22 பேர் சிங்களவர்கள், 03 பேர் முஸ்லிம்கள் டாக்டர்கள் சேவையாற்றுகின்ற

முல்லைத்தீவு பெரியாஸ்பத்திரி தமிழ் வைத்திய நிபுணர்களுக்கு பற்றாக்குறை மத்தியில் திருப்திகரமான மக்கள் சேவை

வைத்திய நிபுணர்களின் பற்றாக்குறைக்கு மத்தியிலும் முழுமை பெற்ற ஆஸ்பத்திரி யாக முல்லைத்தீவு பெரிய ஆஸ்பத்திரி இயங்கி வருகிறது. ஏ 4 பாதைக்கு அருகிலுள்ள இந்த பெரியாஸ்பத்திரி விடுதலைப் புலிகளால் சேதமாக்கப்பட்டு தற்போது முழுமைபெற்ற ஆஸ்பத்திரியாக மாற்றப்பட்டுள்ளது. ஆகப் பிந்திய மருத்துவ உபகரணங்களும், சிகிச்சை வசதிகளும் இங்கு உள்ளன. விடுதலைப் புலிகள் தம்மவருக்கு மட்டுமே இந்த ஆஸ்பத்திரியை பயன் படுத்தினர். வறிய மக்களுக்கு இங்கு செல்ல வசதியே இருக்கவில்லை. இந்த ஆஸ்பத்திரியில் 25 இளம் டாக்டர்கள் சேவையாற்றுகின்றனர். 22 பேர் சிங்களவர்கள். 03 பேர் முஸ்லிம்கள். இந்த 25 டாக்டர்மாரும் சிறப்பாக மருத்துவப் பணி செய்கின்றனர். விடுதலைப் புலிகள் இளைஞர்களையும், சிறுவர்களையும் கடத்தினர். இதனால் எல்.ரி.ரி.ஈ. யினரின் காலத்தில் மக்கள் ஒருபோதும் இந்த ஆஸ்பத்திரிக்குச் செல்லவில்லை என வசந்தராஜா கிருத் திகா என்ற 22 வயது பெண் நோயாளி தெரிவித்தார்.

தியாக உணர்வுடன் டாக்டர்கள் இங்கு பணியாற்றுகின்றனர். டாக்டர் கசுன் பண்டாரவும், மஹேந்திரராஜா கஜேந்திரனும் இந்த ஆஸ்பத்திரியில் சேவைபுரிய அநேக தமிழ் டாக்டர்கள் வரவேண்டுமென தெரிவித்தனர். 03 சிறுவர் நோய் சிகிச்சை நிபுணர்களுடன் மகப் பேற்று சிகிச்சை நிபுணர்கள், சத்திர சிகிச்சை நிபுணர்களும் இங்கு உள்ளனர். முன்னர் வந்த சிகிச்சை நிபுணர்கள் வசதியின்மை காரணமாக இங்கு இருக் காமல் சென்றனர். தற்போது உள்ளவர்கள் சில காலம் இங்கு சேவையாற்ற ஆர்வம் பூண்டுள்ளனர். வவுனியா, யாழ். ஆஸ்பத்திரிகளுக்கு நோயாளர்களை மாற்றம் செய்வதில் இரு அம்புலன்ஸ் வண்டிகள் மிகவும் பிஸியாக முழு நாளும் சேவையாற்று கின்றன.

2009 ஜனவரி 12 ஆம் திகதி இராணுவம் ஆஸ்பத்திரியின் முழுக் கட்டுப்பாட்டையும் பொறுப்பேற்றது. புலிகள் வசம் இருந்த 15 மில்லியன் ரூபா பெறுமதியான மருந்துப் பொருட்களை வன்னி நடவடிக்கையின் போது இராணுவம் மீட்டது. இதில் பல மருத்துவ உபகரணங்களும் அடங்கும். இவை ஆஸ்பத்திரிப் பாவ னைக்கு கிடைத்துள்ளன. பாம்புக் கடிகளுக்கு உள்ளாவோரும் இங்கு அனுமதிக்கப்படுகின்றனர். காடுகள் சுத்தமாக்கப்படுவதாலும், மீள்குடியேற்றம் நடைபெறுவதனாலும் பாம்புகள் வெளியேறுகின்றன.

அதிதீவிர சிகிச்சை பிரிவுக்கு தேவையான உபகரணங்கள் உண்டு. ஆனால் ஊழியப் பற்றாக்குறை காரணமாக அப்பிரிவு இன்னும் இயங்கவில்லை. நாளாந்தம் ஆஸ்பத்திரியின் வெளி நோயாளர் பிரிவுக்கு 500 முதல் 600 நோயாளர்கள் வரை வருகின்றனர். 200 உள்ளக நோயாளர்களும் உள்ளனர். மாதாந்தம் 70 குழந்தைகள் இங்கு பிறக்கின்றன.

இளம் டாக்டர்கள் இங்கு வந்து மருத்துவர் பணியாற்ற தாம் அழைப்பு விடுப்பதாகவும் டாக்டர் கஜேந்திரன் தெரிவித்தார். அரசு சமூகங்களுக்கு மத்தியில் நல்லிணக் கத்தைக் கொண்டுவர சகல முயற்சிகளையும் மேற்கொள்கிறது.

தென்பகுதியில் இருந்து வந்த டாக்டர்கள் அமைதியாக மேற்கொள்ளும் மருத்துவப் பணி பாராட்டப்பட வேண்டும். மரண பயத்துடன் கூடிய பழைய நினைவுகளை மறந்து சொந்தக் காலில் நிற்க வடபகுதி தமிழ் மக்கள் முயலும் இவ்வேளை, வடபகுதி மக்கள் தமது சொந்த மக்களுக்காக பங்களிப்பு நல்க முன்வர வேண்டும். தமிழ் டாக்டர்கள் ஏன் எங்களுக்கு வந்து சேவை செய்ய மறுக்கிறார்கள்? எங்களுக்குச் சேவை செய்ய இதுதான் தருணம். இப்படி வசந்தராஜா திருப்த்தி தெரிவித்தார்.