தார்.

இரட்டை பிரஜாவுரிமை வழங்கும் செயற்பாட்டை மேம்படுத்துவது தொடர்பில் திணைக்களம் தீவிரமாக ஆராய்ந்து வருகிறது. இச் செயற்பாடு தற்போதைய காலத்துக்கு ஏற்றால் போல மேம்படுத்தப்பட வேண்டியதன் தேவை குறித்தும் ஆராய்வதுடன் இரட்டை பிரஜாவுரிமை பெறுபவர்கள் மேலும் நன்மையடையும் விதத்தில் இரட்டை பிரஜாவுரிமை வழங்குவதால் இலங்கைக்கு மேலும் நன்மை கிடைக்கும் விதத்திலும் விரைவில் திணைக்களம் பிரஜாவுரிமை வழங்கும் செயற்பாட்டை அறிமுகம் செய்யவிருக்கிறது.

இது தொடர்பாக திணைக்களத்தின் இணையத்தளத்தின் ஊடாகவும் விரைவில் அறிந்துகொள்ள முடியும் என்றும் பிரதான கட்டுப்பாட்டாளர் டபிள்யூ. ஏ. சூலானந்த பெரேரா தெரிவித்தார்.

இரட்டைப் பிரஜாவுரிமை பெறும் ஒருவரிடமிருந்து இலங்கை அரசாங்கம் இரண்டு இலட்சம் ரூபாவைக் கட்டணமாக அறவிட்டு வந்தது. அவ்வாறான கட்டணங்கள் இலங்கைக்கு பொருளாதார நலனை பெற்றுத் தந்தது. அவுஸ்திரேலியா, நியூஸிலாந்து, பிரிட்டன், பிரான்ஸ், ஸ்விட்சர்லாந்து, இத்தாலி, ஸ்வீடன், அமெரிக்கா, கனடா போன்ற நாடுகளில் பிரஜாவுரிமை களைப் பெற்றுள்ள இலங்கைத் தமிழர்களும் இரட்டைப் பிரஜாவுரிமை திட்டத்தின் கீழ் இது வரை இலங்கையிலும் பிரஜாவுரிமை பெற்று வந்துள்ளனர்.