பலத்த முரண்பாடுகள், இழுபறிகள் மத்தியில் மத்திய அமைச்சரவையில் நேற்று மாற்றம்

பலத்த முரண்பாடுள், இழுபறிகளுக்கு மத்தியில் இந்திய மத்திய அமைச்சரவை மாற்றம் நேற்று இடம்பெற்றது. பிரதமர் மன்மோகன் சிங்குக்கும் சோனியாவுக்கும் இடையில் ஏற்பட்ட கருத்து வேறுபாடுகள் காரணமாகவே மத்திய அமைச்சரவை விரிவாக்கத்தில் இதுவரை இழுபறி நிலவி வந்தது. ஒவ்வொரு அமைச்சுப் பொறுப்பையும் யாரிடம் ஒப்படைப்பதென்ற விடயத்தில் மன்மோகன் சிங்கும் சோனியாவும் முரண்பட்ட கருத்துக்களைக் கொண் டிருந்தனர். இம்முரண்பாடுகளுக்கு மத்தியில் அமைச்சரவை மாற்றம் குறித்து இழுபறி நேற்றுடன் முடிவுக்கு வந்தது. அமைச்சரவை மாற்றம் நேற்று அறிவிக்கப்பட்டது.

மத்திய சுற்றுச்சூழல் துறை அமைச்சராக தமிழக காங்கிரஸ் எம்பியான ஜெயந்தி நடராஜன் நியமிக்கப்பட்டுள்ளார். ரயில்வே அமைச்சராக திரிணமூல் காங்கிரஸ் கட்சியைச் சேர்ந்த தினேஷ் திரிவேதி நியமிக்கப்பட்டுள்ளார்.

சட்டத்துறை அமைச்சராக இருந்த வீரப்ப மொய்லியிடம் இருந்து அந்தத் துறை பறிக்கப்படுகின்றது. இந்தத் துறை, சல்மான் குர்ஷித் வசம் ஒப்படைக்கப்படுகிறது. சுற்றுச்சூழல் அமைச்சராக இருந்த ஜெய்ராம் ரமேஷ் ஊரக வளர்ச்சித்துறை அமைச்சரா க்கப்படவுள்ளார்.

வீரப்ப மொய்லிக்கு கம்பெனிகள் விவகாரத்துறை ஒதுக்கப்படுகிறது.

ஐக்கிய முற்போக்குக் கூட்டணி அரசின் புதிய அமைச்சரவைப்பட்டியல் நேற்று மாலை வெளியாகியது.

தினெஷ் திரிவேதி முன்னர் சுகாதாரத்துறை இணை அமைச்சராக இருந்தார்.

வீரப்ப மொய்லிக்கு கம்பெனிகள் விவகாரத்துறை ஒதுக்கப்படுகிறது.

விலாஷ் ராவ் தேஷ்முக்கிடம் அறிவியல் மற்றும் தொழில் நுட்பத்துறை வழங்கப்படவுள்ளது. இவர் இதுவரை ஊரக, வளர்ச்சி மற்றும் பஞ்சாயத்து ராஜ் அமைச்சராக இருந்தார்.

எம். எஸ். கில், ஹண்டிக், காந்திலால் பூரியா ஆகிய அமைச்சர்கள் நீக்கப்பட்டுள்ளனர். புதிய அமைச்சர்கள் நேற்று மாலை பதவியேற்கவிருந்தனர்.

புதிய அமைச்சர்களின் விவரம் வருமாறு:-

அமைச்சரவை அந்தஸ்த்து

கிஷோர் சந்திர தேவ்- பழங்குடியினர் நலத்துறை மற்றும் பஞ்சாயத்து ராஜ்யம், பேனி பிரசாத் வர்மா- உருக்கு, தினேஷ் திவிவேதி- ரயில்வே, ஜெய்ராம் ரமேஷ்- ஊரக மேம்பாடு, இணை அமைச்சர்கள் (தனி அதிகாரம்), ஸ்ரீகாந்தி ஜேனா- புள்ளியியல் மற்றும் திட்ட அமுலாக்கத்துறை வனங்கள், ஜெயந்தி நடராஜன்- சுற்றுச்சூழல் மற்றும் வனங்கள், ஸ்ரீபபான் சிங் கவ்டோவர்- வடகிழக்கு மேம்பாட்டுத்துறை, குருதாஸ் காமத்- குடிநீர் மற்றும் கழிவுநீர் அகற்றுதல் துறை.

இணை அமைச்சர்கள்

சுதிப் பந்தோபாத்யாயா- சுகாதாரம் மற்றும் குடும்ப நலத்துறை, சரண் தாஸ் மஹந்த்: வேளாண் மற்றும் உணவு பதப்படுத்துதல் துறை, ஜிதேந்திர சிங் - உள்துறை, மிலிந்த தியோரா- தொலைத்தொடர்பு மற்றும் தகவல் தொழில்நுட்பம், ராஜிவ் சுக்லா- நாடாளுமன்ற விவகாரங்கள்.

அமைச்சர்கள் சிலருக்கு ஏற்கனவே ஒதுக்கப்பட்டிருந்த துறை மாற்றப்பட்டு புதிய இலாகாக்கள் ஒதுக்கப்பட்டுள்ளன. அதன் விவரம்.

அமைச்சரவை அந்தஸ்து

விலாஸ்ராவ் தேஷ்துக்- அறிவி யல் மற்றும் தொழில்நுட்பம் மற் றும் பூகோள அறிவியல், வீரப்ப மொய்லி- கம்பெனி விவகாரங்கள், ஆனந்த சர்மா- தொழில் மற்றும் வணிகத்துறை , ஜவுளித்துறை கூடு தல் பொறுப்பு, பவன்குமார் பன் சால்- நாடாளுமன்ற விவகாரங்கள், நீர்வளத்துறை கூடுதல் பொறுப்பு, சல்மான் குர்iத்- சட்டம் மற்றும் நீதித்துறை, சிறுபான்மை விவகாரங்கள் கூடுதல் பொறுப்பு.

இணை அமைச்சர்கள்

இ. அகமது: வெளியுறவு மற்றும் மனிதவள மேம்பாடு, வி. நாராயணசாமி, பணியாளர் நலன் மற்றும் ஓய்வூதியம், மற்றும் பிரதமர் அலுவலகம், ஹரீஷ் ராவத் :

வேளாண் மற்றும் உணவு படுத்துதல் துறை, மற்றும் நாடாளுமன்ற விவகாரம், முகுல் ராய்: ஷிப்பிங், அஷ்வனி குமார்: திட்டமிடல்; அறிவியல் மற்றும் தொழில்நுட்பம் மற்றும் பூகோள அறிவியல்.

அமைச்சரவையில் இருந்து நீக்கப்பட்டவர்கள்

தயாநிதி மாறன், முரளி தியோரா, பி.கே. பண்டிக், எம்.எஸ். கில், காந்திலால் புரியா, ஏ. சாய் பிரதாப், அருண் யாதவ்.