மட்டக்குளி பதற்றம்; முழுஅளவில் விசாரணை

ஓ. ஐ. சி. உட்பட பொலிஸ் அதிகாரிகள் அனைவரும் உடனடி இடமாற்றம்

மட்டக்குளிய பொலிஸ் நிலையத்தில் பணியாற்றிய பொலிஸ் நிலையப் பொறுப்பதிகாரி உட்பட பொலிஸ் அதிகாரிகள் அனைவரும் உடனடியாக இடமாற்றப்பட்டுள்ளனர். மட்டக்குளி பொலிஸ் நிலையத்தில் நேற்று முன்தினம் ஏற்பட்ட பதற்ற நிலையையடுத்து பொலிஸ் மா அதிபர் இந்த நடவடிக்கையை எடுத்துள்ளார். மட்டக்குளி பொலிஸ் நிலையத்தில் இடம்பெற்ற சம்பவம் தொடர்பாக விசாரணை முடியும் வரை இந்த இடமாற்றங்கள் செய்யப்பட்டுள்ளதாக பொலிஸ் மா அதிபர் மஹிந்த பாலசூரிய அறிவித்துள்ளார். பொலிஸ் நிலையத்தில் கடமையிலிருந்த சகல பொலிஸ் உத்தியோகஸ்தர்கள் மீதும் ஒழுக்காற்று நடவடிக்கை எடுக்கப்பட்டுள்ளதாகவும் அவர் அறிவித்துள்ளார்.

இது தொடர்பாக பொலிஸ் மா அதிபர் நேற்று விடுத்துள்ள அறிக்கையில் கூறப்பட்டுள்ளதாவது; மட்டக்குளி பொலிஸ் நிலைய பொறுப்பதிகாரியும் மற்றும் அதிகாரிகள் சிலரும் நேற்று முன்தினம் (3) மாலை 6.30 அளவில் அப் பொலிஸ் வளவில் உள்ள ஒரு இடத்துக்கு நடந்து சென்று போதை வஸ்து விற்பனையில் ஈடுபட்டிருந்த ஒருவரை கைது செய்தனர். அந்த நபரிடம் இருந்து போதை வஸ்துவும் பிடிபட்டது. அதனை யடுத்து அந்த நபர் தனது வீட்டுக்குள் வைத்து கண்ணாடி துண்டொன்றால் வேண்டுமென்றே தனது கையை வெட்டிக்கொண்டுள்ளார்.

அதனை யடுத்து அந்த சந்தேக நபர் பொலிஸ¤க்கு அழைத்துச் செல்லப்பட்ட போது அவரது கையில்வெட்டுப்பட்ட இடத்தில் இருந்து அதிக அளவில்இரத்தம் சிந்தியதால் பொலிஸ் நிலைய பொறு ப்பதிகாரி சந்தேகநபரை வைத்திய சாலைக்கு அழைத்துச் சென்றுள்ளார். சந்தேகநபர் வைத்தியசாலைக்கு அழைத்துச் செல்லப்பட்டதன் பின் னர் பொலிஸ் நிலையத்துக்கு வந்த சந்தேகநபரின் உறவினர்களும் நண்பர் களும் சந்தேக நபரைப் பற்றி விசாரி த்துள்ளனர். அச் சந்தர்ப்பத்தில் பொலிஸ் நிலையத்தின் தடுப்புக் காவல் கூடத்தில் கீழே இருந்த இரத்தக் கறையை கண்ணுற்ற அவர்கள் சந் தேக நபருக்கு பொலிஸார் அடித்த தில் அவர் உயிரிழந்ததாகவும் சடல த்தை பொலிஸார் வெளியே எடுத் துக் சென்று விட்டதாகவும் கூறிக் கொண்டு வெளியே சென்றுள்ளனர்.

அதன்பின் 15 நிமிடங்களின் பின் அயலில் உள்ளவர்கள் பெருமளவில் திரண்டு அந்த சிறிய பொலிஸ் நிலையத்துக்கு கற்களால் வீசி தாக்கு தல் நடத்தியுள்ளனர். இந்த கல் வீச்சினால் பொலிஸ் நிலையத்தின் ஜன்னல் கண்ணாடிகளுக்கு சேதம் ஏற்பட்டுள்ளது. எனினும் பொலிஸ் அதிகாரிகள் எவருக்கும் காயம் ஏற்படவில்லை. அயலில் அதிக அளவு மக்கள் வசிப்பதன் காரணமாகவும் பொலிஸ் நிலையத்துக்கு வெளியே இருந்த கூட்டம் கலகக்காரர்களைபோல நடந்துகொண்டபோதிலும் பொலி ஸார் எவ்வித துப்பாக்கிச் சூடும் நடத்தவில்லை.

அவ்வாறு துப்பாக்கிச் சூடு நடத்தப்பட்டிருந்தால் நிலைமை மோசமாகிவிடலாம் என்பதாலேயே அவ்வாறான தீர்மானம் எதுவும் எடுக்கப்படவில்லை. சம்பவம் தொடர்பாக கொழும்பு குற்றத் தடுப்புப் பிரிவு குற்றச் செயல் விசாரணை திணைக்களம், பொலிஸ் போதைவஸ்து ஒழிப்பு பணியகம் மற்றும் பொலிஸ் விசேட விசாரணை அலகு ஆகியவற்றினால் பூரண விசாரணைகள் இடம்பெற்று வருகின்றன. இந்த சம்பவம் இடம்பெற்று இர ண்டு மணித்தியாலங்களின் பின்னர் மட்டக்குளி பொலிஸ் நிலையம் மீண்டும் வழமைபோல் இயங்கி யது.

இராணுவமும் பொலிஸாரும் இணைந்து தேடுதல் நடவடிக்கை களில் ஈடுபட்டனர். 200 பேரிடம் விசாரணை நடத்தப்பட்டதுடன் சுமார் 25 பேர் கைது செய்யப் பட்டுள்ளனர். இவர்களுக்கு எதிராக பிரதி பொலிஸ் மா அதிபரினால் (குற்றப் பிரிவு) நீதிமன்றத்தின் முன் நிறுத்துவதற்கு தேவையான நடவடிக்கை எடுக்கப்பட்டு ள்ளது. அதேவேளை பிரதேசத்தில் அமைதி யான சூழ்நிலை நிலவுவதுடன் பாதுகாப்பும் பலப்படுத்தப்பட்டுள்ளது. இந்த சம்பவத்தின் போது சிரேஷ்ட பொலிஸ் அதிகாரிகள் மற்றும் கனிஷ்ட பொலிஸ் அதிகாரிகளின் பொறுப்புகள் உரிய முறையில் நிறைவேற்றப்படாமை மற்றும் கைவிடப்பட்டமை தொடர்பாக பொலிஸ் விசேட விசாரணை அலகு மூலம் முழுமையான விசாரணை நடத்தப்பட்டு வருகிறது.