ஒரு மனிதனின் வாய் வழியால் உணவு போய் அது ஜீரனமாகி பின்னர் மலவாசல், சிறுநீர் வாசல் ஊடாகக் கழிவாக வெளிவருவது தான் இயற்கையின் நியதி. இது போலவே வீடுகள், பொது இடங்கள் போன்றவற்றில் மனிதனின் நடவடிக்கைகளால் ஏற்படும் கழிவுகளை அகற்றுவதற்கு அதற்கான ஏற்பாடுகள் செய்யப்பட்டிருக்கும். நகர்ப்புறங்களில் கழிவு நீர் ஓடுவதற்கு என்று வாய்க்கால்கள் கட்டி அதனுாடாக கழிவு நீரை வெளியேற்றுவார்கள். ஆனால் வழமைக்கு மாறாக கழிவு நீர் ஓடும் வாய்க்காலில் கழிவு நீரை கலக்க வேண்டாம் என ஒரு வித்தியாசமான உத்தரவு போட்டிருக்கின்றது வலி.தெற் பிரதேசசபை.

அது பற்றிய ஒரு செய்தி இது:

இரணைமடு நன்னீரை கடலுக்குள் திறந்து விடும் கூட்டமைப்பினர் உணவக கழிவு நீரை சாக்கடை வாய்க்காலில் இணைத்து விடுவதற்கு கூட்டமைப்பின் வலிகாமம் தெற்கு பிரதேசசபையினர் தடுத்து வருவதாக இரணைமடு நன்னீரை கடலுக்குள் திறந்து விடும் கூட்டமைப்பினர் உணவக கழிவு நீரை சாக்கடை வாய்க்காலில் இணைத்து விடுவதற்கு கூட்டமைப்பின் வலிகாமம் தெற்கு பிரதேசசபையினர் தடுத்து வருவதாக சுன்னாகம் நகர உணவக உரிமையாளர்கள் கண்டனம் தெரிவித்துள்ளனர். வலிகாமம் தெற்கு பிரதேசசபை ஆளும் தமிழ்த் தேசியக் கூட்டமைப்பிலுள்ள தமிழரசுக் கட்சியின் அதிகாரத்தின் கீழ் உள்ளது. இங்குள்ள உணவகங்களின் கைகழுவும் கழிவு நீரை சாக்கடை வாய்க்காலில் சேர்த்து விடுவதற்கு பிரதேசசபையினர் தடுத்துள்ளதாக உணவக உரிமையாளர்கள் தெரிவித்துள்ளனர்.

உணவகங்களுக்கு விறபனை உரிமங்களுக்கான வருடாந்த வரிகளை தாம் வருடா வருடம் கிரமமாகச் செலுத்தி உரிமம் பெற்றே உணவகங்களை நடாத்த வருவதாகவும் இதற்கு மேலாக பொது சுகாதாரப் பரிசேதகர்களின் கட்டளைப்படியே சுனபதார நடைமுறைகளைப் பின்பற்றி வருவதாகவும் அவர்கள் தெரிவித்தனர். இருந்த போதும் உணவகங்களுக்கு வரும் பொதுமக்கள் உணவுகளை உண்ணும் முன்னர் கைகழுவுவதற்கு வசதியாக அதற்கான தண்ணீர் வசதிகள் செய்யப்பட்டிருந்தும் கைகழுவும் நீரை வலிகாமம் தெற்கு பிரதேசசபையின் சுன்னாகம் உப அலுவலகம் அமைந்துள்ள சுன்னாகம் சந்தையைச் சுற்றி அமைக்கப்பட்டுள்ள சாக்கடையுடன் சேர்த்து விடுவதற்கு பிரதேசசபையில் ஆட்சியிலுள்ள அதிகார வர்க்கத்தினர் தடுத்துள்ளதாகவும் அவர்கள் குற்றம் சாட்டியுள்ளனர்.

இதனால் தாம் கழிவு நீரை பாத்திரங்கள் வைத்து எடுத்து பின்னர் அதனை எடுத்துச் சென்று வெளியில் ஊற்றுவதாகவும் இதனால் தாம் பெரும் சிரமங்களை எதிர்கொண்டு வருவதாகவும் ஆதங்கம் தெரிவித்தனர். உள்ளுராட்சி அதிகார சபை ஊடாக மக்களுக்கான வசதிகளை அமைத்துக் கொடுப்போம் என ஆட்சிபீடம் ஏறியவர்கள் இப்போது தமக்கு அடிப்படையான விடயங்களை செய்து கொடுக்கவில்லை எனவும் தெரிவித்தனர்.

இதேவேளை சன நெருக்கடி நிறைந்த சுன்னாம் சந்தையைச் சுற்றியுள்ள சாக்கடை வாய்க்கால் திறந்த நிலையில் காணப்படுகின்றது. இதனை செப்பனிடுவதற்கு கொண்டுவரப்பட்ட கொங்றீற் மூடிகள் ஆங்காங்கு அடிக்கி வைக்கப்பட்டுள்ளன. வாய்க்கால்கள் வாயைப் பிளந்தது பாதசாரிகளைப் பலியெடுக்க காத்து நிற்கின்றன. சமீபத்தில் பேரூந்து ஒன்றில் இருந்து இறங்கிய கர்ப்பிணித் தாயொருவர் வாய்க்காலில் வீழ்ந்து ஆபத்தான நிலையில் வைத்தியசாலைக்கு எடுத்துச் செல்லப்பட்ட சம்பவம் ஒன்றும் இடம்பெற்றிருந்தது.

சுன்னாம் சந்தை மொத்த வியாபாரம், சில்லறை வியாபாரம் என பிரபலமான ஒரு சந்தைப்பகுதி. இங்கு அதிகாலை முதலே வியாபாரங்கள் பரபரப்பாக நடைபெறுவது வழமை.
மூட்டை தூக்கும் வகுப்புத் தொழிலாளர்கள் சாக்கடையை மூடி பாதுகாப்பான நடைபாதை இல்லாததால் பெரும் சிரமங்களின் மத்தியிலேயே தமது பாரம் தூக்கும் தொழிலை மேற்கொண்டு பிழைப்பு நடாத்தி வருகின்றனர் என்பது குறிப்பிடத்தக்கது. மத்தியில் மைத்திரியின் நல்லாட்சியை கொண்டு வந்தோம் என புழகாங்கிதம் கொள்ளும் கூட்டமைப்பினர் உள்ளுராட்சியிலும் நல்லாட்சி நிலவவேண்டும் என்பதையும் கருத்தில் கொண்டு செயற்படவேண்டும்.

இரணைமடு நன்னீரை கடலுக்குள் திறந்து விடும் ஆற்றலுள்ளவர்கள், கழிவு நீரை சாக்கடையில் இணைத்துவிட மறுப்பது ஏன்? கையூட்டல் இல்லாததுதான் காரணமோ தெரியவில்லை. பிரம்மனுக்குத்தான் வெளிச்சம்

அமைதி சமாதானம் ஜனநாயகம்

www.sooddram.com