துருக்கி விமானம் சுடப்பட்டதற்கு சிரிய ஜனாதிபதி அஸாத் மன்னிப்பு

துருக்கி யுத்த விமானம் சுட்டு வீழ்த்தப்பட்டதற்கு சிரிய ஜனாதிபதி மன்னிப்புக் கேட்டுள்ளார். “சிரிய எல்லைக்குள் புகுந்த துருக்கி ஜெட் விமானம் சுட்டு வீழ்த்தப்பட்டதற்கு நான் 100 வீதம் மன்னிப்புக் கேட்டுக் கொள்கிறேன்” என்று அஸாத் குறிப் பிட்டுள்ளார். துருக்கியில் இருந்து வெளியாகும் ‘கியும் ஹரியட்’ பத்திரிகைக்கு அளித்த பேட்டியிலேயே அஸாத் இவ்வாறு குறிப்பிட்டுள்ளார். கடந்த மாதம் சிரியாவால் சுட்டு வீழ்த்தப்பட்ட துருக்கி யுத்த விமானம் மெடிடேரியன் கடலில் விழுந்தது. அதில் சென்ற இரு விமான ஓட்டுனரும் இதுவரை கண்டிபிடிக்கப்படவில்லை. தமது வானெல்லைக்குள் ஊடுருவிய விமானமே சுட்டுவீழ்த்தப்பட்டதாக சிரியா கூறியதோடு சர்வதேச வானெல்லை யில் சுட்டுவிழ்த்தப்பட்டதாக துருக்கி தரப்பில் கூறப்பட்டது. இந்த சம்பவத்தை தொடர்ந்து இரு நாடுகளுக்கும் இடை யிலான பதற்றம் அதிகரித்துள்ளது. சிரியா தமக்கு அச்சுறுத்தலாக இருப்பதாக துருக்கி பிரதமர் ரிசப் தய்யிப் எர்டொகன் குறிப்பிட்டுள்ளார். இந்நிலையில் துருக்கி தனது சிரியாவை ஒட்டிய எல்லையில் இராணுவத்தை உஷார்படுத்தியுள்ளதோடு எறிகணைகள் மற்றும் விமான எதிர்ப்பு ஆயுதங்களை அனுப்பியுள்ளது. தவிர எப். 16 ரக யுத்த விமானத்தையும் துருக்கி தனது எல்லைக்கு அனுப்பியுள்ளது. இந்நிலையிலேயே சிரிய ஜனாதிபதி இந்த சம்பவத்திற்கு மன்னிப்புக் கேட் டுள்ளார். “இரு நாடுகளுக்கும் இடை யிலான யுத்தம் மூளுவதை நான் அனுமதிக்கமாட்டேன்.

அது இரு நாடுகளுக்கு பாதிப்பை செலுத்தும். நடந்த சம்பவம் விமான ஓட்டுநரின் தவறால் ஏற்பட்டது. இது ஒரு தனிப்பட்ட சம்பவம் என்றே நாம் கருதுகிறோம். இதனை மிகைப் படுத்தக்கூடாது” என்று அஸாத் தனது பேட்டியில் குறிப்பிட்டார். இதில் இஸ்ரேல் பயன்படுத்திய வான் பகுதியையே சுட்டு வீழ்த்தப்பட்ட துருக்கி விமானமும் பயன்படுத்தியதால் அது இஸ்ரேல் விமானம் என்று தாம் நம்பியதாகவும் ஜனாதிபதி பஷர் அல் அஸாத் குறிப்பிட்டார். கடந்த 2007 ஆம் ஆண்டு இஸ்ரேல் வடகிழக்கு சிரியா மீது வான் தாக்குதல் நடத்த இந்த வான் பாதையைப் பயன்படுத் தியமை குறிப்பிடத்தக்கது. எனினும் சுட்டுவீழ்த்தப்பட்ட விமானம் இஸ்ரேலுடையதாக இருந்தால் தாம் மகிழ்ச்சியடைந்திருப்பேன் என்று பஷர் அல் அஸாத் குறிப்பிட்டுள்ளார்.

நவநீதன் பிள்ளை கோரிக்கை

சிரியா பிரச்சினைக்கு இராணுவம் தீர்வாகாது. இந்த விவகாரத்தினை சர்வதேச குற்றவியல் நீதிமன்றத்தின் பரிசீலனைக்குக் கொண்டு செல்ல வேண்டும் என ஐ. நா. மனித உரிமை ஆணையாளர் நவநீதன் பிள்ளை கூறினார்.

இது தொடர்பாக அவர் கூறியதாவது, சிரியாவின் உள்நாட்டு போர் பெரும் தலைவலியாக உள்ளது. பிரச்சினையை முடிவுக்கு கொண்டுவர சர்வதேச குற்ற வியல் நீதிமன்றம் பரிசீலனைக்கு கொண்டு சென்று தீர்வுகாண வேண்டுமே தவிர, இராணுவ பலத்தால் அல்ல.

மேலும் சிரியா கிளர்ச்சியாளர்களுக்கு சவூதி அரேபியா, கட்டார் ஆகிய நாடு கள் அயுத உதவி செய்து வருகின்றன. கிளர்ச்சிப்படையினர் பொது மக்களையும், குழந்தைகளையும் மனித கேடயமாக பயன்படுத்தி வருகின்றனர்.

எனவே, அரசுப்படைகள் தாக்குதலில் அப்பாவி மக்கள் தான் பலியாகி வருகின்றனர்.

இதனை தடுத்து மனித உரிமை நிலைநாட்டப்பட வேண்டும் என்றார்.

27 துன்புறுத்தல் மையங்கள்

சிரியாவில் நாடு தழுவிய ரீதியில் அந்நாட்டு உளவுப் பிரிவால் துன்புறுத்தல் மையங்கள் செயற்படுவதாக மனித உரிமை கண்காணிப்பகம் குறிப் பிட்டுள்ளது.

ஜனாதிபதி பஷர் அல் அஸாத்திற்கு எதிரான மக்கள் போராட்டம் ஆரம்பிக் கப்பட்டதன் பின்னர் அங்கு 27 துன் புறுத்தல் மையங்கள் செயற்பட்டு வருவதாக நியூயோர்க்கை மையமாக கொண்டு இயங்கும் மனித உரிமை கண்காணிப்பகம் நேற்று வெளியிட்ட அறிக்கையில் கூறியுள்ளது.

சிரியாவின் 200க்கும் மேற்பட்டோரிடம் விசாரணை நடத்தியதன் பின்னரே மனித உரிமை அமைப்பு இந்த அறிக் கையை வெளியிட்டுள்ளது. இதில் துன்புறுத்தலுக்கு உட்படுத்தப்பட்ட 31 வயது நபர் ஒருவர் கூறும்போது,

“அவர்கள் என் விரல்களை குறடு மூலம் அழுத்த ஆரம்பித்தார்கள். பின்னர் என் விரல்கள், மார்பு மற்றும் காதுகளில் கொக்கிகளை பொருந்தினார்கள். நான் கதைத்தாலே இவைகளை எடுப்பதாக கூறினார்கள்.

அவர்கள் கார் பெட்டரிகளில் பொருத்தப்பட்ட இரு வயர்களை மின்சார அதிர்ச்சி அளிப்பதற்கு பயன் படுத்துகிறார்கள். எனது மர்ம உறுப்பிற்கு மின்சார அதிர்ச்சி அளித்தார்கள். இவ் வாறாக தொடர்ந்து மூன்று நாட்கள் துன்புறுத்தினார்கள். எனது குடும்பத்தை மீண்டும் பார்ப்பேன் என்று நினைக்க வில்லை” என்று அந்த நபர் குறிப் பிட்டுள்ளார்.

இராணுவத்திலிருந்து வெளியேற்றம்

மறுபுறத்தில் சிரிய இராணு வத்திலிருந்து வெளியேறிய மேலும் ஒரு ஜெனரல் மற்றும் 84 வீரர்கள் துருக்கியை சென்றடைந்துள்ளனர்.

இதன்மூலம் சிரிய இராணுவத்தின் முன்னணி அதிகாரிகளான 14 ஜெனரல்கள் துருக்கியில் தஞ்சம் புகுந்துள்ளனர்.

தெற்கு சிரியாவில் இருந்து துருக்கியின் ரியன்லிக்கு மேற்படி 85 சிரிய இராணுவத்தினரும் சென்றடைந் துள்ளதாக துருக்கி செய்திகள் குறிப் பிடுகின்றன. இந்த குழுவில் சிறுவர்கள், பெண்கள் என மேலும் 293 பேர் இருந்துள்ளனர்.

ஏற்கனவே துருக்கியில் சிரியாவின் 35,000 க்கும் மேற்பட்ட அகதிகள் தஞ்சம் புகுந்துள்ளமை குறிப்பிடத்தக்கது.