வீடுகளை இழப்பவர்களுக்கு மாற்று இடங்களில் குடியிருப்புக்கள் வழங்கப்படும்

நகர அபிவிருத்தித் திட்டத்தின் கீழ் வீடுகளை இழப்பவர்களுக்கு மாற்று இடங்களில் குடியிருப்புக்கள் வழங்கப்படும். எவருக்கும் அநீதி இழைக்கப்பட மாட்டாது என்று பாதுகாப்பு அமைச்சின் செயலாளர் கோட்டாபய ராஜபக்ஷ தெரிவித்துள்ளார்.  நகர அபிவிருத்தித் திட்டத்தின் கீழ் வீடுகளை இழப்பவர்கள் தொடர்பாக பாதுகாப்பு அமைச்சின் செயலாளர் கோட்டாபய ராஜபக்ஷவுடன் தாம் கலந்துரையாடிய போதே அவர் மேற்கண்டவாறு உறுதியளித்தார் என சுற்றாடல் துறை பிரதியமைச்சர் ஏ.ஆர். எம். அப்துல் காதர் நேற்று கூறினார்.

இது தொடர்பாக பிரதியமைச்சர் அப்துல் காதர் மேலும் கூறுகையில், நகர அபிவிருத்தித் திட்டத்தி கீழ் வீடுகளை இழப்பவர்கள் தொடர்பாக பாதுகாப்பு அமைச்சின் செயலாளர் கோட்டாபய ராஜபக்ஷவுடன் கலந்துரையாடினேன். இத்திட்டத்தின் கீழ் வீடுகளை இழப்பவர்களுக்கு மாற்று இடங்களில் குடியிருப்புக்கள் வழங்கப்படும். எவருக்குமே அநீதி இழைக்கப்பட மாட்டாது என அவர் கூறினார்.

அதனால் நாட்டின் துரித அபிவிருத்தியின் நிமித்தம் நகரங்கள் அபிவிருத்தி செய்யப்படுகின்றன. இந்த அபிவிருத்தித் திட்டம் நாட்டிற்கு நன்மை பயக்கக் கூடியது. மக்களின் பொருளாதார மேம்பாட்டுக்கு உதவக் கூடியது இத்திட்டத்தின் கீழ் வீடுகளை இழப்பவர்களுக்கு மாற்று இடங்களில் நிச்சயம் குடியிருப்புக்கள் வழங்கப்படும். அதனால் அரசாங்கத்தின் இத்திட்டத்திற்கு சகலரும் முழுமையாக ஒத்துழைப்பு நல்குவது மிகவும் அவசியம்.

ஜனாதிபதி மஹிந்த ராஜபக்ஷ அவர்களும், பாதுகாப்பு அமைச்சின் செயலாளர் கோட்டாபய ராஜபக்ஷ அவர்களும் தாயகத்தின் மீது அதிகபற்று கொண்டவர்கள். மக்கள் மீது, அன்பு கொண்டவர்கள் அவர்கள் நாட்டினதும், நாட்டு மக்களினதும் சுபீட்சத்திற்காகவும்,

விமோசனத்திற்காகவும் அர்ப்பணிப்புடன் செயற்பட்டு வருகின்றார்கள். இதனை முழு நாடுமே அறியும்.

அதன் காரணத்தினால் நகர அபிவிருத்தி திட்டத்தின் கீழ் வீடுகளை இழப்பவர்கள் ஏதாவது பிரச்சினைகளுக்கு முகம் கொடுக்க நேரிட்டால் அது தொடர்பாக தம்முடன் தொடர்பு கொள்ளுமாறும் தாம் பாதுகாப்பு செயலாளர் ஊடாக நியாயமான தீர்வை பெற்றுத் தருவதாகவும் பிரதியமைச்சர் ஏ.ஆர்.எம். அப்தல் காதர் கூறினார்.