விடுதலைப் புலிகள் இயக்கம் இரண்டாக பிரிந்தபோது கருணாவுடன் சேர்ந்து தமிழ் தேசிய கூட்டமைப்பின் மட்டக்களப்பு, அம்பாறை மாவட்ட நாடாளுமன்ற உறுப்பினர்கள் செயற்பட்டனர். தலைவர் பிரபாகரனுக்கு எதிராக பகிரங்க ஆர்ப்பாட்டம் நடத்தினர். இவர்கள் நடத்திய ஆர்ப்பாட்டத்தின் புகைப்படங்கள் அன்றைய வீரகேசரிப் பத்திரிகையில் முன்பக்கத்தில் பிரசுரிக்கப்பட்டன. இவர்களில் மிக முக்கியமான பேர்வழி அரியநேத்திரன்.
புலிகள் இயக்கம் அழிக்கப்பட்டதை வரவேற்று நாடாளுமன்றத்தில் உரையாற்றியவர் சம்பந்தன். இவருடன் சேர்ந்து ஸ்ரீலங்காவின் சுதந்திர தின விழா கொண்டாட்டத்தில் மனைவி சகிதம் கலந்து கொண்டவர் சுமந்திரன்.

04 ஆம் ஈழப் போர் இடம்பெற்றுக் கொண்டிருந்தபோது புலிகள் இயக்கத்தை காப்பாற்ற சர்வதேச சமூகம் மூலம் கிடைத்த வாய்ப்புக்களை தமிழ் தேசிய கூட்டமைப்பு வேண்டும் என்று தட்டிக் கழித்தது என்பதற்கு அப்பால் தலைவர் பிரபாகரனை காட்டிக் கொடுக்கின்ற சதியில் தமிழ் தேசிய கூட்டமைப்பு நாடாளுமன்ற உறுப்பினர் ஒருவரே முன்னின்று செயற்பட்டார். இவரே சந்திரநேரு சந்திரகாந்தன். இவரின் காட்டிக் கொடுப்பு நடவடிக்கையை தவிர்க்க முடியாமல் தமிழ் தேசிய கூட்டமைப்பே ஒப்புக் கொள்ள நேர்ந்து உள்ளது.
தமிழ் தேசிய கூட்டமைப்பில் தேர்தல் கேட்டு நாடாளுமன்றம் வந்த பொடியப்பு பியசேன என்பவரே கட்சியை கழற்றி விட்டு மஹிந்த ராஜபக்ஸ அரசாங்கத்தில் இணைந்தார்.
கஜேந்திரகுமார், கஜேந்திரன், பத்மினி சிதம்பரநாதன், தங்கேஸ்வரி … போன்றோர் தமிழ் தேசிய கூட்டமைப்பு தேர்தலில் சீட் தராத காரணத்தால்தான் பிரிந்து சென்றனர் என்பது எல்லோருக்கும் தெரிந்த இரகசியம்தான்.

சரத் பொன்சேகாவை எதிர்த்து மஹிந்த ராஜபக்ஸ தேர்தலில் நின்றபோது தமிழ் தேசிய கூட்டமைப்பில் இருந்து விலகிக் கொண்டு சுயேச்சையாக ஜனாதிபதித் தேர்தல் கேட்டவர் சிவாஜிலிங்கம். இவருக்கு வரங்களும், வரப் பிரசாதங்களும் கிடைக்கப் பெற்று இருந்தன.
மகளுக்கு வங்கியில் உத்தியோகம் பெறுகின்றமைக்காக டக்ளஸ் தேவானந்தாவின் ஈ. பி. டி. பியின் யாழ்ப்பாண அலுவலகத்தில் தவம் கிடந்தவர்தான் வட மாகாண சபையின் இன்றைய தவிசாளர் சி. வி. கே. சிவஞானம். நாடாளுமன்ற தேர்தலில் நிற்க வாய்ப்புத் தராத காரணத்தால் தமிழ் தேசிய கூட்டமைப்பின் குட்டுக்களை வெளிப்படுத்திக் கொண்டிருக்கின்றார் வட மாகாண சபை உறுப்பினர் அனந்தி சசிதரன்.

தனக்கெதிரான அனந்தி குற்றச்சாட்டுக்களை தெரிவிக்காமல் இருக்கவே சுரேஷ் அனந்தி எழிலனுக்கு தனது குழு சார்பில் பாராளுமன்ற தேர்தலில் பங்கு பற்றும் சீட்டுத் தர முன்வந்தார். கூடவே புலம் பெயர் புலிகளின் டாலர்களுக்காகவே அனந்திக்கு வாய்பு அளிக்க முன்வந்தார். சேனாதியின் எச்சரிக்கை 'உனக்கும் சீட்டுக் கிழித்து வடுவோம் என்ற மிரட்டல் தொங்கிக் கொண்டிருக்கும் தனது பாராளுமன்ற கதிரை ஆசையை நிராசை ஆக்கிவிடும் என்பதினால் இறுதியில் சுரேஷ் பின்வாங்கியதாக யாழ்பாணத்துச் செய்திகள் தெரிவிக்கின்றன.

அமைதி சமாதானம் ஜனநாயகம்

www.sooddram.com