இந்தியா, மலேசியாவிலுள்ள இலங்கை அகதிகள் நாடு திரும்புவதில் ஆர்வம்

இந்தியா மற்றும் மலேசியாவிலி ருந்து 2012ஆம் ஆண்டு முதல் ஆறு மாதங்களில் 206 குடும்பங்களைச் சேர்ந்த 548 இலங்கைத் தமிழ் அகதிகள் நாடு திரும்பியிருப்பதாக கொழும்பிலுள்ள யூ.என்.எச்.சி.ஆர். அலுவலகம் தெரிவித்துள்ளது. 2009ஆம் ஆண்டு முதல் இதுவரை சுமார் 5 ஆயிரம் இலங்கைத் தமிழ் அகதிகள் தமிழகத்திலுள்ள அகதி முகாம்களிலிருந்து தாமாக முன்வந்து நாடு திரும்பியிருப்பதாக யூ.என்.எச்.சி.ஆர். அலுவலகத்தின் அதிகாரியொருவர்த் தெரிவித்தார். கடந்த காலங்களுடன் ஒப்பிடுகையில் 2012ஆம் ஆண்டின் முதல் ஆறு மாதங்களில் இந்தியாவி லிருந்து நாடு திரும்பிய இலங்கை தமிழ் அகதிகளின் எண்ணிக்கை குறைவாகக் காணப்படுவதாகச் சுட்டிக்காட்டிய அவர், கொழும்புக்கும் தூத்துக்குடிக்கும் இடையி லான கப்பல் சேவை தடைப்பட்டிருப்பதும் இந்த எண்ணிக்கை வீழ்ச்சிக்குக் காரணமாக அமைந்திருப்பதாகவும் கூறினார்.

நீண்டகாலமாகத் தமிழக முகாம்களில் தங்கியிருக்கும் இலங்கைத் தமிழர்கள் தம்மிடமுள்ள பெருந்தொகையான பொருட்களை எடுத்துவருவதற்கு கடல்மார்க்கமே சிறந்தது எனக் கூறி வருவதாக அந்த அதிகாரி சுட்டிக்காட்டினார்.

2011ஆம் ஆண்டு டிசம்பர் மாதத் தகவல்களின் படி இந்தியாவிலுள்ள 112 அகதி முகாம்களில் 68 ஆயிரத்து 49 இலங்கைத் தமிழ் அகதிகளும், முகாம்களுக்கு வெளியே 32 ஆயிரத்து 467 அகதிகளும் தங்கியுள்ளனர்.

இதுமாத்திரமன்றி இந்தியா உட்பட 65 நாடுகளில் இலங்கை அகதிகள் ஒரு இலட்சத்து 41 ஆயிரம் பேர் தங்கியிருப்ப தாகவும் யூ.என்.எச்.சி.ஆர். அதிகாரி குறிப்பிட்டார். தாமாக முன்வந்து நாடு திரும்ப முன்வருவோருக்குத் தேவையான பயண ஏற்பாடுகள் மற்றும் அவர்களுக்கான உதவிகளை யூ.என்.எச்.சீ.ஆர்.

அமைப்பு வழங்கி வருவதாகக் குறிப்பிட்ட அவர், இவ்வாறு நாடு திரும்பியவர்கள் தமது வாழ்க்கையை ஆரம்பிப்பதற்கான நிதியுதவி மற்றும் நிவாரண உதவிகளை வழங்கி வருவதாகவும் கூறினார். நாடு திரும்பியவர்கள் தமது உடமைகளுடன் சொந்த இடங்களுக்குச் செல்வதற்கு பயணக் கொடுப்பனவுகள் வழங்கப்படுகின்றன.

அதுமாத்திரமன்றி அவர்கள் சொந்த இடங்களுக்குச் சென்ற பின்னர் வாழ்க்கையை ஆரம்பிப்பதற்கு உதவியாக அவர்களின் பிரதேசங்களிலுள்ள யூ.என்.எச்.சி.ஆர். அலுவலகத்தின் ஊடாக நிவாரண உதவிகள் வழங்கப்படுவ தாகவும் தெரிவித்தார்.