700 தமிழர்கள் தடுத்து வைக்கப்பட்டிருந்ததாக தகவல் - சுரேஷ் ஆவேசம்

பொட்டன் துணுக்காய் வதை முகாம்

3500 மேற்பட்ட தமிழர்கள்  தடுத்து வைப்பு - சுரேஷ் மௌனம்

திருகோணமலை கடற்படை முகாமில் கோட்டா என்ற பெயரில் உள்ள இரகசியமான முகாமில் 700 தமிழர்களும் 35 குடும்பங்களும் தடுத்து வைக்கப்பட்டிருந்ததாக தமிழ்த் தேசியக் கூட்டமைப்பு தெரிவித்துள்ளது. இது சம்பந்தமாக விசாரணை நடத்தி நாடாளுமன்றத்திற்கு அறிக்கை தாக்கல் செய்யுமாறு கோரியுள்ளதாக கூட்டமைப்பின் யாழ் மாவட்ட நாடாளுமன்ற உறுப்பினர் சுரேஷ் பிரேமச்சந்திரன் தெரிவித்துள்ளார்.

அவர் மேலும் தெரிவிக்கையில், மிகவும் நம்பிக்கையான நபர்களிடம் இருந்து கிடைத்த தகவல்களின் அடிப்படையில் விசாரணைகளை நடத்தும் நோக்கில் அந்த தகவல்களை கடந்த 19 ஆம் திகதி நாடாளுமன்றத்தில் சமர்ப்பித்தோம் எனவும் சுரேஷ் குறிப்பிட்டுள்ளார்.
தகவல்களை நபர்களை பற்றி தெரிவிக்க மறுத்துள்ள சுரேஷ் பிரேமச்சந்திரன், தன்னிடம் இருந்து சகல தகவல்களையும் ஊடகங்களுக்கு வெளியிட முடியாது எனக் கூறியுள்ளார். கடற்படையின் ட்ரக் மூலம் முகாமில் இருந்தவர்களுக்கு உணவு விநியோகிக்கப்பட்டுள்ளதாகவும் தகவல் வழங்கியவர்கள் தெரிவித்தனர்.

இரகசிய முகாமில் இருந்தவர்கள் விடுதலை செய்யப்பட்டார்களா அல்லது அவர்களுக்கு என்ன நடந்தது என்பது குறித்து உடனடியாக விசாரணை நடத்த வேண்டும்.
முகாமில் இருந்தவர்கள் தனித்தனியாக தடுத்து வைக்கப்பட்டிருந்தனர், தடுத்து வைக்கப்பட்டிருந்த ஏனையோருடன் தொடர்புகளை வைத்திருந்த முகாம் அதிகாரிகள் இடமளிக்கவில்லை எனவும் தகவல்களை வழங்கியவர்கள் கூறினர்.

இவ்வாறு இயங்கிய மேலும் இரகசிய முகாம்கள் இருக்கலாம் என்ற சந்தேகம் தமிழ் மக்களிடம் இருக்கின்றது. போர் நடைபெற்ற போது ஒரு லட்சத்து 40 ஆயிரம் தமிழர்கள் காணாமல் போனதாக மன்னார் ஆயர் ராயப்பு ஜோசப் ஆண்டகை கூறியது உண்மையானது என்பதை உறுதிப்படுத்த இந்த இரகசிய முகாம்கள் சான்றாக அமையும்.
போர் காலத்தில் காணாமல் போனவர்கள் பற்றி விசாரணை நடத்த நியமிக்கப்பட்ட விசேட ஜனாதிபதி ஆணைக்குழு இரண்டு வருடங்களாக கூடி வருகிறது. ஆணைக்குழுவில் முன்வைக்கப்பட்ட சாட்சியங்களின் அடிப்படையில், ஒரு சந்தேக நபரை நீதிமன்றத்தில் ஆஜர்ப்படுத்தவோ தேடவோ அதிகாரிகளால் முடியாது போயுள்ளது. இதனால், அந்த ஆணைக்குழு மீது நம்பிக்கையில்லை எனவும் சுரேஷ் பிரேமச்சந்திரன் கூறியுள்ளார்.

பொட்டனின் இரகசிய முகாமில் இருந்தவர்கள் விடுதலை செய்யப்பட்டார்களா அல்லது அவர்களுக்கு என்ன நடந்தது என்பது குறித்து உடனடியாக விசாரணை நடத்த வேண்டும்.
முகாமில் இருந்தவர்கள் தனித்தனியாக தடுத்து வைக்கப்பட்டிருந்தனர், தடுத்து வைக்கப்பட்டிருந்த ஏனையோருடன் தொடர்புகளை வைத்திருந்க பொட்டனின் கொலைப் பிரிவு. இடமளிக்கவில்லை எனவும் தகவல்களை வழங்கியவர்கள் கூறினர். இதில் அநேகர் சுரேஷ் இன் முன்னாள் சகாக்கள். இவர்களைப் பற்றி சுரேஷ் எப்போதும் வாய் திறக்கவில்ல. புலிகளின் இருப்புக்காலத்தில் பொட்டனின் மாதப் பணக் கொடுப்பனவில் இருந்த சுரேஷ்  உம் அவரின் சகாக்களும் இது பற்றி இதுவரை வாய் திறக்கவில்லை. கோட்டாவை கேள்வி கேட்பதில் உள்ள நியாயம் பிரபாகரனின் வதை முகாம் விடயத்தில் எங்கே போய்விட்டது. எல்லாம் உசுப்பேத்தி வாக்குச் சேகரிக்கும் வக்கிர புத்திக்காக மட்டுமே இவர்கள் குரல் எழுப்புவார்கள் போலும்.

அமைதி சமாதானம் ஜனநாயகம்

www.sooddram.com