புலிகளுக்கு ஆதரவான சினிமா

வைகோ ரகசியமாக பார்த்தார்

ராஜீவ் படுகொலையை நியாயப்படுத்தும் வகையில், பிரபாகரன் உயிரோடு இருக்கிறார். மீண்டும் விடுதலைப்புலிகளளின் பேர் தொடரும் என்ற ரீதியில் தயாரிக்கப்பட்டுள்ள, 'தேன் கூடு;' என்ற திரைப்படத்தை, ம.தி.மு.க பொதுச் செயலர் வைகோ நேற்று சென்னையில் ரகசியமாக பார்த்தார். அப்படத்தை தமிழகத்தில் திரையிடுவதற்கு கடும் எதிர்ப்பு கிளம்பும் என்றும், சென்சார் போர்ட்டு அனுமதியும் கிடைக்காது என்றும், திரையுலக வட்டாரங்கள் தெரிவிக்கின்றன.

இலங்கையில் வாழும் தமிழர்களின், இயல்பான வாழ்க்கையில் காதல் காட்சிகளுடன் படம் ஆரம்பமாகிறது. இலங்கையில் நடந்த போர்க்கள காட்சிகள், ராஜீவ்-ஜெயவர்தனா ஒப்பந்தம், இலங்கைத் தமிழர்கள் மீது கொத்துக் கொத்தாக குண்டு வீசிய காட்சி, சிங்கள இராணுவத்தினருக்கும், விடுதலைப்புலிகளுக்கும் இடையே நடந்த போர் சம்பவங்கள், பிரபாகரன் உயிரோடுதான் இருக்கிறார். அவர் இறக்கவில்லை. மீண்டும் விடுதலைப்புலிகளின் போர் தொடரும் என்ற ரீதியில் காட்சிகள் அமைக்கப்பட்டு, 'தேன் கூடு' என்ற திரைப்படம் தயாரிக்கப்பட்;டுள்ளது.

இத்திரைப்படத்தில், கொலை செய்யப்பட்ட ராஜீவ் மரணத்தை நியாயப்படுத்தியும் சில காட்சிகள் இடம் பெற்றுள்ளன. மேலும், இலங்கைக்கு இந்திய அரசு அனுப்பிவைத்த அமைதிப்படை பற்றியும் விமர்சிக்கப்பட்டுள்ளது. இலங்கைப் போரில் பிரபாகரன் இறக்கவில்லை அவர் உயிருடன்தான் இருக்கிறார் என்பதை எடுத்துக் காட்டும் வகையில், படத்தின் கிளைமாக்ஸ் காட்சியும் அமைக்கப்பட்டுள்ளது.

இந்த படத்தை சென்னையில் உள்ள ஒரு பிரிவியூ தியேட்டரில், ம.தி.மு.க பொதச் செயலாளர் வைகோ நெற்று ரகசியமாக பார்த்தார். படத்தில் வரும் உருக்கமான காட்சிகளை கண்டு அவர் மனம் வெதும்பினார். சில காட்சிகளில் கண்ணீர் விட்டு அழுதார்.

முழுக்க, முழுக்க விடுதலைப்புலிகளுக்கு ஆதரவாக எடுக்கப்பட்ட இந்தப் படம், புலிகளின் ஆதரவாளர்களுக்கு புதிய நம்பிக்கையை தரும் வகையில் எடுக்கப்பட்டுள்ளது. இந்த படத்;திற்கு,சென்சார் போன்ற அனுமதி கிடைக்குமா என்ற சந்தேகம் எழுந்துள்ளது. மேலும், ராஜீவ் மரணத்தையும் நியாயப்படுத்தும் காட்சி உருவாக்கப்ட்டதால், இந்த படத்தை தமிழகத்தில் திரையிடுவதற்கு, அரசியல் கட்சியின் மத்தியில் எதிர்ப்பு உருவாகும் நிலை ஏற்பட்டுள்ளது. இந்த படத்திற்கு எதிர்ப்பு கிளம்பினால், தமிழகத்தில் திரையிடாமல் வெளிநாடுகளில் வசிக்கும் தமிழர்களுக்கு திரையிடுவதற்கு தயாரிக்கப்பட்டுள்ளதாக தெரியவருகிறது.

(எமது சிறப்பு தமிழ்நாடு செய்தியாளர் அருள்)