காஷ்மீரில் மீண்டும் கலவரம்; பொலிஸ் தடியடி-துப்பாக்கி சூடு

காஷ்மீரில் 4 நாட்களுக்கு பிறகு, உள்ளூர் பண்டிகைக்காக ஊரடங்கு உத்தரவு தளர்த்தப்பட்டது. ஆனால், மீண்டும் கலவரம் வெடித்த தால் பொலிஸார் தடியடி மற்றும் துப்பாக்கி சூடு நடத்தி ஆர்ப்பாட்டக் காரர்களை கலைத்தனர். காஷ்மீரில் பாதுகாப்பு பணியில் ஈடுபட்டுள்ள மத்திய ரிசர்வ் பொலிஸ் உள்ளிட்ட துணை இராணுவ படை யினருக்கும், ஆர்ப்பாட்டக் காரர்களுக்கும் இடையே மோதல் ஏற்பட்டது. அப்போது, நடந்த துப்பாக்கி சூட்டில் 11 பேர் உயிரிழந்தனர். இதனால், கடந்த செவ்வாய்க்கிழமையன்று ஸ்ரீநகர் உட்பட காஷ்மீர் பள்ளத்தாக்கு பகுதி முழுவதும் ஊரடங்கு உத்தரவு பிறப்பிக்கப்பட்டது.

கடந்த 4 நாட்களாக ஊரடங்கு உத்தரவு நீடித்த நிலையில், முதல்–மந்திரி உமர் அப்துல்லா தலைமையில் அவசர ஆலோ சனை கூட்ட கடந்த வெள்ளிக்கிழமை இரவு நடைபெற்றது. அப்போது, காஷ் மீரில் கொண்டாடப்படும் ‘மீரஜ்-இ- ஆலம்’ பண்டிகைக்காக ஊரடங்கு உத்தரவை தளர்த்த முடிவு செய்யப்பட்டது. அதன்படி, நேற்று முன்தினம் நள்ளிரவு முதல் ஊரடங்கு உத்தரவு தளர்த்தப்பட்டது.

அங்குள்ள ஹஸ்ரத்பால் மசூதிக்குச் சென்று தொழுகை நடத்துவதற்கு மக்களை அனுமதித்தனர். கடந்த வெள்ளிக்கிழமை நள்ளிரவில் இருந்தே மக்கள் சென்று வந்தனர் அந்த மசூதியில் நடந்த முதல்கட்ட தொழுகையில் 4 ஆயிரம் பேர் பங்கேற்றதாக தகவல்கள் தெரிவிக்கின்றன. ஊரடங்கு உத்தரவு தளர்த்தப்பட்டதால், ஸ்ரீநகரில் கடைகள் திறக்கப்பட்டன. பண்டிகையை முன்னிட்டு, இறைச்சிக் கடைகளில் மக்கள் கூட்டம் அதிகமாக காணப்பட்டது.

னினும், குமார்வாரி, நாஸ் சினிமா, நவ்கத்தா, மைசூமா போன்ற இடங்களில் ஆர்ப்பாட்டக்காரர்கள் வீதிகளில் கூடினர். அவர்களை, பாதுகாப்புப் படையினர் விரட்டி அடித்தனர். அப்போது, 20 பேர் கைது செய்யப்பட்டனர். இதுபோல, காகபோரா, புல்வமா, அனந்தநாக் போன்ற மாவட் டங்களின் பல்வேறு பகுதிகளிலும் மோதல் ஏற்பட்டது. அதில் 16 துணை இராணுவத்தினரும் பொது மக்களில் 5 பேரும் காயமடைந்தனர்.

வழிபாட்டுக்காக அனுமதிக்கப்பட்டு இருந்து ஹஸ்ரத்பால் மசூதியை நோக்கி ஆர்பாட்டக்காரர்கள் ஊர்வலமாக சென்றனர். ஜாமியா மசூதியில் இருந்து ஹ¥ரியத் மாநாட்டு கட்சியின் தலைவர் மிர்வேஸ் மவுலவி தலைமையில் சென்ற அந்த ஊர்வலத்தில் அரசுக்கு எதிராகவும் காஷ்மீர் விடுதலையை ஆதரித்தும் கோஷங்கள் எழுப்பப்பட்டன.