'தமிழ் மொழியிலிருந்து முதன்முறையாக நாவலொன்று பிரெஞ்சு மொழிக்கு வந்திருப்பது மகிழ்ச்சியளிக்கிறது.

பாரிஸ் 'இலக்கிய மாலை' நிகழ்வில் கு. சின்னப்ப பாரதியின் நாவலுக்குப் பிரெஞ்சுக் கம்யூனிஸ்ட் கட்சிப் பிரமுகர் பாராட்டு..!

'உலக நாடுகளின் கலை இலக்கியங்களை வரவேற்கும் பண்பு பாரிஸ் மாநகருக்கு உண்டு. இந்தப் பண்பாடு நீண்ட காலமாகவே எம்மிடம் இருக்கிறது. எங்கள் நன்மைக்காகவே அந்த வரவேற்பை நாம் அளிக்கின்றோம். அந்த வகையில் தமிழ் மொழியிலிருந்து முதன்முறையாக ஒரு நாவல் பிரெஞ்சு மொழிக்கு வந்திருப்பதை நாம் பெருமையுடன் வரவேற்கிறோம். பாராட்டுகிறோம்.. இந்நாவல் மொழிபெயர்ப்பு அர்த்தமுள்ளது. காத்திரமானது. இந்திய மக்களுடன் எங்கள் அரசியல் தொடர்புகள் ஆழமானது. இந்நாவல் தமிழக மலைவாழ் மக்களின் அவல வாழ்வையும், அதிகார வர்க்கத்தின் அடக்குமுறைகளையும், அதற்கெதிரான போராட்ட வழிமுறைகளையும், அந்த மக்களின் எதிர்கால வாழ்வுக்கான நம்பிக்கையையும் - வழியையும் அழகுறச் சுட்டிக்காட்டுகிறது. இதன் ஆசிரியர் கு. சின்னப்ப பாரதியின் நீண்டகால மக்கள் பணியின் அனுபவங்களை நூலை வாசித்து முடிந்ததும் எம்மால் புரிந்துகொள்ள முடிகிறது. அவரது மக்கள் பணிக்கும், இலக்கியச் சாதனைக்கும் எமது பாராட்டுக்களையும், வாழ்த்துக்களையும் தோழமையுடன் தெரிவித்துக்கொள்கிறேன்.'

இவ்வாறு பாரிஸ் மார்க்ஸ் டோர்முவா தேவாலாயக் கலையரங்கத்தில் கடந்த ஞாயிறு (15 - 07 - 2012) மாலை நடைபெற்ற 'இலக்கிய மாலை' நிகழ்வில் கலந்துகொண்டு, இந்திய பிரபல நாவலாசிரியரிகளில் ஒருவரான கு. சின்னப்ப பாரதியின் 'சங்கம்' நாவலின் பிரெஞ்சு மொழிபெயர்ப்பான 'டுந சுéஎநடை' நாவலை வெளியிட்டுவைத்து உரையாற்றிய பிரெஞ்சுக் கம்யூனிஸ்ட் கட்சியின் சர்வதேசப் பிரிவைச் சேர்ந்த தோழர் பியர் மார்சி (Pநைசசந ஆயசஉநை) குறிப்பிட்டார்.

பாரிஸ் முன்னோடிகள் கலை இலக்கிய வட்டம், பாரிஸ் கலை இலக்கிய நண்பர்கள் வட்டம் ஆகியன ஒழுங்குசெய்த இந்த இலக்கிய மாலை நிகழ்வுக்குத் தலைமை வகித்து உரையாற்றிய மூத்த எழுத்தாளர் வி. ரி. இளங்கோவன் குறிப்பிட்டதாவது: 'தமிழ்மொழியிலிருந்து முதன்முறையாக பிரெஞ்சு மொழிக்கு வந்துள்ள, பிரபல நாவலாசிரியர் கு. சின்னப்ப பாரதியின் ''டுந சுéஎநடை' நாவலை இங்கு மக்களுக்கு, குறிப்பாக பிரெஞ்சு இலக்கியம் கற்கும் எம் மாணவர்களுக்கு அறிமுகப்படுத்துவதில் பெருமையடைகிறோம். இந்திய மொழிகள் பலவற்றில் கு. சின்னப்ப பாரதியின் நாவல்கள் வெளிவந்துள்ளதுடன் சிங்களம், ஆங்கிலம் ஆகிய மொழிகளிலும் வெளிவந்துள்ளன. அத்தகைய பெருமைக்குரிய தமிழ் எழுத்தாளர் கு. சின்னப்ப பாரதி இந்திய மக்களின் பாராட்டுக்குமட்டுமல்ல, இன்று உலக மக்கள் மத்தியிலும் தனது இலக்கியப் பணியின் மூலம் பெருமைபெற்றுள்ளார்' என்றார்.

இலங்கை 'தினக்குரல்' பத்திரிகைப் பிரதம ஆசிரியர் வீ. தனபாலசிங்கத்தின் 'ஊருக்கு நல்லது சொல்வேன்' நூல் குறித்து ஊடகவியலாளர் என். துரைசிங்கமும், நந்தினி சேவியரின் சிறுகதைத் தொகுப்பான 'நெல்லிமரப் பள்ளிக் கூடம்' என்ற நூல் குறித்து எழுத்தாளர் சு. கருணாநிதியும், தமிழகக் கவிஞர் இந்திரனின் 'தோட்டத்து மேசையில் பறவைகள்' நூல் குறித்து எழுத்தாளர் அரவிந் அப்பாத்துரையும், கு. சின்னப்ப பாரதியின் டுந சுéஎநடை' நாவல் குறித்துத் தமிழில் கவிஞர் எஸ். வாசுதேவனும் உரையாற்றினர்.

ஊடகவியலாளர் ப. லோகதாஸ், கலைஞர் காவலர் வண்ணை தெய்வம் ஆகியோரும் உரையாற்றினர். மூத்த எழுத்தாளரும் மருத்துவருமான வி. ரி. இளங்கோவனது 'தமிழர் மருத்துவம் அழிந்துவிடுமா?' என்ற நூலைத்; தமிழகக் கவிஞர் இந்திரன் வெளியிட்டு வைத்தார். அதன் முதற்பிரதியை நற்பணிகளுக்கு முன்னின்று உதவும் பிரபல வர்த்தகர் எஸ். பாஸ்கரன் பெற்றுக்கொண்டார்.

இந்திய சாகித்திய அக்கடமி விருதுபெற்ற மொழிபெயர்ப்பாளர், கலை விமர்சகர், கவிஞர் இந்திரன் இந்நிகழ்வில் சிறப்புரையாற்றினார். அவரது கலை இலக்கியப் பணிகளைப் பாராட்டி நினைவுப் பரிசுகள் வழங்கப்பட்டு கௌரவிக்கப்பட்டார்.

நல்ல நூல்களை அறிமுகப்படுத்தி இலக்கிய வாசகர்களை மேம்படுத்தும் நோக்கமாக 'இலக்கிய மாலை' நிகழ்வுகள் தொடர்ந்து பாரிஸ் மாநகரில் நடாத்தப்படம் என்ற தகவலையும் தலைவர் வி; ரி. இளங்கோவன் தெரிவித்தார்.

பாரிஸ் மாநகரில் தமிழக ஓவியர்களின் ஓவியக் கண்காட்சி

கவிஞர் இந்திரன், ஓவியர் கார்த்திகேயன் ஆகியோரால் தமிழகத்திலிருந்து கொண்டுவரப்பட்ட 20 பிரபல ஓவியர்களின் ஓவியங்கள், பாரிஸ் மாநகரில் பிரபல ஓவியக் கண்காட்சி மண்டபத்தில் இரண்டு வாரங்கள் காட்சிக்கு வைக்கப்பட்டன. தமிழக ஓவியர்களின் இந்த ஓவியங்களை தினமும் பெருந்தொகையான பிரெஞ்சு மக்கள் கண்டுகளித்தனர் என்பது குறிப்பிடத்தக்கது.