ஒரு கிலோ மீனைப் பிடிப்பதற்காக 20 கிலோ மீன்களை அழிக்கும் தமிழக மீனவர்கள்

இலங்கை கடற்பரப்பிற்குள் வரும் தமிழக மீனவர்கள் ஒரு கிலோ மீனை பிடித்துச் செல்வதற்காக சுமார் 15 முதல் 20 கிலோ வரையிலான மீன் வகைகளை அழித்துவிட்டே செல்கின்றனர் என இலங்கை மீனவர் பிரதிநிதிகள் இந்திய ராஜ்ய சபையின் தமிழ் நாடு மாநில உறுப்பினர் மணிசங்கர் அய்யரிடம் தெரிவித்துள்ளனர். அமைச்சர் ராஜித சேனாரட்ணவுடன் புதுடில்லி சென்ற இலங்கை மீனவர்கள் புதுடில்லியில் மணிசங்கர் ஐயரிடம் பேசும் போதே மேற்கண்டவாறு தெரிவித்துள்ளனர்.

33 வருடங்கள் யுத்தத்தால் துன்பப்பட்ட வடபகுதி தமிழ் மக்களான நாம், மீன்பிடி நடவடிக்கைகளை சிறிய மட்டத்தில் ஆரம்பித்தோம்.

அரசினதும், மீன்பிடி அமைச்சரினதும் உதவி ஒத்தாசை காரணமாக இன்று வடக்கில் மீன்பிடித்துறை சிறப்பாக நடக்கிறது.

வடக்கில் எமது மீன் வளங்களை தமிழ்நாட்டில் ஆயிரக் கணக்கான படகுகள் எமது எல்லைக்கு வந்து பலாத்காரமாக எடுத்துச் செல்கின்றன.

நீங்கள் ஒரு கிலோ மீனைப் பெற எமது கடலில் பல்வேறு மீன் இனங்களை 15, 20 கிலோ வரையில் அழிக்கின்றனர்.

இதனால் வடக்கின் தமிழ் மக்களான எமக்கு வட கடலில் ஒரு மீன்தானும் மீஞ்சுவதில்லை.

தமிழ்நாட்டு மீனவர்கள் தமிழர் களான எமக்கு இவ்வாறு செய்வது சரிதானா?

புதுடில்லி, நகரில் யிவிஹி மயுர்யா ஹோட்டலில் இப்பேச்சுவார்த்தை அமைச்சர் டொக்டர் ராஜித சேனாரத்ன, இந்திய ராஜ்யசபை தமிழ்நாடு மாநில உறுப்பினர் மணி சங்கர் ஐயர் தலைமையில் நடைபெற்றது.

இரு நாடுகளின் மீனவர் சங்கங்களின் பிரதிநிதிகள் கலந்துகொண்டனர்.

தமிழகத்தின் ஆயிரக் கணக்கான வள்ளங்கள் உடன்வரும் இந்திய மீனவர்கள் வடமாகாணத்தில் எமது கடலில் பிரவேசித்து மீன்பிடி நடவடிக்கையில் ஈடுபடுகின்றனர். எமது நாட்டில் தடைசெய்யப்பட்ட பொடம் புரோலிஸ் முறையில் மீன்பிடிக்கின்றனர்.

இதனால் முழு கடல்பகுதியும் அழிகிறது.

ஆயிரக் கணக்கான மீன் குங்சுகள் மரணிக்கின்றன.

ஒரு கிலோ மீன் பிடிக்க 15 முதல் 20 கிலோ வரையிலான மீன் இனங்கள் அழிக்கப்படுகின்றன.

இதனால் எமக்கு மில்லியன் கணக்கில் நஷ்டம் ஏற்படுகிறது. எமது வலைகளும், படகுகளும் சேதமாகின்றன. நீங்கள் வரும் நாட்களில் எமக்கு மீன்பிடிக்க இடம் கிடைப்பதில்லை.

எமக்கு உங்களால் வாழ்க்கையைக் கொண்டு செல்ல முடியாது. நீங்கள் எமக்கு அன்பு என்றால் உங்கள் பெரும் படகுகளை எமது கடலுக்கு அனுப்பக்கூடாது. நீங்கள் உதவி செய்ய வேண்டும். ஏன் இவ்வாறு செய்கிaர்கள்? என மீனவர் சங்கப் பிரதிநிதிகள் கேட்டனர்.

இந்திய மீனவர் சங்கப் பிரதிநிதிகள் வாரத்துக்குச் சில நாட்கள் மட்டும் வடக்குக்கு வந்து மீன் பிடிக்க அனுமதி கேட்டனர்.

இதற்கு எதிர்ப்பு தெரிவிக்கப்பட்டது.

இந்திய மீனவர்களின் டிரொலில் முறை காரணமாக எமது கடலுக்கு ஏற்படும் அழிவு தொடர்பாக விரிவான ‘பவர்பொயின்ட்’ காட்சியும் காண்பிக்கப்பட்டது.

யாழ். மீனவ அமைப்பின் தலைவர் என். பொன்னம்பலம், கிளிநொச்சி மீனவ அமைப்பின் தலைவர் ஏ. ஜஸ்டின் முல்லைத்தீவு மீனவ அமைப்பின் தலைவர் அருள் ஜெனிபர், தேசிய மீனவர் மகா சம்மேளன பொருளாளர் தயானந்த சில்வா ஆகியோரும் உரையாற்றினர்.

(எப். எம்.)