நாஸி வதை முகாமில் இருந்த உலகின் வயதானவர் மரணம்

நாஸி படுகொலை முகாமில் இருந்து உயிர்தப்பி வாழும் மிக வயதானவர் என கருதப்படும் அலிஸ் ஹெர்ஸ் சொம்மர் என்பவர் தனது 110 ஆவது வயதில் லண்டனில் காலமானார். கடந்த 1903 ஆம் ஆண்டு பரகுவேயில் யூத குடும்பத்தில் பிறந்த அலிஸ் ஹெர்ஸ் சொம்மர், டெரசினில் இருந்த நாஸி வதை முகாமில் இரண்டு ஆண்டுகளை கழித்துள்ளார். சிறந்த பியானோ வாசிப்பவரான இவர் 1986 வரை ஜெரூசலம் இசைப்பள்ளியில் ஆசிரியராக செயற்பட்டு பின்னர் லண்டனுக்கு குடிபெயர்ந்துள்ளார். அவரது வாழ்க்கை வரலாற்றைக் கொண்ட குறுந்திரைப்படம் அடுத்த மாதம் இடம்பெறும் ஒஸ்கார் விருதில் குறுந்திரைப்படம் அடுத்த மாதம் இடம்பெறும் ஒஸ்கார் விருதில் சிறந்த ஆவண குறுந்திரைப்படத்திற்கான போட்டியில் உள்ளது.

“அவர் ஒருபோதும் இறக்க முடியாது என்று நாம் அனைவரும் நம்பினோம்” என்று குறித்த ஆவண திரைப்படத்தை தயாரித்த பிசெட்ரிக் போபொட் குறிப்பிட்டார். ‘6ஆம் இலக்க பெண் இசை எனது உயிரை காத்தது’ என்பதே ஆவண திரைப்படத்தின் பெயராகும்.

ஹெர்ஸ் சொம்மர் திரைப்பட இணையதளம் ஒன்றுக்கு அளித்த பேட்டியில், “நான் யூதர் என்றாலும் பீத்தோவன்தான் எனது மதம், எனது வாழ்நாளின் கடைசி காலத்தில் இருக்கிறேன். அதுவொன்றும் பெரிய விடயமல்ல. ஏனென்றால் எனக்கு ஒரு அழகான வாழ்க்கை கிடைத்தது” என்கிறார்.

தனது வதைமுகாம் வாழ்க்கை பற்றி அவர் கூறிய போது, தாம் மற்றும் ஏனைய கைதிகள் அடிக்கடி துன்புறுத்தலுக்கு உள்ளான போதும் அங்கு கூட எப்போதும் சிரித்தபடி இருந்ததாகக் குறிப்பிட்டிருந்தார். ,சை தம்மை மகிழ்ச்சியூட்டியதாகவும் அது தம்மை எப்போதும் உற்சாகத்துடன் வைத்திருந்ததாகவும் அவர் தெரிவித்துள்ளார்.

1942 ஆம் ஆண்டு சொம்மர் தனது 73 வயது தாயுடன் செக்குடியரசின் டெரசின் வதை முகாமுக்கு அனுப்பப்பட்டார். அதனைத் தொடர்ந்து கொடூரமான டிரம்லிங்கா முகாமுக்கு மாற்றப்பட்டுள்ளார்.

“எனது தாயுடன் சென்ற கடைசி தருணம் அதுதான். எனது வாழ்க்கையில் மோசமான தருணமும் அதுதான். அவர் என்னிடம் இருந்து பிரிக்கப்பட்டார். இன்றுவரை அவர் எங்கே இருக்கிறார். எப்போது இறந்தார் என்று எதுவும் தெரியாது”

1945 ஆம் ஆண்டு சோவியட் படை ஹிட்லரின் நாஸி படையைத் தோற்கடித்து, டிரெப்லிக்கா முகாமில் இருந்த ஹெர்ஸ் சொம்மர் மற்றும் அவரது மகன் ஸ்டிபன் உட்பட்ட 20,000 க்கும் அதிகமானோரை விடுவித்தது.

இந்த படுகொலை முகாமிற்கு சுமார் 140,000 யூதர்கள் அனுப்பப்பட்டுள்ளனர். அதில் 33,430 பேர் கொல்லப்பட்டிருப்பதாக கணிக்கப்பட்டுள்ளது.

1931 ஆம் ஆண்டு திருமணம் முடித்த ஹெர்ஸ் சொம்மரின் கணவர் லிபோல்ட் சொம்மர் தெற்கு ஜெர்மனியில் இருந்த நாஸி வதை முகாமில் கொல்லப்பட்டுள்ளார். இசைக் கலைஞரான இவரது மகன் கடந்த 2001 ஆம் ஆண்டு மணமடைந்தார்.