இனரீதியாக பிரிவுகளால் எதிர்காலத்திற்கு பாரிய சவால்

கிழக்கில் எதிர்ப்பு அரசியலால் அநாதைகளான தமிழ்ச் சமூகம், தமிழ்ப் பிரதேசங்களை காப்பாற்றுமாறு அருண் தம்பிமுத்து கோரிக்கை

மட்டக்களப்பு மாவட் டத்தில் தமிழ் மக்கள் பாரம்பரியமாக வாழும் கிராமங்களை முஸ்லிம் பிரதேச செயலாளர் பிரிவுகளுடன் இணைப்பதற்கான முயற்சிகளை உடன் நிறுத்துமாறு ஜனாதிபதியிடம் கோரிக்கை விடுத்துள்ளதாக மட்டக் களப்பு மாவட்டத்தின் ஸ்ரீலங்கா சுதந்திரக் கட்சியின் பிரதான அமைப்பாளரும் ஜனாதிபதியின் இணைப்பாளருமான அருண் தம்பிமுத்து தெரிவித்தார்.

பரம்பரை பரம்பரையாக தமிழ் மக்கள் பெரும்பான்மையாக வாழும் கிராம சேவையாளர் பிரிவுகளை முஸ்லிம்களின் நிருவாக அலகுடன் இணைப்பதானது தமிழர் குடிப்பரம்பலை மாற்றி முஸ்லிம் களை பெரும்பான்மை இனமாக மாற்று வதற்கான ஓர் முன் முயற்சி என்ற ஐயம் தமிழ் மக்கள் மத்தியில் எழுந்துள்ளது. 1950களில் மட்டக்களப்பு மாவட்டம் மட்டக்களப்பு அம்பாறை என்று பிரிக்கப் பட்ட வேளையில், காரைதீவு, கல்முனை மற்றும் அக்கரைப்பற்று போன்ற பிரதேசங் களில் வாழ்ந்த தமிழ் மக்கள் அடைந்த வரலாற்று துன்பங்கள் மறக்கப்பட முடியாதவை.

இன்றைய கிழக்கு மாகாண சபையில் தமிழ் மக்கள் அரசியல் அநாதைகளால் கைவிடப்பட்டுள்ள நிலையில் இவ்வாறான ஒரு முயற்சி மேற்கொள்ளபட்டிருப்பது அவர்களை மேலும் விரக்தி நிலைக்கு இட்டுச்செல்லும்.

காலாகாலமாக முஸ்லிம் சமூகத்தின் அரசியல் தலைமைகள் அவர்களின் இணக்கப்பாட்டு அரசியல் செயற்பாடுகளால் தமது சமூகத்திற்கான மேம்பாட்டை கருத்தில் கொண்டு பல்வேறு அபிவிருத்தி களை முஸ்லிம் சமூகத்திற்கு பெற்றுக் கொடுத்துள்ளனர்.

உதாரணமாக ஏறத்தாழ இருபத்தையாயிரம் மக்கள் வாழும் ஏறாவூர் நகர பிரதேச சபை இன்று நகரசபையாக தரமுயர்த் தப்பட்டுள்ளது. ஆனால் முப்பதாயிரம் மக்கள் வாழும் மண்முனைப்பற்று பிரதேச சபை இன்னமும் தரமுயர்த்தப்பட வில்லை என்பது இங்கு குறிப்பிடத்தக்கது.

மட்டக்களப்பு மாவட்டத்தின் தமிழ் பிரதிநிதிகளை எடுத்துக்கொண்டால் அவர்கள் காலகாலமாக எதிர்ப்பு அரசிய லையே நடத்திவந்துள்ளனர். இதன் விளைவு தமிழ் மக்களுக்கான அபிவிருத்திகள் முற்றாக புறக்கணிக்கப் பட்டுள்ளன.

புதிய அரசியல் கலாசாரத்திற்கான செயற்பாடுகளை முன்னெடுத்து இப்பிரதேச தமிழ் மக்களின் அபிவிருத்தியை குறிப்பிட்ட காலப்பகுதியில் மேற்கொள்ள திடசங் கற்பத்துடன் செயற்படும் எனது செயற்பாடு களுக்கு இவ்வறான குறுகிய இனரீதியிலான பிரிவுகள் பாரிய சவால்களை ஏற்படுத்து மென்ற விடயத்தை ஜனாதிபதி அவர்களின் மேலான கவனத்திற்கு கொண்டுவந் துள்ளேன்.