இறக்குமதியை நிறுத்தியாவது வடக்கு விவசாய உற்பத்திகளுக்கு முன்னுரிமை வழங்கப்படும்

வெளிநாடுகளில் இருந்து இறக்குமதி செய்வதை நிறுத்தியாவது வட மாகாணத்தில் உற்பத்தி செய்யப்படும் சிறிய வெங்காயம், செத்தல் மிளகாய் உற்பத்திகளுக்கு முக்கியத்துவம் கொடுக்கப்படுமென்று பொருளாதார அபிவிருத்தி அமைச்சர் பசில் ராஜபக்ஷ நேற்று தெரிவித்தார். யாழ். மாவட்ட விவசாய நிலைய ங்களைப் பயன்ப டுத்தி மேற்கொள் ளப்படும் உற்பத்திகளின் மூலம் முழு இலங்கையுமே விவசாய உற்பத்தியில் தன்னிறைவு அடையும் எனவும் கூறினார்.

குடத்தனை கிழக்கில் கமநல சேவைகள் மத்திய நிலையத்தைத் திறந்து வைத்து உரையாற்றும் போதே அமைச்சர் இவ்வாறு தெரிவித்தார்.

அமைச்சர் தொடர்ந்து உரையாற்றுகையில்,எமது உற்பத்திகளின் மூலம் நாடு தன்னிறைவு அடையும் வகையில் விவ சாயத்துறை இன்று வளர்ச்சியடைந்துள்ளது.

2005 ஆம் ஆண்டு ஜனாதிபதி மஹிந்த ராஜபக்ஷ அவர்கள் இந்நாட்டைப் பொறுப்பேற்கும் போது நாட்டில் 88 சதவீதம் பொருளாதாரம் தன்னிறைவு அடைந்திருந்தது. ஆனால் தற்போது பொருளாதாரம் மிக வேகமாக வளர்ச்சி யடைந்து வருவதை நீங்கள் அவதானிக்கக் கூடியதாக இருக்கின்றது.

இவ்வாறு விவசாயத்துறையில் தன் னிறைவு அடையும் வகையில் எமது அர சாங்கம் விவசாயிகளுக்கு பல்வேறு சலு கைகளை வழங்கி வருகின்றது. குறிப்பாக நெற்பயிர்ச் செய்கையாளர்களுக்கு உரமானி யத்துடன் 350 ரூபாவிற்கு உரத்தினை வழங்கி வருகின்றது. மேலும் விவசாயத்திற்கு தேவையான உபகரணங்களை கொள்வனவு செய்வதற்காக இலகு கடன் வசதி மற்றும் நீர் இறைக்கும் இயந்திரங்களையும் சலுகை அடிப்படையில் வழங்கியுள்ளோம்.

இம்மாதம் ஜூன் 5ம் திகதி முதல் மரக்கறி உற்பத்தியாளர்களுக்கும் உரமானியம் வழங்கும் திட்டத்தை அமுல்படுத்தியுள் ளோம். வடமாகாணம் விவசாய செய்கை யில் ஏனைய பிரதேசங்களை விட முன் னணியில் இருப்பதன் காரணமாகவே 15 கமநல சேவைகள் மத்திய நிலையங்கள் காணப்படுகின்றன.

அத்துடன் இப்பிரதேசத் தில் விவசாயச் செய்கையில் மிகவும் பரந்த ளவில் மேற்கொள்ளும் சிறிய வெங்காயம், செத்தல் மிளகாய் மற்றும் உருளைக்கிழங்கு போன்றன இப்பிரதேசத்தில் உற்பத்தி செய்யப்படும் போது வெளிநாடுகளுக்கு நாம் கொடுக்கும் பாரிய நிதி தடுக்கப் படுகின்றது. இதன் மூலம் உள்நாட்டு உற்பத்தியாளர்கள் தமது பொருட்களை சந்தைப்படுத்த முடியும்.

வடக்கின் வசந்தம் வேலைத்திட்டத்தின் கீழ் இப்பிரதேச மக்களுக்கு தேவையான சகல உதவிகளையும் பெற்றுக்கொடுக்க வுள்ளோம். ஏனைய மாவட்டங்களுக்கு வழங்கப்படும் சலுகைகளைப் போலவே இம் மாகாணத்தில் உள்ள மக்களுக்கு விவசாய உற்பத்திக்கு தேவையான உற்பத்தி பொருட்களையும், நீர் இறைக்கும் இயந்திரம், உரங்கள் என்பனவும் வழங்கப்படும்.

தேவையேற்படின் இப்பிரதேச விவ சாயிகளுக்கு உரமானியம் வழங்குவதற்கும் அமைச்சு சகல நடவடிக்கைகளை யுமெடுக்குமென அமைச்சர் தெரிவித்தார்.

யாழ்ப்பாணத்தில் உள்ள விவசாயிகள் தமது இரண்டு போகங்களையும் சரியான முறையில் பயன்படுத்திக் கொண்டால் விவசாயத்தில் முழு நாட்டுக்கும் தேவை யான விவசாயப் பொருட்களை விநியோ கிக்க முடியும் எனவும் அமைச்சர் பசில் ராஜபக்ஷ மேலும் தெரிவித்தார்.

இந்நிகழ்வில் கமநல சேவைகள் அமைச்சர் எஸ்.எம். சந்திரசேன, அனர்த்த நிவாரண சேவைகள் பிரதி அமைச்சர் துலிப் விஜயசேகர மற்றும் வடமாகாண ஆளுநர் ஜி.ஏ. சந்திரசிறி உட்பட மேலும் பலர் கலந்து கொண்டனர்.