யாழ்.மாநகரசபையின் பலதரப்பட்ட வேலைகளுக்கு ஈழ மக்கள் ஜனநாயக் கட்சியினரால் தற்காலிக அடிப்படையில் கடந்த ஆண்டு நியமனங்கள் வளங்கப்பட்டிருந்தன. இந்த நியமனங்களை பெற்றவர்கள் நான்கு, ஐந்து ஆண்டுகளுக்கு மேலாக மாநரசபையில் தொழில்புரிந்துவருகின்றமை குறிப்பிடத்தக்கது. இருந்தும் சுயநல அரசியல் நோக்கத்திற்காக ஈழ மக்கள் ஜனநாயகக் கட்சியினரால் வழங்கப்பட்ட நியமனங்கள் எனக்கூறி இந்த தொழிலாளர்களை தற்போதைய அரசியல் நிலைமைகளை சாதகமாகக் பயன்படுத்திவரும் அரசியல்வதிகளே ஊழியர்களை தொழிலிருந்து நிறுத்திவிட முயற்சிப்பதாக பாதிக்கப்பட்ட தொழிலாளர்கள் ஒருங்கிணைப்பாளரிடம் தெரிவித்துள்ளனர்.

தற்போதைய அரசியல் மாற்றத்தின் காரணமாக பழிவாங்கல்களும் சமூக சீரழிவுகளும் குடாநாட்டில் தலைவிதித்தாடுவதை காணமுடிகின்றது. குடாநாட்டின் பெரும்பான்மை நாடாளுமன்ற உறுப்பினர்களைக் கொண்டவர்களும் தமது சுயநலன்களுக்காக நியமனம் பெற்றவர்களை பழிவாங்கக்கூடும் எனவும் மாநகரசபை வட்டாரங்களிலிருந்துவரும் செய்திகள் தெரிவிக்கின்றன.

பாதிக்கப்பட்ட ஒரு தொகுதி ஊழியர்களுடன் கலந்துரையாடியபின் கருத்துத்தெரிவித்த முன்னாள் நாடாளுமன்ற உறுப்பினரும் ஈழ மக்கள் ஜனநாயகக் கட்சியின் ஒருங்கிணைப்பாளருமாகிய கே.வி.குகேந்திரன் (வி.கே.ஜெகன்) தமிழர் உரிமையென கோசமிட்டுத்திரியும் கூட்டமைப்பினர் இதுவரை தமிழருக்கு செய்ததுதான் என்ன? என்று உங்களிடம் நீங்களே கேள்விகளை கேட்டுப்பாருங்கள். பதில் பூச்சியமாகவே இருக்கும். ஆனால் ஈழ மக்கள் ஜனநாயகக் கட்சியை யார் விமர்சித்தாலும் நாம் அவற்றையெல்லாம் கண்டுகொள்ளாது மக்களின் சேவையை முதன்மைப்படுத்தியதனால் தான் குடாநாட்டு மக்களுக்கு முற்றுமுழுதான சேவையை எம்மால் செய்துகொடுக்க முடிந்தது.

நடைபெற்றுவரும் நூறு நாள் அபிவிருத்தித்திட்டத்திற்குள் உங்களது பிரச்சினைகளையும் முதன்மைப்படுத்தி ஜனாதிபதி மைத்திரிபாலவிடம் செயலாளர்நாயகம் டக்ளஸ்தேவானந்தாவூடாக பேசி தீர்வுகண்டு தருவதற்கு நடவடிக்கை மேற்கொள்கின்றோம்.
மேலும் இந்த பணிநீக்கம் சட்டரீதியாக மேற்கொள்ளப்படுகின்றதோ அல்லது அரசியல் பழிவாங்கல்களாக மேற்கொள்ளப்பட்டு வருகின்றதோ என்பதையும் அறியவேண்டிய அவசியம் எமக்கு உண்டு எனத் தெரிவித்துள்ளார். இப்பணி நீங்கத்தினால் 150ற்கு மேற்பட்ட வறிய தொழிலாளர்கள் வேலை இழக்க நேரிடும்என்பது குறிப்பிடத்தக்கது.

அமைதி சமாதானம் ஜனநாயகம்

www.sooddram.com