முன்னாள் இந்திய மத்திய அரசாங்கத்தின் அமைச்சர் மணிசங்கர் ஐயர் அவருடன் வந்த குழுவினரை பத்மநாபா E.P.R.L.F சத்தியன் 21/01/2015 சாயா ப்லூ ஹோட்டேலில் [Chaya Blue Hotel] இடம்பெற்ற சந்திப்பில் 13ம் திருத்த சட்டபடி இந்திய இலங்கை ஒப்பந்தத்தை மிக விரைவாக நடைமுறைபடுத்துவதற்கு இந்திய மத்திய அரசையும் இலங்கை அரசையும் வலியுறுத்துமாறு கேட்டு கொண்டதுடன் இலங்கையின் ஆட்சி மாற்றத்தினால் ஒரு ஜனநாயக சூழல் உருவாகியுள்ள நிலையில் இலங்கையின் தேசிய பிரச்சனையாக உள்ள தமிழ் பேசும் மக்களின் தீர்வு திட்டத்தின் அடிப்படையில் இந்த 13வது திருத்த சட்ட மூலம் ஏற்படுத்தபட்டது. வடக்கு கிழக்கு மாகாண சபை கடந்த காலங்களில் இருந்து வந்த இலங்கை அரசுகளினால் 13வது திருத்த சட்டமூலம் சரியாக நடைமுறைபடுத்தபடவில்லை. அதிகாரங்கள் பகிர்ந்தளிக்கப்படவில்லை. மாறாக இரு மாகாண சபைகளாக பிரித்து விட்டார்கள்.

தற்போது உருவாகிய அரசாங்கம் அதை பற்றி பேசலாம் என்று அறிவித்த நிலையில் இந்திய ஆய்வுகுழுவினால் செய்யப்படும் ஆய்வு பெரும் உதவியாக அமைத்து இரு நாட்டு தலைவர்களாலும் பேசப்பட்டு மிக விரைவாக நடைமுறைக்கு கொண்டு வந்தால் தற்போது மாற்றமடைந்த அரசாங்கத்தை மக்கள் சந்தோஷத்துடன் வரவேற்றதை விட அதிக மகிழ்ச்சியுடன் தமிழ் மக்கள் சந்தோஷமாகவும் நிம்மதியாகவும் வாழ்வார்கள் என்பதுடன் எமது தேசிய பிரச்சனைக்கு தீர்வு எட்டபட்டுவிடும் என்பதையும் தெரிவித்ததுடன், இலங்கையில் இருந்து இடம்பெயர்ந்த மக்களை திரும்பவும் அழைத்துவருவதென்றால் முதல் கட்டமாக எமது அரசியல் தீர்வு எட்டபட்டு நடைமுறைபடுத்த வேண்டும் தீர்வு நடைமுறைபடுத்தும் பட்சத்தில் எமது மக்கள் தாயகம் திரும்ப வேண்டும்.

இலங்கையில் எந்த அரசாங்கம் வந்தாலும் குறிப்பிட்ட காலம் தான் எமது மக்களுடன் நல்லுறவை பேணுவார்கள். பின்பு சட்ட சிக்கல், மதகுருமார் சிக்கல் இன்னும் பல பிரச்சனைகளை காரணம் காட்டி இழுத்தடிப்பு நடப்பதே வழைமை. இந்த மாற்றமடைந்த அரசாங்கத்தை பெரும் எதிர்பார்புடன் நம்பி இருக்கும் எமது மக்களுக்கு எமது அடிப்படை பிரச்சனையை தீர்த்து விட்டு மீள் கூடியமர்த்துவதை முறையாக நடைமுறைபடுத்த வேண்டும். அவர்கள் முன்பு வாழ்ந்த இடங்கள் எப்படியுள்ளது தொழில் வாய்ப்பு, பாடசாலை, மருத்துவமனை இவைகள் அனைத்தும் குடி அமர்த்துபவர்களுக்கு ஏற்படுத்திய பின்னரே வெளிநாடுகளில் இருந்து எமது மக்களை வரவழைக்க வேண்டுமென்று தெரிவித்ததுடன் உள் நாட்டிலே இடம் பெயர்ந்த மக்கள் இன்றும் சரிவர வசதியுடன் குடியமர்த்தாமலே மக்கள் இன்னும் வட மாகாணத்தில் வழி வடக்கு மக்களும் கிழக்கு மாகாணத்தில் சம்பூர் மக்களும் அவர்களுடைய நிலத்தை இழந்து விட்டு இரவும் பகலும் காட்டு மனிதர்களை போல் கூடாரம் அமைத்து வாழ்வதை பார்க்க முடிகிறது.

முதற் கட்டமாக நல்லெண்ண அடிப்படையில் இவர்களுடைய அடிப்படை பிரச்சனைகளை தீர்த்து வைக்க வேண்டிய கடமை மாற்றமடைந்த மைத்திரி அரசுக்கு உள்ளது. இவைகளை மிக விரைவாக செய்வார்கள் என்று நாம் நம்புகிறோம். எமது அண்டைய நாடான இந்தியாவை எமது மக்கள் இன்னும் நம்புகிறார்கள். எமது பிரச்சனையை முன்நின்று தீர்க்கப்படவேண்டும் என்பதை தெரிவித்ததுடன் எமது தமிழ் மக்கள் இனி மேலும் நம்பி நம்பி ஏமாறாமல் மிக விரைவாக சகல அதிகாரங்களுடனும் 13வது திருத்த சட்டத்தை அமுல்படுத்த வேண்டி எமது பிரச்சனையை தீர்க்கும் முகமாக இந்திய மத்திய அரசை கேட்டுக்கொள்ளவேண்டும் என்று திருமலை வந்திருந்த இந்திய ஆய்வு குழுவிடம் திருகோணமலை மாவட்ட அமைப்பாளர் சத்தியன் இவ்வாறு கேட்டுக்கொண்டார்.

அமைதி சமாதானம் ஜனநாயகம்

www.sooddram.com