கொன்சலிற்றா விவகாரம்

அம்பலமானது பாதிரியின் புகைப்படங்கள்!

குருநகரில் மரணமான யுவதியின் மரணத்துடன் கிறிஸ்தவ பாதிரிகளிற்கு தொடர்பிருப்பது பெரும்பாலும் உறுதி செய்யப்பட்டு விட்டது. மரணமான கொன்சலிற்றாவுடன் பாதிரிகளில் ஒருவரான குயின்ரன் உடல்ரீதியிலான தொடர்பை பேணியிருக்கலாம் என்பதற்கு வலுவான ஆதாரங்கள் சிக்கியுள்ளன. யுவதியின் கையடக்கத் தொலைபேசியை ஆய்விற்குட்படுத்திய சமயத்தில் அதில் இருந்த புகைப்படங்கள் இருவரிற்குமிடையில் இருந்த நெருக்கத்தை வெளிப்படுத்தியுள்ளன. குயின்ரனின் படுக்கையறையில் இருவரும் ஒன்றாக புகைப்படம் எடுத்துள்ளனர். படுக்கையில் இருந்த பாதிரியை கொன்சலிற்றா புகைப்படம் எடுப்பதும், பாதிரிய தனது முகத்தை மறைப்பதும் பதிவாகியுள்ளது. அது தவிர, கொன்சலீற்றாவின் கையடக்கத் தொலைபேசிக்கு பாதிரியார் தனது ஏராளம் புகைப்படங்களை அனுப்பியிருப்பதும் வெளிப்பட்டுள்ளது. இந்த புகைப்படங்கள் தமிழ்பக்கத்திற்கு கிடைத்துள்ளன. அவற்றில் சிலவற்றை அவசியம் கருதி இப்பொழுது பிரசுரிக்கிறோம்.

இதேவேளை, இன்று கொன்சலீற்றா விவகாரம் விசாரணை செய்யப்பட்டது. விசாரணை முடிவில் கருத்து தெரிவித்த கொன்சலீற்றாவின் பெற்றோர், யாழ்ப்பாணத்தின் பிரபல சட்டத்தரணி சிறிகாந்தா மீதும் குற்றச்சாட்டு சுமத்தினார்கள். சிறீகாந்தா வஞ்சகமாக செயற்பட்டு, வழக்கை திசைதிருப்பி பாதிரிகளிற்கு சார்பாக திருப்ப முயல்வதாக குற்றம் சாட்டினார்கள். தமது மகளின் மரணத்திற்கு நீதி வேண்டும் என்றும், அது கிடைக்கும் என்ற நம்பிக்கை இல்லாமல் போய்க் கொண்டிருப்பதாகவும் தெரிவித்தனர்.

அதஇன்றைய வழக்கு எதிர்வரும் 10ஆம் திகதிக்கு ஒத்திவைக்கப்பட்டுள்ளது. இன்றைய விசாரணையில் யாழ்ப்பாண பொலிஸ் நிலைய பாரிய குற்றத்தடுப்புப் பிரிவின் பொறுப்பதிகாரி மன்றில் சாட்சியமளித்திருந்தார். 

வழக்கு விசாரணைகளின் பின்னர் கொன்சலிற்றாவின் பெற்றோர்களிடம் இன்றைய வழக்கு விசாரணை தொடர்பாக கேட்ட போது, 

இன்று எங்களை விசாரணைக்கு அழைக்கவில்லை பொலிசாரே சாட்சியம் அளித்திருந்தனர். 

இந்த வழக்கு விசாரணைகளில் எமக்கு நீதி கிடைக்காமல் போய்விடுமோ என தற்போது எமக்கு அச்சம் ஏற்பட்டுள்ளது. எமது மகளின் மறைவுக்கு பின்னர் வழக்கு நீதிமன்றத்திற்கு வந்தபோது தானாக முன்வந்த யாழில் உள்ள பிரபல சட்டத்தரணி சிறிகாந்தா, தான் இந்த வழக்கில் ஆஜராகி உங்களுக்கு நீதியை பெற்று தருவேன் என்று கூறினார். 

அதனை நாங்கள் நம்பி அவரை ஏற்றுகொண்டோம். அதன் பின்னர் அவர் கடந்த இரண்டு தவணைகளுக்கும் மன்றுக்கு சமூகமளிக்க வில்லை. நாம் அவரை தொடர்பு கொண்டபோது தனக்கு வேறு வழக்கு இருபதாகவும் தான் இந்த வழக்குக்கு சட்ட தரணியையும் ஒழுங்கு செய்துள்ளதாகவும் தெரிவித்தார். 

அவரால் ஒழுங்கு செய்யப்பட சட்டதரணியே கடந்த தவணைகளில் எமக்காக மன்றில் ஆஜராகியிருந்தார்.. 

குறித்த சட்டத்தரணி எமக்காக வாதாடுவது தொடர்பில் எமக்கு தற்போது சந்தேகம் ஏற்பட்டுள்ளது. ஏனெனில் கடந்த தவணையின் போது வழக்கு விசாரணை முடிந்த பின்னர் எம்மை அழைத்த அவர் ஊடகங்களுக்கு இந்த வழக்கு தொடர்பாக எதனையும் தெரிவிக்க வேண்டாம் என மிரட்டும் பாணியில் எமக்கு கூறி இருந்தார். 

அது மட்டுமின்றி நீங்கள் இந்த வழக்கு தொடர்பாக ஊடகங்களுக்கு தெரிவித்தால் இந்த வழக்கு தள்ளுபடி செய்யப்பட்டு விடும் அதன் பின்னர் எதிராளிகள் உங்கள் மீது மான நஷ்ட வழக்கு தாக்கல் செய்ய கூடிய வாய்ப்பு உள்ளது என்றும் கூறினார். 

அதனை நம்பி நாம் கடந்த தவணை விசாரணைகள் முடிந்த பின்னர் ஊடகங்களுக்கு கருத்து தெரிவிக்காமல் நீதிமன்றின் மற்றைய வாசலால் வெளியேறி சென்றோம். 

அதன் பின்னர் நேற்று இன்றைய தினம் வழக்கு இருக்கிறது நீங்கள் நாளை நீதிமன்றில் எமக்காக ஆஜராகுவீர்கள் தானே என குறித்த பிரபல சட்டத்தரணியுடன் தொடர்பு கொண்டபோது தனக்கு வழக்கு இருபதாகவும் தான் முதலில் ஒழுங்கு செய்த சட்டத்தரணி இன்றும் உங்களுக்காக ஆஜர் ஆவார் எனவும் தெரிவித்தார். 

அவரால் ஒழுங்கு செய்யப்பட்ட சட்டத்தரணி மீது எமக்கு நம்பிக்கை இல்லாதா காரணத்தால் நாம் வேறு ஒரு சட்டத்தரணியை ஒழுங்கு செய்திருந்தோம். அதனை அடுத்து அவரால் ஒழுங்கு செய்யப்பட்ட சட்டத்தரணி ஏன் வேறு ஒருவரை ஒழுங்கு செய்தீர்கள் என எம்முடன் வாக்குவாதத்தில் ஈடுபட்டார். இதனால் எமக்கு அவர் மீது இன்னும் அதிகமாக நம்பிக்கையீனம் ஏற்பட்டுள்ளதாக அவர்கள் மேலும் தெரிவித்தனர். 

இதேவேளை கடந்த தவணை வழக்கு விசாரணைகளின்போது கொன்சலிற்றாவின் தொலைபேசி அழைப்புக்கள் தொடர்பாக அறிக்கை சமர்பிக்கும் படி பொலிசாருக்கு நீதவான் உத்தரவு இட்டு இருந்தார். 

அதன் பிரகாகரம் இன்றைய தினம் பொலிசாரால் கொன்சலிற்றாவின் இறப்புக்கு முன்னரான ஒரு மாத கால தொலைபேசி அழைப்புக்கள் தொடர்பாகவே அறிக்கை சமர்பிக்கப்பட்டது. 

அது தொடர்பில் கொன்சலிற்றாவின் பெற்றோரால் இன்று ஒழுங்கு செய்யப்பட்ட சட்டத்தரணி கொன்சலிற்றாவின் இறப்புக்கு முன்னரான 3 மாத கால தொலைபேசி அழைப்பு தொடர்பான அறிக்கையை மன்றில் சமர்பிக்க கோரிக்கை விடுத்திருந்தார்.

ஏனெனில் கொன்சலிற்றாவின் இறப்புக்கு ஒரு மாத காலத்திற்கு முதலே கொன்சலிற்றாவின் பெற்றோரால் அவருடைய தொலைபேசி பறிமுதல் செய்யப்பட்டு விட்டது. அதன் பிறகு அவருக்கு தொலைபேசி அழைப்புக்கள் வரவில்லை என கூறியதை ஏற்றுக்கொண்ட நீதவான் கடந்த 3 மாத கால தொலைபேசி அழைப்புக்கள் தொடர்பான அறிக்கையை சமர்பிக்குமாறு உத்தரவு இட்டார்.