கனடாவில் வீரகேசரி...!!!

1930 ம் ஆண்டு தொடக்கம் ஈழத்தில் இருந்து வெளிவந்த வீரகேசரி இன்று முதல் (01-01-2011) கனடாவில் வெளிவரத்   தொடங்கியுள்ளது. வீரகேசரி பத்திரிகை கடந்த 80 ஆண்டுகளாக தொடர்ந்து ஈழத்தில் நடுநிலைமை பேணி வெளிவந்ததுடன், பலவாசகர்களை தன்னகத்தே கொண்டதுடன்... பல எழுத்தாளர்களையும் பத்திரிகையாளரையும் உருவாக்கியது. இவர்களில் குறிப்பிடும்படியாக கனடாவின் முன்னணிப் பத்திரையாக இருந்த மஞ்சரி பத்திரிகையின் ஆசிரியர் டீ.பீ.எஸ். ஜெயராஜ், தமிழர் செந்தாமாரையின் ஆசிரியர் மறைந்த அமரர் கனக அரசரத்தினம் வீரகேசரி பத்திரிகையின் பின்புலத்தை கொண்டவர்கள்.

1930 ம் ஆண்டு ஆகஸ்டு மாதம் தொடக்கம் ஈழத்தில் இருந்து வெளிவரும் வீரகேசரி பத்திரிகைக்கு ஓர் தனிப் பாரம்பரியம் உண்டு.அந்நேரம் ஈழத்திற்கு விஜயம் மேற்க் கொண்ட மகாத்மா காந்தி அவர்கள், ஈழத்தில் இருக்கும் மலையக தமிழரான இந்திய வம்சாவழித் தமிழரின் குரல்... அபிலாசைகள்... ஒலிப்பதற்க்கு... வெளிவருவதற்கு... ஓர் பத்திரிக்கை வேண்டும் என்பதற்கு இணங்க பெரி.சுப்பிரமணியம் செட்டியார் என்பவரால் ஈழம் வாழ் இந்தியத் தமிழரின் குரல் ஒலிப்பதற்காக தொடங்கின பத்திரிக்கை ‘வீரகேசரி’ காலப்போக்கில் ஈழத்தின் வாழ் அனைத்து தமிழ் பேசும் தமிழ்... முஸ்லிம்... மக்களின் குரல்களை ஒலிப்பதுடன் ஓர் நடுநிலையான... சுதந்திரமான... தினசரிப் பத்திரிகையாக வெளிவந்து கொண்டு இருக்கிறது.

பல ஏற்ற தாழ்வுகளுக்கு மத்தியில் தொடர்ந்து ஈழத்தின் அதிகூடிய வாசர்களை தன்னகத்தே கொண்ட வீரகேசரி பத்திரிகை காலத்தின் தொழில்நுட்ப வளர்ச்சி... தேவை கருதி இணைய பத்திரிகையாக தற்போது வெளிவருவதுடன் புற்றீசல் போல் இணையம் நடத்துவோருக்கும் "வீரகேசரி நிருபர்" / "எமது நிருபர்" என்பதை எடுத்துவிட்டு தமது செய்தியாகப் போடுவதற்கு வழி சமைத்து உதவியாக இருக்கிறது. இன்று ஈழத்திற்கு வெளியில் மூன்று இலட்சத்திற்கு மேல் ஈழத்தமிழரைக் கொண்ட கனடாவில் வீரகேசரி வார இதழாக ஒவ்வொரு சனியும் வெளிவருவது வரவேற்க்கத்தக்கது.

ஆக்கம்/ தகவல்: அலெக்ஸ் இரவி