பிரான்ஸ் தலைநகர் பரீசில் 23வது தியாகிகள் தின நிகழ்வு

பத்மநாபா ஈழமக்கள் புரட்சிகர விடுதலை முன்னணியின் பிரான்ஸ் கிளை 23வது தியாகிகள் தின நிகழ்வை  கடந்த ஞயிறு 30 யூன் 2013 அன்று பரீசில் அனுஸ்டித்தது.  உன்னத இலட்சியங்களுக்காக மரணித்த தோழர்கள் போராளிகள் பொதுமக்கள் அனைவரையும் நினைவுகூர்ந்து தோழர் கிருபன் தீபம் ஏற்ற  தோழர்கள்,  நண்பர்கள், ஆதரவாளர்கள் அனைவரும் எழுந்து நின்று மெளனஅஞ்சலி செலுத்தி நிகழ்வை ஆரம்பித்துவைத்தனர்.
 ஈ.பி.ஆர்.எல்.எவ். ஆரம்பகால செயல்பாட்டாளரும் முகம் திரைப்பட இயக்குனரும் இடதுசாரி சிந்தனையாளருமான தோழர் அருந்ததி நிகழ்ச்சிக்கு தலைமை ஏற்று  நிகழ்சிகளை நெறிப்படுத்தினார். தோழர் அருந்ததி தனது உரையில் 1990 வரை இலங்கையில் நடந்தது விடுதலைபோரட்டமல்ல அது இடதுசாரி சிந்தனை யாளர்களையும், புத்திஜீவிகளையும், எதிர்கருத்து கொண்டவர்களையும் அழித்து சர்வாதிகாரத்தை நிலைநாட்டுதலே.  இதில் பலியான  தோழர் பத்மநாபா போன்ற ஆளுமை மிக்க தலைவர்களின்  இழப்புக்களால் இரண்டு சகாப்த காலங்களாக தமிழ்சமூகம் அரசியல் தலைமை பண்பற்ற தலைவர்களின் வழிநடத்துதலினால் முள்ளிவாய்க்கல் வரை சென்று பாரியஇழப்புகளுக்கு மத்தியில்  இன்று தம் தலைவிதியை நினைத்து தாமே நொந்துகொள்ளும் நிலைக்கு தள்ளப்பட்டுள்ளது என குறிப்பிட்டார்.

தோழர் மோகன் தனது உரையில் பத்மநாபா ஈபிஆர்எல்எவ் ஆகிய எம்மை ரிஎன்ஏ உள்வாங்கிகிறதா, அல்லது நாம் தலைமைபொறுப்பை எடுத்துக்கொள்கிறோமா, அல்லது எமது வாழ்க்கைகாலத்தில் நாம் அதிகாரத்தை கைப்பற்றுவதா என்பதல்ல எமது கேள்வி எமது சமுதாயம் ஓர் அழிவில் இருந்து மீண்டிருக்கிறது, இவ் சமூகம் மீண்டும் ஒரு அழிவுப்பாதையில் போகாமல் தமக்கான அரசியல்  உரிமைகளை வென்றெடுக்க சரியான அரசியல் சக்திகளை இனம்காணவைப்பதும், பிழையான அரசியல் சக்திகளை அம்பலப்படுத்துவதுவுமே எமது நொக்கம் என குறிப்பிட்டார்.
தோழர் கொட்வினின் உரையில் இந்தியாவில் EPIC காரியாலையத்தில் செயல்பட்ட நாட்களில் தோழர் பத்மநாபாவோடு பழகிய நாட்கனையும் அரசியல் அனுபவங்களையும் பகிர்ந்து கொண்டார்.
ஈ.பி.ஆர்.எல்.எவ். ஆரம்பகால செயல்பாட்டாளர்களில் ஒருவரான  தோழர் பாலகிருஸ்ணன் தனது உரையில் பல்லின மக்களை கொண்ட பர்மாவில் நடந்த புரட்சியை முன்னுதாரணமாக கொண்டு நாமும் பகைமுரண்பாடுகளை களைந்து ஒன்றுபட்டு தமிழ்பேசும் மக்களின் உரிமைகளை வென்றடுக்க ஒற்றுமைப்படவேண்டும் எனகுறிப்பிட்டார்.
ஈரொஸ் அமைப்பின் ஆரம்பகால உறிப்பினர்களில் ஒருவரும் தோழர் பத்மநாபாவோடு நெருங்கிபழகியவருமான தோழர் அந்தோனிப்பிள்ளை குறிப்பிடும்போது பத்மநாபா மற்றும் தோழர்கள் ஈரோசில் இருந்து பிரிந்து போகாமல் இருக்க தான் பெரிதும் முயற்சி எடுத்தாகவும்  பிரிவென்பது நடக்காமல் இருந்திருந்தால் சிலசமயம் போராட்டம் சரியான திசைவழி சென்றிருக்கலாம் காரணம் பிரிதலுக்கு அடிப்படைபான காரணம் கொள்கைமுரண்பாடாக இருக்கவில்லை என குறிப்பிட்டார்.
அடுத்து பேசிய தோழர் மனோ ஆரம்பகாலங்களில் ஈபிஆர்எல்எவ் பிரான்ஸகிளையில் செயலாற்றியவர், சமூக அக்கறையுடன் கலை இலக்கியங்களில் ஈடுபடுபவர் இவர் இன்று  போருக்குப்பின்னான மக்களின் வாழ்வியல் அவலங்கள் பற்றி குறிப்பிட்டதுடன்  இம்மக்களின் துன்பவாழ்க்கையை  போக்க நாம் அனைவரும் பங்களிக்க வேண்டும்  இவ் உதவிகள் ஒருங்கிணைக்கப்பட்டு ஒழுங்கமைக்கப்பட்ட செயல்பாடுகளாக உருவாக வேண்டும் என குறிப்பிட்டார்.
இறுதியாக சமூகசெயல்பாட்டாளரும் ஊடகவியளாருமான  தோழர்  உதயன் உரையாற்றினார். இவர் தனது உரையில் புகலிட இணையத்தளம் ஒன்றில் பத்மநாபா ஈபிஆர்எல்எவ் தொடர்பாக மிகவும் கீழ்தரமாக எழுதப்பட்டு பிரசுரிக்கப்பட்டிருக்கிறது. சமூக  பொறுப்பற்று பொய்யான தகவல்களை பிரசுரிக்கும் இவ் இணையத்தின் பொய்களை   பத்மநாபா ஈபிஆர்எல்எவ் அம்பலப்படுத்தவேண்டும் என கேட்டுக்கொண்டார்.
நிகழ்ச்சி முடிவில் பல்வேறு அரசியல் கருத்துக்களை கொண்ட அரசியல் செயல்பாட்டாளர்களும் பல்வேறு அரசியல் விடையங்கள் தொடர்பாக கருத்துக்களை பரிமாறினர்.
இவ் அஞசலி நிகழ்வினை அர்த்தமுடையதாக செயல்படுத்த உதவி புரிந்த தோழர்கள், நண்பர்கள், ஆதரவாளர்கள் அனைவருக்கும் பத்மநாபா ஈழமக்கள் புரட்சிகர விடுதலை முன்னணியின் பிரான்ஸ் கிளை நன்றிகளை தெரிவித்துக்கொள்கிறது.