பேச்சுவார்த்தையை குழப்புவதால் மக்களுக்கு நன்மை ஏதும் இல்லை  - சாவகச்சேரியில் ஜனாதிபதி

• வெளிநாடுகளிலுள்ள யாழ். புத்திஜீவிகளுக்கு ஜனாதிபதி அழைப்பு

• புரிந்துணர்வு ஏற்படுத்த ஊடகப் பங்களிப்பு அவசியம்

• தீர்வுகாண முடியாத விடயங்களை முன்வைப்பது ஏற்புடையதல்ல

பேச்சுவார்த்தை மூலம் சுமுகமாகத் தீர்வு காணக்கூடிய விடயங்களை விடுத்து தீர்வு காண முடியாத விடயங்களை முன்வைத்து பேச்சை குழப்புவதால் மக்களுக்கு எந்த நன்மையுமே கிடைக்காது என்று ஜனாதிபதி மஹிந்த ராஜபக்ஷ அவர்கள் யாழ்ப்பாணம், சாவகச்சேரியில் நேற்றுத் தெரிவித்தார். வடக்கு வாழ் மக்களுக்குத் தேவையான சகல வசதிகளையும் பெற்றுக் கொடுப்பதே தமது ஒரே நோக்கம் என்றும் ஜனாதிபதி மஹிந்த ராஜபக்ஷ அவர்கள் கூறினார்.

நேற்று (06) சாவகச்சேரி வைத்தியசாலைக் கட்டடத் திறப்பு விழாவில் கலந்துகொண்டு உரையாற்றும் போதே அவர் மேற்கண்டவாறு கூறினார்.

இந்நிகழ்வில் ஜனாதிபதி மஹிந்த ராஜபக்ஷ அவர்கள் தொடர்ந்தும் உரையாற்றுகையில் :

நாட்டிலே அனைத்தின மக்களுக்கும் தேவையான சுகாதார வசதிகள், கல்வி, உட்கட்டமைப்பு வசதிகள், மின்சாரம், நீர், விவசாயிகளுக்கான வசதிகள் உள்ளிட்ட சகல வசதிகளையும் பெற்றுக் கொடுப்பது எமது கடமையாகக் கருதி செயற்பட்டு வருகின்றேன்.

எனவே இன்று வடக்கு, கிழக்கு, மத்தி என மாகாண பிரதேச பாகுபாடின்றி சகல பிரதேசங்களும் அபிவிருத்தி செய்யப்படுகின்றன. நாட்டு மக்கள் அனைவரும் ஒரே தாயின் பிள்ளைகளாக வாழ வேண்டும் என்பதே எமது எதிர்பார்ப்பு. இங்கு எனக்கு ஒருவர் நினைவுச் சின்னம் வழங்க முன்வந்தார். நான் அவரிடம் கூறினேன் ‘எனக்கு வழங்கும் மிகச் சிறந்த நினைவுச் சின்னம் நாட்டின் எதிர்கால சந்ததியினர் சமாதான மாகவும், ஒற்றுமையாகவும் வாழ்வதற்கான சூழ்நிலையை ஏற்படுத்துவதற்கு ஒத்துழைப்பதே’ என்று கூறினேன்.

இன்று அரசியல் தலைவர்கள் மாத்திரமல்ல, சமூகத்திலே அனைத்துத் தரப்பினரும் நாட்டிலே சிறந்ததொரு சூழ்நிலையினை உருவாக்கு வதற்கு முன்வருவதல் வேண்டும். ஜனாதிபதி என்ற ரீதியில் நான் மாத்திரமல்ல, அரசாங்க உத்தியோகத்தர்கள், பல்கலைக்கழக துணை வேந்தர்கள், விரிவுரையாளர்கள், வைத்தியர்கள் உள்ளிட்ட அனைத்துத் துறையினரும் நாட்டைக் கட்டியெழுப்பும் விடயத்திற்கு ஒத்துழைத்தல் வேண்டும். இதற்கு ஊடகவியலாளர்களின் பங்களிப் பானது இன்றியமையாததாக விளங்கு கின்றது.

நாம் ஒரு பத்திரிகையை வாசிக்கும் போது அதிலே இனவாதம் பேசப்பட்டு சமூகங்களை பிரிப்பதற்கான முயற்சிகளை மேற்கொள்ளப்பட்டிருக்கும் போது அதன் மூலம் ஏற்படக்கூடிய விளைவுகளை நாம் கடந்த காலங்களில் நன்கு உணர்ந் துள்ளோம். எனவே சமூகங்களுக்கு மத்தியில் பரஸ்பர புரிந்துணர்வினை ஏற்படுத்தக்கூடிய விதத்தில் ஊடகங்கள் தமது பணியினை மிகவும் பொறுப்புடன் மேற்கொள்ளல் வேண்டும். அரசியல் வாதிகள், அதிகாரிகள் மற்றும் கல்விமான் களுக்கும் இவ்விடயத்தில் பாரிய பொறுப்பு உள்ளது.

எம்மால் பேச்சுவார்த்தை மூலம் தீர்வு காணக் கூடிய பல பிரச்சினைகள் உள் ளன. எனவே அதுபற்றிப் பேசாது, தீர்வுகாண முடியாத பிரச்சினைகளை முன்வைத்து பேச்சுக்களை குழப்புவதன் மூலம் மக்களுக்கு எதுவித பயனும் கிட்டப் போவதில்லை இன்று ஒருசிலர் அவ்வாறான முயற்சிகளில் ஈடுபட்டுள்ளனர்.

எனவே எம்மால் செய்யக்கூடிய விட யங்களைக் கோரி அவற்றினை நிறைவேற்றி சமூகத்திலே ஒற்றுமையை ஏற்படுத்துவதே காலத்தின் தேவை என நான் நம்புகின்றேன்.

இந்நிகழ்வில் ஜனாதிபதி தமிழ் மொழியிலும் உரையாற்றுகையில், தாம் எப்போதும் தமிழ் மக்களின் முன் தமிழ் மொழியில் பேசவே விருப்புகின்றேன். நீங்கள் நீண்ட காலமாக அனுபவித்த துயர்களை நான் நன்கு அறிவேன். நீங்கள் அனைவரும் புதியதோர் வாழ்க்கை யினை ஆரம்பித்துள்ள மக்களாவீர் அதன் மூலம் புதிய எதிர்பார்ப்பு, புதிய வாழ் க்கை, புதிய எதிர்காலம் இது பற்றி நீங்களும் மகிழ்ச்சியாக உள்Zர்கள். நாமும் மகிழ்ச்சி டைகிறோம். நாம் இன்று உங்களது வடக்குப் பிரதேசத்திற்கே அபிவிருத்திக்காக அதிகமான நிதியினை ஒதுக்கியுள்ளோம்.

வடக்கின் வந்தம் மூலம் உங்கள் பிரதேசங்கள் இன்று துரித அபிவிருத்தி அடைந்து வருகின்றன. 30 வருட காலமாக பின்னடைந்து காணப்பட்ட பிரதேசம் இன்று முன்னேறி வருகின்றது.

நாம் இன்று அனைத்துத் துறைகளையும் அபிவிருத்தி செய்து வருகிறோம். இதனை எவராலும் மறுக்க முடியாது. சிறு சிறு குறைபாடுகள் இருக்கலாம். விரைவில் அவற்றினையும் நாம் தீர்த்து வைப்போம். வடக்கிலே நாம் பல்வேறு வைத்திய சாலைகளை நவீனமயப்படுத்தியுள்ளோம். சுகாதாரம் எமக்கு மிகவும் முக்கியமானது. நோயற்ற வாழ்வே குறைவற்ற செல்வம் எனவே அதன் அடிப்படையில் இன்று நாம் 158 மில்லியன் ரூபா செலவில் சாவகச்சேரி வைத்தியசாலையில் மூன்று கட்டடங்களைத் திறந்துள்ளோம். இதன் மூலம் இப்பிரதேச மக்கள் பயன்பெற வேண்டும்.

இறுதியாக வெளிநாடுகளில் வசித்துவரும் எமது அறிவாளிகள் அனைவரும் தமது தாய்நாட்டிற்கு மீண்டும் வர வேண்டும். தமது மக்களுக்கு சேவையாற்ற வேண்டும். நாம் பழையவற்றை மீண்டும் மீண்டும் பேசுவதன் மூலம், நம்மில் குரோதம், வெறுப்பு, என்பனவே ஏற்படுகின்றன. எனவே இவ்வாறான செயற்பாடுகளைத் தவிர்த்து செயற்படுதல் வேண்டும். ஏனெனில் நாம் அனைவரும் ஒரே குடும்பத்தினர். இந்நாடு நம் அனைவருக்கும் சொந்தமானது. உங்களது பிள்ளைகளுக்கும் இது சொந்தமானது. நாம் அனைவரும் சகோதரர்கள் இதனை எவராலும் மறுக்க முடியாது எனவும் கூறினார்.