சூரிய குடும்பத்துக்கு வெளியே இன்னொரு பூமி!

சூரிய குடும்பத்துக்கு வெளியே பூமியைப்போன்றே பாறைகள் கொண்ட புதிய கோளை அமெரிக்காவின் நாஸா விண்வெளி ஆய்வு மையம் கண்டுபிடித்துள்ளது. நாஸா அனுப்பியுள்ள கெப்ளர் விண்கலம் இந்த கோளை கண்டு பிடித்தது. சூரிய குடும்பத்துக்கு வெளியே இதுவரை கண்டுபிடிக்கப்பட்டுள்ள சுமார் 700 கோள்களும் வாயுக்கள் நிறைந்ததாகவோ அல்லது மணல் போன்ற துகள்கள் மட்டுமே கொண்டதாக இருக்கும் நிலையில், முதல் முறையாக பாறைகளுடன் கூடிய பூமியைப் போன்ற கோள் கண்டுபிடிக்கப்பட்டுள்ளது குறிப்பிடத்தக்கது. மேலும் சூரிய குடும்பத்துக்கு வெளியே கண்டறியப்பட்டுள்ள மிகச் சிறிய முதல் கோளும் இது தான்.

கெப்ளர் 10 பி என்று பெயரிடப்பட்டுள்ள இந்தக் கோள் பூமியை விட 40 சத வீதம் மட்டுமே பெரிதானது. ஒரு நட்சத்திரத்தை 20 மணி நேரத்துக்கு ஒருமுறை சுற்றி வருகிறது. நமது சூரியன் அல்லாத பிற நட்சத்திரங்களை சுற்றி வரும் இது போன்ற கோள்களுக்கு எக்ஷோபிளானட் என்று பெயர்.

மிக அதிகமான வெப்ப நிலையுடன் காணப்படும் இந்தக் கோள் உயிரினங்கள் வசிக்கும் நிலையில் இப்போது இல்லை. ஆனால், பூமி உருவாகும் போது இதைவிடமிக அதிகமான வெப்ப நிலையில் தான் இருந்தது என்பது குறிப்பிடத்தக்கது. இந்த கெப்ளர் 10 பி கோள் உருவானபோது மிகப் பெரியதாக, இன்னும் அதிக வெப்ப நிலையுடன் இருந்திருக்கலாம். பின் னர் சுருங்கி வெப்ப நிலையும் குறைந்து இந்த அளவை அடைந்தி ருக்கலாம் என்று கருதப்படுகிறது.

எனவே பூமி போன்ற உயிர்கள் வாழும் கிரகங்கள் உருவான வரலாற்றை அறிவதில் இந்த கெப்ளர் பி. பெருமளவில் உதவலாம் என்று நம்பப்படுகிறது. 2009 ஆம் ஆண்டில் விண்ணில் செலுத்தப்பட்ட கெப்ளர் விண்கலம் சிக்னஸ் மற்றும் லைரா வானியல் மண்டலங்களுக்கு இடையே உள்ள சுமார் 1.5 இலட்சம் நட்சத்திரங்களை ஆய்வு செய்து அவற்றைச் சுற்றி வரும் கோள்களை கண்டுபிடித்து வருகிறது.

இந்த விண்கலம் அனுப்பும் படங்கள், தகவல்களுடன் பூமியில் உள்ள நாஸாவின் பல்வேறு வானியல் தொலைநோக்கிகளும் இணைந்து இந்தக் கோள்களை ஆய்வு செய்து வருகின்றன.

இப்போது கண்டு பிடிக்கப்பட்டுள்ள கெப்ளர் 10 பி கோள் பூமியிலிருந்து 560 ஒளி ஆண்டுகள் தொலைவில் உள்ளது. இதன் வயது 8 பில்லியன் ஆண்டுகளாக இருக்கலாம் என்று தெரிகிறது.

அழகாபுரியில் பயின்ற ஜல்லிக்கட்டு காளைகள்

திமிறிய திமிலுடன் ஆக்ரோஷமாக ஓடி வரும் காளைகளை அடக்க முயலும் காளையர்களின் ஜல்லிகட்டு விழா, மதுரை மாவட்டத்தில் நடக்கிறது.

இதில், அலங்காநல்லூர் ஜல்லிக்கட்டு, உலகத்தின் பார்வையை மதுரை பக்கம் திரும்ப வைத்தது. பழங்காலத்தில், “ஏறு தழுவுதல்” என்ற பெயரில் இருந்த இந்த வீர விளையாட்டிற்கு பல கட்டுப்பாடுகள் இருந்தும், இன்றும் உயிர்ப்புடன் இருக்க காரணம், தமிழ் கலாசாரம் ஜல்லிக்கட்டு காளைகளை வளர்ப்பவர்கள், அவரவர் தோட்டத்தில் பயிற்சி அளித்து வருகின்றனர். ஆனால், முப்பது ஆண்டுகளுக்கு முன், ஒரே இடத்தில் அனைத்து ஜல்லிக்கட்டு காளைகளுக்கும், காளையர்களுக்கும் பயிற்சி அளித்தது அலங்காநல்லூர் அருகேயுள்ள அழகாபுரி கிராமம்.

இக் கிராமத்தின் ஆரம்பத்தில் மண் இருந்தது. இது பயிற்சி பெற வசதியாக இருந்தது. அருகேயுள்ள கிராமப்பகுதி காளைகள் இங்கு பயிற்சி பெற்றன. காளைகள் ஓடுவதற்கு ஏற்ப இட வசதி இருந்ததால் பயிற்சிக்காக அழகாபுரி கிராமத்தை தேர்ந்தெடுத்தனர். தினமும் காலை 7 மணி முதல் 10 மணி வரை பயிற்சி அளிக்கப்பட்டது. இதற்காக பிரத்தியேக வாடிவாசலும் அமைக்கப்பட்டது.

அழகாபுரியில் பயிற்சி பெற்ற காளைகள் என்றால் ஜல்லிக்கட்டில் திறமையாக விளையாடும் என்று ஒரு காலத்தில் பேச்சு இருந்தது எனக் கூறுகிறார். இந்த ஊர் தண்டல்காரர் அழகர்சாமி. காலங்கள் மாற பயிற்சி களம் இன்று சிமென்ட் தளமானது பயிற்சி என்ற பெயரில் காளைகள் தோப்புகளில் முடக்கப்பட்டு விட்டன. காளையர்கள் ஜல்லிக்கட்டு தினத்தன்று மட்டும் களத்தில் பாதுகாப்பாக பயிற்சி பெறும் சூழல் உருவாகிவிட்டது.