விடுதலைப்புலிகள் இயக்கத்துக்கான தடை உத்தரவை எதிர்க்கும் வைகோவின் வழக்கை ஏற்க முடியாது

விடுதலைப்புலிகள் இயக்கத்துக்கு தடைவித்து தீர்ப்பாயம் பிறப்பித்த உத்தரவை எதிர்த்து வைகோ தாக்கல் செய்த மனுவை ஏற்கக்கூடாது என்று சென்னை கைகோட்டில் தமிழக அரசு பதில் மனுதாக்கல் செய்துள்ளது. விடுதலைப்புலிகள் இயக்கத்தை தடைவித்து மத்தி யஅரசு கடந்த 14.5.10 அன்று அறிவிப்பானை வெளியிட்டது. இது தொடர்பாக டெல்லி கைகோட்டு நீதிபதி தலைமையில் தீர்பாயம் அமைக்கப்பட்டு விசாரனை நடத்தப்பட்டது. விடுதலைப்புலிகள் இயக்கத்தை தடை செய்யப் பட்ட இயக்கமாக அறிவித்து மத்திய அரசு பிறப்பித்த உத்தரவை உறுதி செய்து 12.11.10 அன்று தீர்ப்பாயம் உத்தரவிட்டது. இந்த உத்தரவை ரத்து செய்ய வேண்டும் என்று கைகோட்டில் ம.தி.மு.க பொதுச் செயலாளர் வைகோ மனு தாக்கல் செய்தார். இந்த வழக்கு நீதிபதிகள் தர்மாராவ், கிருபாகரன் ஆகியோர் முன்னிலையில் நேற்று (20.2.12) வந்தது. நீதிபதிகள் முன்பு வைகோ ஆஜரானார்.

இந்த வழக்கு கடந்த முறை விசாரனைக்கு வந்தபோது வைகோவின் மனுவுக்கு மத்திய அரசின் உள்துறை சார்பில் கூடுதல் சொலிசிட்டர் ஜெனரல் எம்.ரவீந்திரன் பதில் மனு தாக்கல் செய்தார். அதில் பயங்கரவாத நடவடிக்கைகள் தடை சட்டத்தின்படி விசாரனை நடத்தி விடுதலைப்புலிகள் இயக்கத்துக்கு தடை விதிக்கப்பட்டுள்ளது.ஆனால் இந்த சட்டத்தால் வைகோவுக்கு எந்த பாதிப்பும் இல்லை இந்த சட்டத்தால்அவருக்கு பாதிப்பு ஏற்பட்டு இருப்பதை ஆதாரத்துடன் நிருபித்தால் மட்டும் தான் அதை ஏற்க முடியும்.அப்படி நிரூபிக்காவிட்டால் அவர் தாக்கல் செய்த மனுவை விசாரனைக்கு ஏற்கக்கூடாது.

ஒரு வேளை அந்த சட்டத்தால் அவருக்கு பாதிப்பு ஏற்பட்டது உண்மை என்று எடுத்துக்கொண்டாலும் அதற்கான தீர்ப்பாணம் மூலம்தான் நிவாரணம் தேட முடியுமே தவிர கைகோட்டில்  அல்ல,எனவே வைகோவின் மனு தள்ளுபடி செய்யவேண்டும் என்று கூறப்பட்டு இருந்தது. நேற்று வழக்கு விசாரனைக்கு வந்தபோது,தமிழக அரசு சார்பில் ரகசிய தகவல் பிரிவு அதிகாரி பதில் மனு தாக்கல் செய்தார்.அதில், இந்த வழக்கில் மத்திய அரசு எடுத்துள்ள நிலைப்பாட்டைம மாநில அரசும் எடுத்துள்ளது என்று கூறியுள்ளார். இந்த வழக்கை வரும் ஏப்ரல் 9ம் திகதிக்கு நீதிபதிகள் தள்ளி வைத்தனர். வழக்கு விசாரனையின்போது ம.தி.மு.க வக்கீல்கள் தேவதாஸ், நன்மாறன், அருணன், தென்காசி, சங்கரன் உட்பட பலர் ஆஜரானார்கள்.

(எமது சிறப்பு நிருபர்: அருள்)