இஸ்ரேல் தூதரக அதிகாரியின் கார் தாக்குதலுக்கு ஈரானே காரணம்

இஸ்ரேல் கண்டனத்துக்கு ஈரான் மறுப்பு

டில்லியில் பிரதமர் வீட்டருகே இஸ்ரேலிய தூதரக அதிகாரியின் கார் வெடித்ததில், நான்கு பேர் காயமடைந்தனர். டில்லியில் ரேஸ் கோர்ஸ் சாலையில் பிரதமரின் இல்லம் அமைந்துள்ளது. இந்த சாலை அருகே இஸ்ரேல் நாட்டு தூதரகம் அமைந்துள்ளது. இஸ்ரேலிய தூதரகத்துக்கு சொந்தமான கார் அதனருகேயுள்ள எரிபொருள் நிரப்பு நிலையம் பக்கம் நேற்று முன்தினம் திடீரென வெடித்து தீப்பற்றி எரிந்தது. இந்த சம்பவத்தில் காரில் வந்த தூதரக பெண் அதிகாரி ஒருவர் உட்பட நான்கு பேர் காயமடைந்தனர். கார் வெடித்ததில் அருகே இருந்த நான்கு கார்களும் சேதமடைந்தன.

வெடித்து சேதமடைவதற்கு முன் இந்த டொயோட்டா ‘இன்னோவா’ காரை அவுரங்கசீப் சாலையில் இரண்டு இளைஞர்கள் மோட்டார் வாகனத்தில் பின் தொடர்ந்து வந்தனர். கார் சமிக்ஞையில் நின்றபோது அவர்கள் காரின் பின்பகுதியில் வைத்த பொருள் தான் வெடித்து சேதத்தை ஏற்படுத்தியுள்ளதாக சம்பவத்தை பார்த்த மக்கள் தெரிவிக் கின்றனர்.

மேலும் கார் சமிக்ஞையில் நின்றபோது வெடி பொருளை வைத்த இளைஞர்கள் உடனே அங்கிருந்து சென்று விட்டனர். காரில் காஸ் நிரப்பும் போது கார் வெடித்ததாக முதலில் கூறப்பட்டது. ஆனால் இந்த கார் எரிவாயுவில் இயங்கவில்லை என பொலிசார் தெரிவிக்கின்றனர்.

பயங்கரவாதிகள் சதியா?

முன்னாள் சோவியத் யூனியனில் இருந்த ஜார்ஜியாவின் டிபிலிசி நகர இஸ்ரேல் தூதரகத்திலும் நேற்று முன்தினம் வெடி மருந்து நிரப்பப்பட்ட கார் வெடிக்க இருந்தது. முன்கூட்டியே தெரிய வந்ததால் கார் குண்டு வெடிப்பு தவிர்க்கப்பட்டது. இதேபோன்ற தாக்குதலை டில்லியில் உள்ள இஸ்ரேல் தூதரகத்திலும் பயங்கரவாதிகள் நடத்த திட்டமிட்டிருக்கலாம் என்ற கோணத்தில் பொலிசார் விசாரித்து வருகின்றனர். வெடிகுண்டு நிபுணர்கள் சம்பவ இடத்திற்கு சென்று ஆய்வு செய்து வருகின்றனர். யூத நாடான இஸ்ரேலுக்கும் அண்டை பகுதியில் உள்ள பாலஸ்தீனம் உள்ளிட்ட நாடுகளுடன் பகை நிலவி வருகிறது. இதனால், இஸ்ரேல் மீது பயங்கரவாதிகள் அடிக்கடி தாக்குதல் நடத்துவது வழக்கம். தற்போது இஸ்ரேலில் அதிகபட்ச பாதுகாப்பு நடவடிக்கை மேற் கொள்ளப்பட்டுள்ளதால், வெளிநாடுகளில் உள்ள அந்நாட்டின் தூதரகங்களைத் தகவிர்க்க பயங்கரவாதிகள் திட்ட மிட்டிருக்கலாம் என கூறப்படுகிறது.

ஹிஸ்புல்லா அமைப்பின் துணைத் தலைவர் கொல்லப்பட்ட நான்காம் ஆண்டு நினைவு தினம் நேற்று முன்தினம் அனுசரிக்கப்பட்டதால் இதையொட்டி இந்த சம்பவம் நடந்திருக்கலாம் என்ற கோணத்திலும் பொலிஸார் விசாரணை நடத்தி வருகின்றனர். டில்லியில் நடந்த இந்த சம்பவத்தால் மற்ற தூதரகங்களில் பாதுகாப்பு உஷார்படுத்தப்பட்டுள்ளது.

இஸ்ரேல் கண்டனம்

டிபிலிசி மற்றும் டில்லியில் நடந்த தாக்குதலுக்கு ஈரான் நாடு தான் காரணம் என இஸ்ரேலிய பிரதமர் நெதன்யாகு தெரிவித்துள்ளார். இது குறித்து அவர் மேலும் குறப்பிடுகையில், ‘ஈரான் நாட்டு பாதுகாப்பு அதிகாரிகள் ஹிஸ்புல்லா பயங்கரவாதிகளுக்கு பயிற்சி அளித்து வருகின்றனர். இஸ்ரேல் மீதும் அதன் தூதரகங்கள் மீதும் முன்பு நடந்த தாக்குதல் சம்பவங்களுக்கு இவர்கள் தான் காரணமாக அமைந் துள்ளனர்’ என்றார். இதனை நிராகரித்துள்ள ஈரான், யூதர்களை மட்டுமே தனித்துவமாக முன்வைக்கும் ஜியோனிச சித்தாந்தத்தைக் கடைப்பிடிக்கும் இஸ்ரேல்தான் ஈரானுக்கு எதிராக உளவியல் போரை நிகழ்த்தி வருகிறது என்று பதிலளித்துள்ளது. அண்மைக் காலமாக ஈரானின் அணு விஞ்ஞானிகளை அமெரிக்காவுடன் இணைந்து இஸ்ரேல்தான் படுகொலை செய்து வருவதாகவும் ஈரான் கூறியுள்ளது.

பின்னணி என்ன?

அமெரிக்காவின் மக்கள் தொகையிலும் ஆட்சி அதிகாரத்திலும் தீர்மானிக்கக் கூடிய சக்திகளாக இருப்பவர்கள் இஸ்ரேலியர்கள். (யூத இனத்தவர்கள்தான்) யூதர்களின் நலனுக்குப் பாதகமான எந்த ஒரு செயல் திட்டத்தையும் கொள்கையையும் அமெரிக்கா கடைப்பிடிப்பதில்லை.

சர்வதேச விவகாரங்களில் அமெரிக்காவின் மென்மை முகமாக நோர்வேயும் கோரமுகமாக இஸ்ரேலும் அறியப்பட்ட ஒன்று. சமாதான பேச்சுக்களில் நோர்வே களம் இறங்கும் எனில் போர் போன்ற விவகாரங்களில் இஸ்ரேல் இறங்கும்.

அணு ஆயுத விவகாரத்தில் அமெரிக்காவும் இஸ்ரேலும் கை கோர்த்து ஈரான் மீது சர்வதேச தடை விதித்துள்ள நிலையில் எந்த நேரத்திலும் ஈரான் மீது இஸ்ரேல் தாக்குதல் நடத்தக் கூடும் என்ற நிலையும் உள்ளது.

இதேபோல் இஸ்லாமிய அடிப்படை வாதத்துக்கும் அமெரிக்காவுக்குமான போரில் இஸ்ரேல் பிரிக்க முடியாத கூட்டாளி. இதனால்தான் மும்பையில் 2008 ஆம் ஆண்டு நடத்தப்பட்ட மிகப்பெரிய தாக்குதலிலும்கூட இஸ்ரேலியர்களே குறிவைக்கப்பட்டனர்.

இஸ்ரேலியர்கள் ஒன்றுகூடும் இடத்தை குறிவைத்துதான் தாக்குதல் நடத்தப்பட்டது. இப்போதும் டில்லியில் தாக்குதல் நடத்தப்பட்டதும் இஸ்ரேலியர்களை குறிவைத்தே.

சர்வதேச அக்கப்போரில் அமெரிக்காவுடன் மறைமுகமாக கை கோர்த்துக் கொண்டு எந்த ஒரு நாட்டுக்கும் நம்பிக்கைக்குரிய நண்பராக இந்தியா இருப்பதில்லை. இதுவே சர்வதேச நாடுகளுக்கு இடை யேயான போர்க்களமாக இந்திய நகரங் கள் மாறி வருகின்றன என்கின்றனர் அர சியல் பார்வையாளர்கள். இதற்கிடையே, இஸ்ரேல் தூதரக அதிகாரியின் காரில் வைக்கப்பட்டது ஸ்டிக்கர் குண்டு என்று கண்டறியப்பட்டுள்ளது.