இலங்கை மீது பொருளாதார தடை  தமிழக சட்டப்பேரவையில் தீர்மானம்

இலங்கை மீது இந்தியா பொருளாதார தடை விதிக்க வேண்டுமென்ற தமிழக அரசின் தீர்மானம் செவ்வாயன்று (ஜூன் 8) சட்டப்பேரவையில் ஒருமன தாக நிறைவேற்றப்பட்டது. “போர்க்குற்றங்களை நிகழ்த்தி யவர்களை போர்க்குற்றவாளிகள் என்று பிரகடனப்படுத்த வேண் டும்; இலங்கை முகாம்களில் உள்ள தமிழர்கள் அனைவரும் தங்களது சொந்த இடங்களுக்கு திரும்பிச் சென்று, சிங்களவர் களுக்கு இணையாக கண்ணிய மாக வாழ வகைச் செய்யும் வரை யில், அனைத்து குடியுரிமைகளை யும் தமிழர்கள் பெறும் வரையில் மத்திய அரசு மற்ற நாடுகளுடன் இணைந்து இலங்கை அரசின் மீது பொருளாதாரத் தடை விதிக்க வேண்டுமென்று தமிழ்நாடு சட்டமன்றப் பேரவை கோருகி றது” என்ற தீர்மானத்தை முதல மைச்சர் ஜெயலலிதா முன்மொழிந்தார்.

இந்த தீர்மானத்தை ஆதரித்து விஜயகாந்த் (தேமுதிக), துரைமுரு கன் (திமுக), அ.சவுந்தரராசன் (சிபிஎம்), நஞ்சப்பன் (சிபிஐ), என்.ஆர்.ரங்கராஜன் (காங்கிரஸ்), என்.கலையரசன் (பாமக), ஜவா ஹிருல்லா (மமக), டாக்டர் கிருஷ்ணசாமி (புதிய தமிழகம்), செ.கு.தமிழரசன் (இ.குடியரசு கட்சி) ஆகியோர் பேசினர்.

நிறைவாக முதலமைச்சர் ஜெயலலிதா பேசியது வருமாறு:

இலங்கையில் போர் நிறுத்தத் தை ஏற்படுத்த இலங்கை அரசை மத்திய அரசு நிர்ப்பந்திக்க வேண் டும் என மத்திய அரசில் அங்கம் வகிக்கும் தி.மு.க. வலியுறுத்த வேண்டும் என்றும்; இதற்கு காங் கிரஸ் தலைமையிலான மத்திய அரசு செவி சாய்க்கவில்லையெ னில், மத்திய அரசுக்கு அளித்து வரும் ஆதரவினை தி.மு.க. விலக் கிக் கொள்ள வேண்டும் என்றும் நான் பல முறை வற்புறுத்தினேன். ஆனால், அப்போது தி.மு.க. அரசின் முதலமைச் சராக இருந்த கருணாநிதியோ, அதைச் செய்யவில்லை. மாறாக, அனைத்துக் கட்சிக் கூட்டம், சட்டமன்றக் கட்சித் தலைவர்கள் கூட்டம்; தமிழ்நாடு சட்டமன்றப் பேரவையில் தீர்மானம், மனிதச் சங்கிலி போராட்டம், பிரதமருக்கு தந்தி, நாடாளுமன்ற உறுப்பினர் கள் ராஜினாமா என்ற அறிவிப்பு, ராஜினாமா கடிதங்களை தானே பெற்றுக் கொண்டது, இறுதி எச்சரிக்கை என்ற அறிவிப்பு என பல்வேறு வகையான நாடகங்கள் தான் முன்னாள் முதலமைச்சர் கருணாநிதியால் நடத்தப்பட்டன.

உண்மை நிலை என்னவென் றால், போரினால் இடம் பெயர்ந்த தமிழர்கள் மறுவாழ்வு பெறாமல் இன்னமும் அவதிப்பட்டுக் கொண்டு தான் இருக்கிறார்கள்.

குண்டு மழைக்கு விலக்களிக் கப்பட்ட பகுதி மற்றும் மருத்துவ மனைகள் மீதெல்லாம் இலங்கை ராணுவம் குண்டுமழை பொழிந்து இருக்கிறது; மனிதாபிமான அடிப்படையில் நிவாரணப் பொருட்கள் மக்களை சென்ற டைவதை இலங்கை அரசு தடுத்து நிறுத்தி இருக்கிறது; உணவு மற்றும் குடிநீர் பற்றாக்குறை கார ணமாக ஏராளமான தமிழர்கள் மரணமடைந்துள்ளனர்; மனித உரிமை மீறல்கள் நிகழ்ந்துள்ளன. இந்தக் காரணங்களுக்காகத்தான் இந்தத் தீர்மானம் கொண்டு வரப்பட்டது.

இங்கே பேசிய மார்க்சிஸ்ட் கம்யூனிஸ்ட் கட்சி உறுப்பினர் சவுந்தரராசன், பொருளாதாரத் தடையைக் கொண்டு வர வேண்டு மென்ற வரிகளை விலக்கிக் கொண்டால் என்ன என்ற ஒரு கருத்தை இங்கே தெரிவித்தார். இதனால் அப்பாவித் தமிழ் மக்க ளும் பாதிக்கப்படுவார்களே என்ற ஒரு கருத்தைச் சொன்னார். இப் போதே இலங்கை அரசு யாருக் கும் பணியவில்லை. அங்கே வாழ் கின்ற இலங்கைத் தமிழர்களுக்கு சிங்களர்களோடு அனைத்து உரி மைகளையும், குடியுரிமைகளை யும் வழங்க வேண்டுமென்று இந்தியா சொன்னாலும், யார் சொன்னாலும், அவர்கள் அதை மதிக்கவில்லை. அதனால், அவர் களை எப்படி வழிக்குக் கொண்டு வருவது? அவர்களை வழிக்குக் கொண்டு வருவதற்கு ஒரே வழி பொருளாதாரத் தடைகள்தான். இதுவொரு தற்காலிகமான ஒரு முறைதான். இந்திய அரசும், இன் னும் சில நாடுகளும் இணைந்து, இலங்கை அரசின்மீது ஒரு பொருளாதாரத் தடையைக் கொண்டு வந்தால், குறுகிய காலத் திற்குள்ளேயே நாம் சொல்வதை இலங்கை அரசு கேட்டுத்தான் ஆக வேண்டுமென்ற நிர்ப்பந்தம் ஏற்படும். வேறு வழியில்லை என் பதற்காகத்தான் இதைச் சேர்த் திருக்கிறோம்.

இந்தத் தீர்மானத்தின்மீது இங்கே கருத்துத் தெரிவித்து பேசிய இன்னும் சில உறுப்பினர்கள் பேசுகின்றபோது, ஐ.நா. சபை ராஜபக்ஷேவை போர்க் குற்ற வாளி என்று அறிவித்து விட்ட தாக இங்கே தெரிவித்தார்கள். அப்படியில்லை. ஐ.நா. சபையின் பொதுச் செயலாளர் பான் கீ மூன் ஒரு குழுவை அமைத்து, அவர்கள் அங்கே நிகழ்த்தப்பட்ட போர்க் குற்றங்களைப் பற்றி ஒரு அறிக்கை சமர்ப்பிக்க வேண்டுமென்று தெரிவித் தார். அந்தக் குழு சமர்ப்பித்த அறிக்கையில், இப்படிப் பட்ட போர்க் குற்றங்க ளெல்லாம் நிகழ்த்தப்பட் டதாகக் கூறப்படுகிறது; அங்கே வாழ்கின்ற தமிழ் மக்கள் மீது இத்தகைய குற்றங்களெல்லாம், கொடு மைகளெல்லாம் நிகழ்த்தப் பட்டன என்பதையெல் லாம் தெரிவித்துவிட்டு, இதனை இலங்கை அரசே விசாரிக்க வேண்டும் என்று தான் சொல்லியிருக்கிறார் களே தவிர, இதை உறுதியும் செய்யவில்லை ராஜபக் ஷேவோ, மற்றவர்களோ போர்க் குற்றவாளிகள் என்று ஐ.நா. சபை அறி விக்கவும் இல்லை. அத னால்தான் இந்தத் தீர்மா னத்தில் இந்திய அரசு போர்க் குற்றம் புரிந்தவர்களை, போர்க் குற்றவாளிகள் என்று பிரகடனப்படுத்த வேண்டும், இதற்கு ஐ.நா. சபையை வலியுறுத்த வேண் டும் என்று தீர்மானம் கொண்டு வந்திருக்கிறோம். எனவே, மனிதாபிமானமற்ற முறையில் ஈவு இரக்கமின்றி பல்லாயிரக்கணக்கான இலங் கைத் தமிழர்கள் சுட்டுக் கொல்லப்படுவதற்குக் கார ணமானவர்களை போர்க் குற்றவாளிகள் என்று பிர கடனப்படுத்த ஐக்கிய நாடு கள் சபையை இந்திய அரசு வற்புறுத்த வேண்டும் என் றும்; இலங்கையில் உள்ள அகதிகள் முகாம்களில் தங்க வைக்கப்பட்டுள்ள தமிழர்களுக்கு முழு மறு வாழ்வு அளித்து, அவர்கள் வசித்த இடங்களிலேயே அவர்களை மீண்டும் குடி யமர்த்தி; சிங்களர்களுக்கு உரிய அனைத்து குடியுரி மைகளையும் தமிழர் களுக்கு இலங்கை அரசு வழங்கும் வரையில் மற்ற நாடுகளுடன் இணைந்து இலங்கை அரசு மீது பொரு ளாதாரத் தடையை விதிக்க வேண்டும் என்றும் மத்திய அரசை வலியுறுத்தி, அரசு சார்பில், என்னால் முன் மொழியப்பட்ட தீர்மானத் தினை இந்த மாமன்றம் ஒரு மனதாக நிறைவேற்றித் தர வேண்டும் என்று கேட்டுக் கொள்கிறேன். இவ்வாறு ஜெயலலிதா பேசினார்.

தீர்மானம் நிறைவேற்றம்

இதன் பின்னர் குரல் வாக்கெடுப்பு மூலமாக தீர் மானம் ஒருமனதாக நிறை வேறியது

திமுக வெளிநடப்பு

முன்னதாக பேசிய எதிர் கட்சித் தலைவர் விஜயகாந்த் ஈழத் தமிழர்கள் பெருமளவு பாதிக்கப்பட்டதற்கு திமுக அரசு காரணம் என்று கூறி யதற்கு எதிர்ப்பு தெரிவித்து திமுக உறுப்பினர்கள் அவை யில் இருந்து வெளிநடப்பு செய்தனர்.