உயிர்ப்பல்வகைமைக்கு ஆபத்து விளைவிக்கும் பார்த்தீனியம்

வடமாகாண விவசாய அமை ச்சினால் இரண்டு வாரங் களில் சுமார் 37,000 கிலோ பார்த்தீனியம் களை அழிக்கப்பட் டுள்ளதாக வடமாகாண விவசாய அமைச்சு ஊடகங்களுக்கு அனுப்பிய செய்திக்குறிப்பில் தெரிவிக்கப்பட்டுள்ளது. பார்த்தீனியம் ஒழிப்பு நடவடிக்கை களில் ஒன்றாகப் பொதுமக்களிடம் இருந்து பார்த்தீனியத்தை ஒரு கிலோவுக்குப் 10 ரூபா கொடுத்துக் கொள்வனவு செய்து அழிக்கும் திட்டமொன்றை யாழ். மாவட்டத்தில் வடமாகாண விவசாய அமைச்சு முன்னெடுத்து வருகிறது. திட்டம் ஆரம்பித்து இரண்டு வார ங்கள் முடிந்த நிலையில், இதுவரையில் 37,700 கிலோ பார்த்தீனியம் கொள்வ னவு செய்து அழிக்கப்பட்டிருப்பதாக விவசாய அமைச்சு தெரிவித்துள்ளது.

விவசாயத்துக்கும், மனிதர்களுக்கும், கால்நடைகளுக்கும், உள்ளூர்த் தாவ ரங்களுக்கும் பெருங்கேடு விளைவிக் கும் அந்நிய ஊடுருவல் இனமான பார்த்தினியம் எமது சூழலில் வேகமாகப் பரவிவருகிறது. பார்த்தீனியத்தை ஒழிப்பதற்குக் கடந்த காலங்களில் பல்வேறு தரப்பினராலும் முயற்சிகள் மேற் கொள்ளப்பட்டபோதும் அந்நடவடிக் கைகளில் தொடர்ச்சியான கண்காணிப்பு இல்லாத காரணத்தால் பார்த்தீனியத் தின் பெருக்கத்தைக் கட்டுப்படுத்த முடியவில்லை.

இந்நிலையிலேயே, வடக்கு மாகாண சபையின் விவசாய, கமநல சேவைகள், கால்நடை அபிவிருத்தி, நீர்ப்பாசனம் மற்றும் சுற்றாடல் அமைச்சு பார் தீனியத்தை முற்றாக இல்லாது ஒழிக்கும் நோக்கில் பல தொடர் நட வடிக்கைகளை மேற்கொண்டு வருகிறது. இதன் ஒருகட்டமாக பார்த்தீனியத் தைப் பொதுமக்களிடம் இருந்து கிலோ வுக்கு 10ரூபா கொடுத்துக் கொள்வனவு செய்து, பார்த்தீனியம் முளைப்பதற்குச் சாதகமான சூழல் இல்லாததும் மக்கள் குடியிருப்புகள் இல்லாததுமான இடங்களைத் தெரிவு செய்து அப் பகுதிகளில் எரியூட்டிவருகிறது.

இத்திட்டம் ஆரம்பித்து முதல் வாரத்தில் 9,230 கிலோவும், இரண்டாவது வாரத்தில் 27,470 கிலோவுமாக இதுவரையில் 37,700 கிலோ பார்த்தீனியம் கொள்வனவு செய்யப்பட்டுள்ளது. இதன் முதற்கட்ட நடவடிக்கையில் ஈடுபட்டவர்களுக்கான கொடுப்பனவு ஏற்கனவே வழங்கப்பட்டுவிட்ட நிலையில், இரண்டாவது வாரம் பார்த்தீனியத்தை ஒப்படைத்த வர்களுக்கான பணக்கொடுப்பனவு கடந்த புதன்கிழமை (02.07.2014) சிறு ப்பிட்டி மேற்கு ஜனசக்தி பொதுநோக்கு மண்டபத்தில் நடைபெற்றது.

பார்த்தீனியத்தின் கொடுங்குணங்கள் காரணமாக பார்த்தீனியத்தை அழிக் காதவர்களின் மீது கடும் நடவடிக்கை எடுக்கும் விதத்திலான சட்டமொன்றை அரசாங்கம் இயற்றியுள்ளது.

1999ஆம் ஆண்டின் 35 ஆம் இலக்கத் தாவரப்பாதுகாப்புச் சட்டத்தின்படி பார்த்தீனியம் விளை நிலங்களில் அல்லது வீட்டு வளவுகளில் காணப் படின் அதனை அழிப்பது உரிமையா ளர்களின் கடமையாகும். அழிக்கத் தவறுபவர்களுக்கு ஆறு மாதங்கள் வரை சிறைவாசம் விதிக்கவும் ஒரு இலட்சம் ரூபா தண்டப்பணம் அறவிடவும் முடியும். பார்த்தீனியம் ஒழிப்புச் சட்டம் 2015ஆம் ஆண்டு ஜனவரி முதலாம் திகதியில் இருந்து வடக்கு மாகாணத்தில் இறுக்கமாகக் கடைப்பிடிக்கப்படவுள்ளது.

இதனைக் கருத்தில்கொண்டு வடக்கு மாகாண விவசாய அமைச்சு முன் னெடுக்கும் பார்த்தீனியம் ஒழிப்புத் திட்டங்களில் பொதுமக்களை இணைந்து கொள்ளுமாறு வேண்டுகிறோம். பார்த்தீனியத்தைக் கொள்வனவு செய்யும் திட்டம் ஜுலை மாதம் 20 ஆம் திகதவரை நீடிக்கப்பட்டுள்ளது. பார்த்தீனியம் ஒழிப்பில் ஈடுபடும் பொதுமக்கள் இக்காலப்பகுதியில் சனி, ஞாயிறு தவிர்ந்த வார நாட்களில் பிற்பகல் 3 மணி தொடக்கம் 6 மணிவரை பார்த்தீனியம் சேகரிப்பு மையங்களில் பார்த்தீனியத்தை ஒப்படைக்குமாறும், மேலதிக தகவல்கள் தேவைப்படின் விவசாயப் போதனாசிரி யர்களிடம் தொடர்பு கொள்ளுமாறும் கேட்டுக் கொள்கிறோம். இவ்வாறு வடமாகாண விவசாய அமைச்சு தெரிவித்துள்ளது.