வடக்கு தேர்தல் களம்

வடக்கு விடி வெள்ளியாக திகழப்போகும் முதலமைச்சர்; ஜனாதிபதியின் இணக்கத்துடன் நானே தீர்மானிப்பேன்!....

- டக்ளஸ் தேவானந்தா

வடக்கு மாகாண சபைத் தேர்தலில் தமிழ் பேசும் மக்கள் எமக்கே ஆணை வழங்குவார்கள். அவ்வாறு ஆணை கிடைக்கும் போது தமிழ் பேசும் மக்களின் வடக்கு தேசத்தின் விடி வெள்ளியாக திகழப்போகும் முதலமைச்சர் யார் என்பதை எமது மக்களின் விருப்பங்களை ஏற்று நானே தீர்மானிப்பேன் என்று ஈழ மக்கள் ஜனநாயகக் கட்சியின் செயலாளர் நாயகமும் அமைச்சருமான டக்ளஸ் தேவானந்தா தெரிவித்துள்ளார்.

எமது மக்கள் முழுமையாக நிமிர்ந்தெழும் காலம் நெடுந்தூரமில்லை. அதற்கான எமது இலட்சியக் கனவுகள் நிறைவேறும் பொற்காலம் கனிந்து வந்து கொண்டிருக்கிறது. எமது மக்கள் தமது சொந்த மண்ணில் சுதந்திர பிரiஜகளாக, சகல உரிமைகளும் பெற்று முகமுயர்த்தி வாழும் காலச்சு+ழலே நாம் விரும்பும் இலட்சியக் கனவாகும்.

தமிழ் பேசும் மக்கள் தோற்றுப்போன சமூகம் அல்ல. இதை மெய்ப்பித்து, அடைய வேண்டிய எமது அரசியல் இலக்கின் வெற்றியைக் கொண்டாடி மகிழ, நாம் ஏந்த வேண்டியது அனுபவத்துடன் கூடிய அறிவாயுதம் மட்டுமே. நாம் செல்ல வேண்டியிருப்பது மதிநுட்பம் நிறைந்த, நடைமுறைசாத்தியமான வழி முறை நோக்கியே.

எமது மக்களின் உரிமைப் போராட்டத்தில் பங்கேற்ற தியாக வரலாற்று பாரம்பரியத்தைக் கொண்ட நாம் இன்னமும் எடுக்கவேண்டிய உரிமைகளுக்காக குரல் கொடுத்தும், உழைத்தும் வருபவர்கள் என்பதை எமது மக்கள் நன்கு அறிவார்கள்.

நடை முறை சாத்திய யதார்த்த வழி நின்று யாருடன் பேசி நாம் உரிமைகளைப் பெற முடியுமோ, அதே அரசோடு தொடர்ந்தும் நாம் உறவுக்குக் கரம் கொடுத்து வருபவர்கள்.

எமது மக்களின் உரிமைக்காக நாம் சுமந்திருக்கும் எமது உறுதி மிக்க உணர்வுகளும், அரசாங்கத்துடன் உறவைக் கொண்டிருக்கும் எமது வலிய கரங்களும் ஒன்றிணைந்தே இதுவரை எமது மக்களின் ஒளிமயமான வாழ்க்கைக்காக திடம் கொண்டு உழைக்க முடிந்திருக்கிறது.

உரிமை என்பது வெறுமனே பேசிக்கொண்டிருப்பதற்கான பொழுது போக்கு விடயமல்ல. அது அடைந்தே தீர வேண்டிய எமது மக்களின் மாபெரும் சொத்து.

வெற்று, வீரப் பேச்சுக்களால் எதையும் பெற்று விட முடியாது. அர்த்தமற்ற எதிர்ப்புக் கோசங்களால் எமது மக்கள் ஒருபோதும் நிமிர்ந்தெழவும் முடியாது. இதுவே யதார்த்தமாகும். ஆகவே, இதுவரை தவறான அரசியல் தலைமைகளை தேர்ந்தெடுத்ததால் தோற்றுப்போன வழிமுறைகளை படிப்பினையாகக் கொண்டு வடக்கு மாகாண சபைத் தேர்தலில் சரியானவர்களைத் தெரிவு செய்யுங்கள்.

எமது மக்களின் துன்ப, துயரங்களில் பங்கெடுத்து வருபவர்களாகிய நாம் நிறுத்தியிருக்கும் வேட்பாளர்களை வெல்ல வைப்பதன் மூலமே எமது மக்களுக்கான இலட்சியக் கனவுகள் நிறைவேறும்.

மாவட்ட ஆட்சி போதுமென்றிருந்த தமிழரசு கட்சியினர் இன்று மாகாண சபை கேட்கின்றனர் - ரெமீடியஸ்

'மாவட்ட ஆட்சி போதுமென்றவர்கள் மாகாணசபை மட்டும் போதாது 13 பிளஸ் வேண்டும் என்கின்றார்கள்" 13 பிளஸில் என்ன இருக்கின்றது என்பது தெரியுமா? என கேள்வி எழுப்பியுள்ள தமிழ் தேசிய கூட்டமைப்பின் முன்னாள் மாநகரசபை உறுப்பினரும் சட்டத்தரணியுமான முடியப்பு ரெமீடியஸ் பகிரங்க விவாதத்திற்கு வருமாறும் அழைப்புவிடுத்துள்ளார்.

ஸ்ரீ லங்கா சுதந்திரக் கட்சியின் அலுவலகத்தில் நடைபெற்ற மாகாணசபை பிரசார கூட்டத்தில் கலந்து கொண்டு உரையாற்றும் போதே அவர் இவ்வாறு வலியுறுத்தினார். அவர் அங்கு மேலும் உரையாற்றுகையில், "காணி, பொலிஸ் அதிகாரம் பற்றி பேசிய தமிழ் தேசிய கூட்டமைப்பினர் இன்று காணி, பொலிஸ் அதிகாரம் இல்லை என்று கூறியது உண்மையா? காணி, பொலிஸ் அதிகாரம் நீக்கப்பட போவதாக கூறியது உண்மையா? எது உண்மை?" என அவர் கேள்வி எழுப்பினார்.

'தமிழ் தேசிய கூட்டமைப்பினர் பொய்யான பிரசாரங்களை செய்கின்றனர். தமிழ் தேசிய கூட்டமைப்பில் நான் ஆறு ஏழு மாதங்கள் ஒரு அங்கத்தவனாக இருந்தேன். தமிழ் தேசிய கூட்டமைப்பில் இருந்து மாநகர சபையில் பட்ட துன்பங்கள் ஏராளம். மக்களுக்கு எதிரான கருத்துக்களை முன்வைக்க வற்புறுத்தப்பட்டுள்ளேன்.

அபிவிருத்தி திட்டங்களிலோ, ஆதரவு வழங்கக்கூடாது. எதிர்க்கட்சியாக பணியாற்றுமாறும் கட்டாயப்படுத்தினார்கள். தமிழ் தேசிய கூட்டமைப்பினர் எந்தவித கொள்கை கோட்பாடும் அற்றவர்கள். எதிர்ப்பது மட்டுமே அவர்களது வாழ்க்கையாக இருக்கிறது என்றும் அவர் தெரிவித்தார்.

யாழ். மாநகரசபை, அரசாங்கத்தின் கட்சி என்ற வகையில் பல அபிவிருத்திகளை சந்தித்துள்ளது. மக்களுக்கு உரிமை வேண்டுமென்று கேட்கின்றார்கள். ஜனாதிபதி மஹிந்த ராஜபக்', மக்களுக்கு உரிமையை தருவதற்கு தயாராக இருக்கின்றார்.

அந்த உரிமை மக்களுக்கானது. தமிழ் தேசிய கூட்டமைப்புக்கானது அல்ல. சம்பந்தனுக்கோ, நாடாளுமன்ற உறுப்பினர் மாவை சேனாதிராஜhவுக்கோ அல்லது சுமந்திரனுக்கோ அல்ல. யாழ்.

மாவட்டத்தில் சுதந்திரமாக வாழும் மக்களுக்கே அந்த உரிமை தேவை, நாங்கள் நிரந்தரமாக வாழ்வதற்கு இடம்வேண்டும். சுதந்திரமாக வாழ வேண்டும். அதனை தீர்மானிக்க வேண்டியது மக்களாகிய நீங்களே" என்றார்.

மாவை இல்லாமை இறுக்கமான சூழலையே ஏற்படுத்தும் யாழ். மக்களின் விருப்பத்தை அலட்சியம் செய்த இரா. சம்பந்தன் - பரஞ்சோதி

கொழும்பில் உள்ள அரசியல் தலை மைகளின் அழுத்தம் காரணமா கவே இரா.சம்பந்தர் சீ. வி. விக் னேஸ்வரனை தெரிவுசெய்ததாக தமிழரசுக் கட்சி யின் மத்தியக்குழு உறுப்பினர்; பரஞ்சோதி குற்றம் சுமத்தி யுள்ளார்.

வடமாகாணத்தில் அதிகமான மாகாண சபை உறுப்பினர்களை கொண்ட யாழ் மாவட்ட மக்களின் விருப்பத்தை இரா.சம்பந்தர் நிராகரித்தமையானது தமக்கு ஏமாற்றம் அளித்துள்ளதாக தமிழரசுக் கட்சியின் மத்தியக்குழு உறுப்பினர் கவலை வெளியிட்டார்.

தமிழரசுக் கடசியின் யாழ் கிளை மற்றும் தொகுதி கிளையைச் சார்ந்த பலரும் தந்தி அவசரக்கடிதம், மின்னஞ்சல் மற்றும் தொலைபேசி வாயிலாகவும் விடுத்த வேண்டுகோளை தமிழரசுக் கட்சியின் தலைமை நிராகரித்ததால் கட்சியின் அடிமட்ட தொண்டர்கள் அடங்கலாக அனைவரும் விரக்திக்குள்ளாக்கப்பட்டுள்ளதாக பரம்சோதி சுட்டிக்காட்டினார்

இதனால் கட்சி உறுப்பினர்கள் மற்றும் கட்சியின் தொண்டர்கள் வாக்களிப்பதில் ஆர்வம் காட்டாத ஒரு சு+ழல் ஏற்பட்டுள்ளது போன்று தாம் உணர்வதாக தமிழரசுக் கட்சியின் மத்தியக்குழு உறுப்பினர் அச்சம் வெளியிட்டார்

கூட்டமைப்பு மேட்டுக்குடி அரசியலில் ஈடுபடுவதாக அதன் மீது வைக்கப்படும் விமர்சனத்தினை சீ.வி. விக்னேஸ்வரனை தமிழரசுக் கட்சியின் தலைவர் இரா.சம்பந்தர் தெரிவு செய்து அவ் விமர்சனத்தை உறுதிப்படுத்தியுள் ளதாக தமது ஆதங்கத்தையும் அவர் வெளியிட தவறவில்லை.

இலகுவில் யாரும் அணுகமுடியாதவரும் அரசியல் அனுபவமுமற்ற விக்னேஸ்வரனை முதலமைச்சர் வேட்பாளராக தெரிவு செய்ததினால் தமிழ் மக்கள் தமது அரசியல் நோக்கங்களை எட்டுவதில் பின்னடைவு ஏற்படுமென அவர் எதிர்வு கூறினார்

வடமாகாணசபையில் கூட்டமைப்பு களம் இறங்க இரண்டு காரணங்கள் என தெரிவித்த அவர் ஒன்று வடமாகாண அபிவிருத்தியை மையமாக கொண்டது மற்றையது தமிழ் மக்களின் அரசியல் எதிர்பார்ப்புகளை நிறைவேற்றுவது என்றும், இவ்வாறான ஒரு சு+ழவில் சாதாரண மக்களும் இலகுவில் அணுக கூடியவரும் தென்னிலங்கை அரசியல் தலைமைகளுக்கு சவாலாக விளங்க கூடியவருமான மாவை சேனாதிராசா இல்லாமையானது இறுக்கமான ஒரு சு+ழலையே உருவாக்கும் எனத் தெரிவித்தார்.