தமிழ் மக்கள் அரங்கம் என்பது அரசியல் கட்சியோ அல்லது தேர்தல் கூட்டணி யோ அல்ல

மழை மற்றும் வெள்ளபெருக்கினால் பாதிக்கப்பட்ட கிழக்கு இலங்கையில் பொலன்நறுவை மாவட்டத்திற்கு மட்டும் ஜனாதிபதியின் விஜயமானது ஒரு இனவாத நடவடிக்கை என எம்.கே.சிவாஜிலிங்கம தெரிவித்துள்ளார்

மழை மற்றும் வெள்ளபெருக்கினால் பாதிக்கப்பட்ட கிழக்கு இலங்கையில் பொலன்நறுவை மாவட்டத்திற்கு மட்டும் ஜனாதிபதியின் விஜயமானது ஒரு இனவாத நடவடிக்கை எனவும் மட்டகளப்பு மாவட்டம் திருகோணமலை மாவட்டம் புறகணிக்கபட்டுள்ளதாகவும் தமிழ்த் தேசிய விடுதலைக் கூட்டமைப்பின் செயலாளர் நாயகமுமான எம்.கே.சிவாஜிலிங்கம் ரிபிசியின் வியாழக்கிழமை அரசியல் கலந்துரையாடல் நிகழ்ச்சியின் போது தெரிவித்துள்ளார்

மிகவும் மோசமாக பாதிக்கபட்ட மாவட்டமாக கருதப்படும் மட்டகளப்பு மாவட்டத்திற்க்கு காலசீரற்ற நிலையில் விஜயம் செய்ய முடியவில்லை என ஜனாதிபதியினால் தெரிவிக்கபட்டிருந்தாலும் ஜனாதிபதி நினைத்திருந்தால் விமானப்படை மற்றும் கடற்படையின் உதவியுடன் விஜயத்தை மேற்கொண்டிருக்க முடியும் எனவும் எம்.கே.சிவாஜிலிங்கம் தெரிவித்துள்ளார்

தமிழ் மக்கள் அரங்கம் என்பது அரசியல் கட்சியோ அல்லது தேர்தல் கூட்டணியோ அல்ல ஆனால் மிகவும் மோசமாக பாதிக்கபட்டு ஜம்பது ஆயிரத்திற்க்கு மேற்பட்ட மக்கள் கொள்ளபட்ட ஒரு இனத்தின் அரசியல் தீர்வினை பெற்று கொள்ளுவதற்காக உருவாக்கபட்ட அமைப்பே தமிழ் அரங்கம் எனவும் தெரிவித்தார்

இருந்தபோதிலும் தமிழ் கட்சிகள் ஒன்றினைந்து உள்ளுராட்சி தேர்தலில் போட்டியிட முயற்சிகள் மேற்கொள்ளபட்டு வருவதாகவும் அம் முயற்சியினால் தமிழர் விடுதலை கூட்டணி - ஈழ மக்கள் புரட்சிகர விடுதலை முன்னணி பத்மநாபா அணி - தமிழ் ஈழ மக்கள் விடுதலை கழகம் - தமிழ்த் தேசிய விடுதலைக் கூட்டமைப்பு ஆகிய கட்சிகள் தற்போது ஒன்றினைந்து போட்டியிட சம்மதித்து உள்ளதாகவும் ஏனைய கட்சிகளுடன் தொடர்ந்து பேச்சுவார்த்தைகள் நடைபெறுவதாகவும் ஆனால் தமிழ் மக்கள் விடுதலை புலிகள் இப்பேச்சுவார்த்தையில்  அதிகம் அக்கறை காட்டமையினால் அக்கட்சியுடன் பேச்சுவார்த்தை இடைநிறுத்தி உள்ளதாகவும் தெரிவித்துள்ளார்

யாழ்மாவட்டத்தில் தற்போது நிலவும் பதற்றமான நிலமைக்கு காரணம் ஈ.பி.டி.பி மற்றும் தமிழ் தேசிய கூட்டமைப்பு என அண்மையில் ஜனாதிபதி தெரிவித்தாகவும் ஆனால் ஜனாதிபதியின் இக் கூற்றானது தமிழ் கட்சிகளை திட்டமிட்ட பலவீனபடுத்தும் ஒரு நடவடிக்கை என கூறிய எம்.கே.சிவாஜிலிங்கம் அப்படியானால் சம்பந்தபட்ட நபர்களை கைது செய்ய முடியாமைக்கு என்ன காரணம் எனவும் கேள்வி எழுப்பினார் யாழ் மாவட்டத்தில் நடைபெறுகின்ற எந்த சம்பவமானால் புலனாய்துறையினருக்கு தெரியமால் நடைபெறவில்லை எனவும் தெளிவாக கூறினார்

இலங்கையில் உள்ள தமிழ் கட்சிகள் அனைத்தும் ஒன்றினைந்து ஒரு அரசியல் தீர்வை முன்வைக்கும் போது இலங்கை அரசாங்கம் மேற்கொள்கின்ற நடவடிக்கையினை பொறுத்துதான் சர்வேதேச உதவியினை நாடுவதை பற்றி யோசிக்க முடியும் என தெரிவித்த அவர் ஆனால் தற்போது புலம் பெயர்ந்து நாட்டில் வாழ்கின்ற எமது மக்களின் நடவடிக்கையைகளினால் அரசிற்க்கு அழத்தங்கள் ஏற்பட்டு உள்ளாதாகவும் தெரிவித்தார்

தானும் கடந்த காலங்களில் இந்தியாவிற்கு எதிரான கடுமையான கருத்தினை கொண்டிருந்தாகவும் தற்போது அந்நிலையில் இருந்து மாறியுள்ளதாகவும் இந்தியா ஊடாக புலம் பெயர்ந்து மக்கள் அழுத்தங்களை கொடுக்க முடியும் எனவும் குறிப்பிட்டார்