தேசிய பிரச்சினைக்குத் தீர்வு காண தெரிவுக்குழுவே சிறந்த பொறிமுறை

தேசிய பிரச்சினைக்குத் தீர்வு காண்பதற்கு பாராளுமன்ற தெரிவுக் குழுவே சிறந்த பொறிமுறையாகுமென ஜனாதிபதி மஹிந்த ராஜபக்ஷ தெரிவித்தார். இறக்குமதி செய்யப்படும் எத்தகைய தீர்வுகளும் தேசியப் பிரச்சினைக்குத் தீர்வாக அமையாது என தெரிவித்த ஜனாதிபதி; சகலரும் ஏற்றுக்கொள்ளக் கூடிய தீர்வொன்றைப் பெற்றுக்கொள்ள வேண்டுமெனவும் தெரிவித்தார். தேசிய பிரச்சினைக்கு சகல கட்சிகளும் இணைந்து மேற்கொள்ளும் பாராளுமன்ற தெரிவுக் குழுவின் தீர்மானமே சிறந்த தீர்வாக அமையும் எனவும் ஜனாதிபதி தெரிவித்தார்.

1948ம் ஆண்டு நாட்டிற்கு சுதந்திரம் கிடைத்தபோதிலும் அன்றிலிருந்து மக்கள் அனுபவித்த சுதந்திரம்- சுபீட்சத்தை விட அதிகமாக பயங்கரவாதத்தை ஒழித்த பின்னரான இந்த குறுகிய காலத்தில் மக்கள் அனுபவித்து வருகின்றனர். அதற்கான சூழ்நிலையை நம் நாட்டில் உருவாக்கியுள் ளோம் எனவும் ஜனாதிபதி தெரிவித்தார். இலங்கையின் 64வது சுதந்திர தின விழாவில் நாட்டு மக்களுக்கு உரையாற்றிய ஜனாதிபதி; பயங்கரவாதத்தை ஒழிப்பதில் சகலரும் இணைந்து செயற்பட்டது போல நாட்டைப் பொருளாதாரத்திலும் அபிவிருத்தியிலும் கட்டியெழுப்பு வதிலும் ஒன்றிணைய வேண்டுமெனவும் தெரிவித்தார்.

இலங்கையின் 64 வது சுதந்திர தின விழா நேற்று அநுராதபுரம் நகரில் ஜனாதி பதி மஹிந்த ராஜபக்ஷவின் நன்மையில் கோலாகலமாக நடைபெற்றது. பிரதமர் டி. எம். ஜயரட்ண, சபாநாயகர் சமல் ராஜ பக்ஷ, சிரேஷ்ட அமைச்சர்கள், கட்சித் தலைவர்கள், ராஜதந்திரிகள், முக்கியஸ்தர்கள் மற்றும் பல்லாயிரக்கணக்கான மக்கள் கலந்துகொண்ட இவ்விழாவில் ஜனாதிபதி தொடர்ந்தும் உரை நிகழ்த்துகையில்;

கற்றுக்கொண்ட பாடங்கள் மற்றும் நல்லிணக்க ஆணைக்குழுவின் அறிக்கை வெளியிடப்பட்ட குறுகிய காலத்திற்குள் அதன் பரிந்துரைகளை நடைமுறைப்படுத்த அரசாங்கம் ஆரம்பித்துள்ளது.

நிறைவேற்று அதிகாரங்களைப் பயன் படுத்தி அரசாங்கத்தை அமைக்கவும் வீழ்த்தவும் செயற்பட்டயுகம் ஒன்றிலிருந்தது நாம் ஜனநாயகத்தை மதிக்கின்றோம். அதற்கிணங்கவே பாராளுமன்றம், நீதி மன்றம் ஆகியவற்றினூடாக நல்லாட்சியை வழங்குகின்றோம். மக்களுக்கான உரிமை களை வழங்குவதிலும் ஜனநாயகத்தைப் பாதுகாப்பதிலும் நாம் ஆசியாவில் சிற ந்த நாடாகத் திகழ்கிறோம். நிறைவேற்று அதிகாரத்தை மக்களுக்கு எதிராகப் பயன் படுத்த முடியாது. நல்லிணக்க ஆணைக்குழு வின் அறிக்கை கடந்த டிசம்பர் 17ம் திகதியே பாராளுமன்றத்தில் சமர்ப்பிக்கப்பட்டது. நாம் அதில் உரிய கவனம் செலுத்தியுள் ளோம். குறு கிய 6 வார காலத்தில் அதனை நடை முறைப்பத்துவதில் முக்கியமான நடவடிக் கைகளை மேற்கொண்டுள்ளோம்.

யுத்தம் நடைபெற்ற காலத்தில் யுத்தத்தைக் காரணங்காட்டி மக்களுக்கு பெற்றுக் கொடுக்க வேண்டியவைகள் அற்றுப்போனது. தற்போது மக்களுக்கு சகலதும் பெற்றுக் கொடுக்கப்படுகிறது. தொழில் வாய்ப்பற்ற நிலையிலிருந்து தொழில் வாய்ப்புக்கும் இருளிலிருந்து சுபீட்சத்துக்கும் மக்கள் பயணிக்கின்றனர்.

யுத்தம் முடிவுக்குக் கொண்டு வரப்பட் டதையடுத்து மின்சாரம், நீர், பாதைகள் போன்ற பொதுவசதிகள் கல்வி, உயர்கல்வி, சுகாதாரம் என சகல வசதிகளையும் மக்கள் அனுபவிக்கின்றனர். கிராமிய புறங்களை அபிவிருத்தி செய்யும் நடவடிக்கை கள் முன்னெடுக்கப்படுகின்றன. கிராமிய மக்களும் அபிவிருத்தியின் பலன்களை அனுபவிக்க வேண்டும். அதற்கான சவாலை நாம் ஏற்றுச் செயற்படுகின்றோம்.

இலவசக் கல்வியை கன்னங்கர ஆரம் பித்து வைத்தார். அதற்கு ஆதரவு வழங்கிய வர்களில் டீ. ஏ. ராஜபக்ஷவும் ஒருவர். அன்றுபோல் இன்றும் இலவசக் கல்வியை வழங்குவதில் அரசு முன்னிற்கிறது. அந்த உரிமையைப் பாதுகாக்க அரசாங்கம் அர்ப்பணிப்புடன் செயற்படுகிறது. இல வசக் கல்வியில் கைவைக்க அரசாங்கம் ஒருபோதும் இடமளிக்காது.

உலகின் வேறு சில நாடுகளில் இடம் பெறுவதைப் போன்று இலங்கையிலும் செயற்பட முயற்சிகள் மேற்கொள்ளப்படு கின்றன. பிரிவினைவாதத்தை ஏற்படுத்தும் முயற்சிகளே இவை. இதற்கான விமர் சனங்கள், பிரசாரங்கள் முன்னெடுக்கப்படு கின்றன. மக்கள் இது விடயத்தில் அவதானமாக இருக்க வேண்டும். நாடு பயங்கரவாதத்திலிருந்து மீட்கப்பட்டு இனங்களுக்கிடையில் ஐக்கியம் கட்டி யெழுப்பப்பட்டுள்ளது. இது தனியே ஒரு நபருக்கு கட்சிக்கு உரித்தானதல்ல. அனைவருக்கும் உரித்தானது.

அதேபோன்று நாட்டின் எந்தவொரு பிரதேசமும் வெவ்வேறானவர்களுக்கு சொந்தமானதல்ல. முழு நாடும் அனைவ ருக்கும் சொந்தமானதெனவும் ஜனாதிபதி மேலும் தெரிவித்தார்.